Filemón 1:9 - Qullan Arunaka DC

⁹ ukampis munasiñat jumarux achikt'asiñ munsma. Naya, Pablox niya chuymanïxtwa, jichhasti Cristor arkatax laykuw katuntatäsin,

Aymar Bibliia 1986

⁹ ucampis munasiñat jumarojj achict'assma. Naya Pablosti niya chuymanëjjtwa, uqhamarac jichhajj Cristo Jesús laycuw catuntatäscaracta.

Qullan Arunaca

⁹ ucampis munasiñat jumarojj achict'assma. Naya Pablosti niya chuymanëjjtwa, uqhamarac jichhajj Cristo Jesús laycuw catuntatäscaracta.

Filemón 1:9 Jak'a apnaqawi uñst'ayäwi

Salmos 71:18

Diosaxay, ch'ama qaritäxä ukapachaxa, janq'u ñik'utanïxä ukkhasa, janikiy jaytanukt'asistati, jichhür jakirinakaru, janïra yuripki jupanakar jach'a ch'amamat yatiyañaxaw wakt'askitu.

Salmos 71:9

janikiy ch'ama qarit tuqir jisk'achistati; ch'amaxax tukusxani ukkhax janikiy jaytanukustati.

Proverbios 16:31

Janq'u ñik'utanïxañax suma pillur uñtatawa, ukasti axsartañ chuymamp sarnaqatata jikxatatawa.

Isaías 46:4

Chuymani jaqinakäxapxät ukkhasti, uka kipkak jumanakarux luraskä; qaqa p'iqïxapxät ukkhasa uñjasipkakïmawa. Nayaw jumanakarux lurasipxsma, nayaw uñjasipkäma, nayarakiw qhispiyasipkäma.

Romanos 12:1

Ukhamasti munat jilatanaka, Diosan khuyapayasiñap laykuw achikt'apxsma, jumanak pachpay jakkir waxt'äwjam luqtasipxam, qullana, ukhamarak Diosar kusisiykir luqtjama. Uka luqtäwiwa chiqpach yupaychäwixa.

2 Corintios 5:20

Ukhamasti nanakax Criston khithanit arsuripäpxtwa, ukasti Dios kipkas jumanakar nanak tuqi achikt'apkiristam ukhamawa. Ukhamasti, Criston sutipxaruw achikt'apxsma, Diosampi sumankxapxañamataki.

2 Corintios 6:1

Nanakasti Diosan luräwipan irnaqirinakjamax jumanakaruw achikt'apxsma, kuna khuyapayasiñtix Diosax jumanakar uñacht'ayapktam uk jan ina ch'usar tukuyapxamti.

Gálatas 3:26

Jumanakax Tatit Jesucristor iyawsatanakam laykux Diosan wawanakapäpxtawa.

Efesios 3:1

Ukat naya Pablox Cristo Jesús layku katuntatäta, jan judiöpktas ukanakatak aski.

Efesios 4:1

Ukat nayax, Tatit layku katuntatäsin achikt'apxsma, khitinakatix Diosan jawsatäpkta ukanakasti, kunjämtix lurapxañamäk ukhamar sarnaqapxam.

Efesios 6:20

Diosaw nayarux aka yatiyäwi uñt'ayañatak khithitu, ukatarak jichhas katuntat uñjasta. Diosat mayipxam, nayan jupat jan axsaras parlañaxataki.

1 Timoteo 1:12

Tatit Jesucristosaruw yuspagarta, jupaw ch'am churitu, askit uñt'asin qullan arunakap arsuñatakiw ajllisitu.

Tito 2:2

Chuyman jilïrinakasti jan kamskayäpxpan, axsart'añani, suma amuyuni, suma iyawsañani, munasiñani, yant'anakar saykatañatakis ch'amañcht'ata.

Hebreos 13:19

Taqi kunat sipansa, Diosat mayipxañamatakiw achikt'asipxsma, nayan jumanakan ukar jank'ak puriniñaxataki.

1 Pedro 2:11

Munat jilatanaka, sarir jaqinakarjamaw achikt'apxsma, janchin munañaparjam jan jakapxamti, uka janchin munañapasti ajayusampiw nuwasi.

Jueces 21:22

Uka tawaqunakan awkinakapampi, jan ukax jilanakapampitix arsusiri jutapxanixa, nanakax sapxäwa: ‘Nanakax achikt'asipxsmawa, jupanakat khuyapt'ayasipxam, Jabés markampi nuwasiñan janiw taqinitak warmi jikxatarapipkti. Ukhamarus jumanakax phuchhanakam jan churapxatam laykux janiw juchanïpktati’ ” sasa.