Génesis 1:14 - Qullan Arunaka DC

^14-15 Ukatsti Diosax sarakïnwa: “Urumpi arumampi yaqhachañatakix alaxpachan qhanirinakax utjpan, uka qhanan pachanaka, urunaka, maranak chimpjañapataki, ukhamarak alaxpachatpach aka uraqir qhananiñapataki” sasa. Arsutapasti ukhamapuniw phuqhasïna.

Aymar Bibliia 1986

^14-15 Diosasti saraquïnwa: “Alajjpachanjja khananacajj utjpan, urumpi arumampi yakhachañataqui, uca khanasti tiemponaca, urunaca, maranaca señälañataquiraquïpan. Uqhamaraqui alajjpachat aca oraker khananiñapataquiraqui” sasa. Ucatsti uqhampuniw lurasïna.

Qullan Arunaca

^14-15 Diosasti saraquïnwa: “Alajjpachanjja khananacajj utjpan, urumpi arumampi yakhachañataqui, uca khanasti tiemponaca, urunaca, maranaca señälañataquiraquïpan. Uqhamaraqui alajjpachat aca oraker khananiñapataquiraqui” sasa. Ucatsti uqhampuniw lurasïna.

Génesis 1:14 Jak'a apnaqawi uñst'ayäwi

Génesis 1:13

Ukhamaw kimsïr urux phuqhasïna.

Génesis 8:22

“Aka uraqin utjañapkamasti, yapuchañasa, yapu apthapiñas utjapuniniwa, junt'usa, thayasa, juyphipachasa, jallupachasa, urusa, arumasa utjaskakipuniniwa” sasa.

Génesis 9:13

Nayax qinaya taypin kürmi uskta, ukasti mä unañchäniwa kuna arust'äwtix aka uraqimpi lurkta ukata.

Job 25:3

Ejercitonakapax jan jakht'kayawa, qhanapasti taqinxaruw qhant'araki.

Job 25:5

Diosan nayraqatapan janiw phaxsis qhananïkiti, janirakiw warawaranakas k'ajkirïkiti,

Job 3:9

¡Ukärmanthina, qhantati warawaranakax jan k'ajasapänti, wali suyt'ata qhanas janirak purinkasapänti, qhantati qhanan k'ajatapas janirak uñjatäkasapänti!

Salmos 119:91

Arunakam laykuw taqi kunas jichhürkam utjaski, taqi luratanakax jumar luqtiriwa.

Salmos 148:3

¡Inti, phaxsi, k'ajkir warawaranaka, Tatitur yupaychapxam!

Salmos 148:6

jupaw wiñayatak taqi kun utt'ayäna, jan tukuskir kamachi aru ucharakïna.

Salmos 150:1

¡Tatitux jach'ar aptatäpan! ¡Diosarux qullan utapan yupaychapxam! ¡Muspharkañ alaxpachan jach'añchapxam!

Salmos 81:3

3 (4) Machaq phaxsi uñstipan trompet phust'apxam, urt'a puripansti, phust'apxarakim ukürux jiwasanakan jach'a urusawa.

Isaías 40:26

Alaxpach uñtapxam: ¿Khitis taqi ukanak luristi? Khititix jupanakar mayat mayat jalanuqki uka, taqinirus sutipatkam jawski uka. Ch'amapax wali jach'awa, janirakiw mä warawaras chhaqhatäkiti.

Jeremías 10:2

Tatitux siwa: “Yaqha markanakan luräwinakapar jan arkapxamti, alaxpachan unañchäwinakatsa janirak mulljasipxamti, kunjämatix uka markanakax mulljasipxi ukhama.

Jeremías 31:35

Tatituw inti usku urun qhanañapataki, phaxsisa, warawaranakasa aruma qhanañapatakiraki, jupaw jach'a qutsa, mathapi qhuthutinaksa luraraki, jupax “Taqi Ch'amani Tatitu satarakiwa,” jupasti siwa:

Jeremías 33:20

“Naya, Tatituw sista: Kuna arust'äwtix nayax urumpisa, arumampisa lurkta ukanakax phuqhasipuniniwa, ukat urus arumasa pachapar puriniskani.

Jeremías 33:25

Jichhasti naya, Tatituw sista: Nayasti urumpi arumampiw mä arust'äwir mantta, ukatsti kuna kamachinakatix alaxpachsa, akapachsa apnaqkaspa ukanak uskurakta,

Ezequiel 46:1

Tatitux akham siwa: “Manqhankir uta anqäxa, inti jalsu tuqinkir punkusti, irnaqaña suxta urunakanxa jist'antatapunïniwa, uka punkusti samaraña sábado urumpi, wawa phaxsix uñstankani uka urumpikiw jist'arasini.

Ezequiel 46:6

Machaq phaxsix uñstkani uka urusti mä urqu vaca luqtani, suxta urqu qallu ovejanakampi, mä jach'a urqu ovejampi, taqi ukanakasti jan kuna kamacht'atäñapawa.

Joel 2:10

Aka uraqisti jupanak uñjasax khathatiwa, alaxpachas axsarañat chhijthaptiwa, intisa, phaxsis ch'amakt'xiwa, warawaranakas janirakiw sum k'ajtkxiti.

Joel 3:15

15 (15) Tatitux purinkani uka uruxa, intisa, phaxsis ch'amakt'aniwa, warawaranakas janiw k'ajtkxaniti.

Amós 5:8

Tatituw jan jakt'kay warawaranak luri, jupaw ch'amak arumar qhanjtayi, uru qhansti ch'amak arumar tukuyaraki; qutankir umanaksa qinayanak tuqiw waña uraqir warxati; jupaw ch'aman jaqinakarux atipji, markan jach'a pirqanakapsa allinuku. Sutipasti, Tatitu Diosawa.

Amós 8:9

Tatitux siwa: “Uka urunsti, chika uruw intirux ch'amakt'ayä, qhanaskir urunpach uraqir ch'amakt'ayä.

Mateo 2:2

ukat jiskt'apxäna: —¿Kawkinkis jichha yurki uka judionakan reyipaxa? Inti jalsu tuqin warawarap uñjapxta, ukat jupar yupaychir jutapxta —sasa.

Mateo 24:29

“Uka llakisiñ urunak tukusxipansti, intix ch'amakt'xaniwa, phaxsis janiw qhantkxaniti, warawaranakax alaxpachat willirtaniniwa, alaxpachankir ch'amanakas ukürux khathatxaniwa.

Marcos 13:24

“Khä urunakansti uka t'aqhisiñanak qhipatxa, intix ch'amakt'aniwa, phaxsisti janiw qhankxaniti,

Lucas 23:45

Intix ch'amakt'änwa, Tatitun utapankir cortinasti alayat aynacharux payaruw ch'iyjtäna.

Deuteronomio 4:19

Ukatsti alaxpach uñtasina, intiru, phaxsiru, warawaranakaru, taqpach warawaranakar uñtapkät ukapachaxa, jan ukanakar yupaychapxamti, ukanaksti Tatit Dios awkisaw taqi akapach uraqinkir markanakatak luri.

Apocalipsis 6:12

Corderox suxtïr sello ch'iyaqkän ukkhasti, mä jach'a uraq khathati uñjarakta. Intix ch'amakt'awayxänwa, phaxsisti wilaruw tukuwayxäna.

Apocalipsis 8:12

Ukxarusti pusïr angelarakiw trompetap phust'äna, ukatsti intimpi, phaxsimpi, warawaranakampix niya chikatan chikatapaw t'unjat uñjasïna, janiw qhant'kxänti. Ukat intix urun niya chikatan chikatap jan qhant'känti, phaxsimpi, warawaranakampisti niya chikatan chikatapaw aruman jan k'ajapkänti.

Apocalipsis 9:2

Ukatsti uka ch'amak manqha jist'aräna, uka ch'amak manqhatxa jiwq'iw mistüna mä jach'a hornot mistunkaspa ukhama; uka jiwq'iw intiru, saman thayar q'al ch'amakt'ayäna.