Filemón 1:22 - Qullan Arunaka DC

²² Ukxar may mayiñ munsma, qurpachasiñay wakicht'arapita; nayasti suyt'asktwa jumanakan Diosar mayitanakamatxa, jupax wakt'ayaniwa carcelat mistuñaxa, nayan jumanakar tumpir jutañaxataki.

Aymar Bibliia 1986

²² Ucjjarusti korpachasïwi waquicht'arapita, nayasti suyt'asctwa jumanacan oracionanacamatjja Diosajj wact'ayaniwa nayan jumanacar uñjiri jutañajjataqui.

Qullan Arunaca

²² Ucjjarusti korpachasïwi waquicht'arapita, nayasti suyt'asctwa jumanacan oracionanacamatjja Diosajj wact'ayaniwa nayan jumanacar uñjiri jutañajjataqui.

Filemón 1:22 Jak'a apnaqawi uñst'ayäwi

Hechos 27:24

Uka angelasti situwa: “Pablo, jan axsaramti, jumax Roma marka apnaqir Cesar jilïrin nayraqatapar uñstañamawa. Diosax jumïpan jumamp chik aka barcon saririnakar jiwañat qhispiyani” sasa.

Hechos 28:23

Ukatsti jilïrinakax mä urutakiw wasitat tantacht'asiñ amtapxäna. Ukürusti Pablox qurpachaskän uka utarux walja judionakaw purinipxäna. Pablosti willjtat jayp'ukamaw Diosan qhapaq markapat jupanakar parläna. Jesusat amuyt'ayañ munäna Moisesan kamachinakap tuqi, profetanakan qillqatanakap tuqiraki.

Romanos 15:24

Españar sarkasaw purt'aniñ munta. Niyak jumanakampi jikisxasinsti, juk'a pachakïpasaya, sarañaxatakix jumanakan yanapt'am munta.

2 Corintios 1:11

jumanakatix nanakatak Diosat mayipxät ukkhaxa. Walja jaqinakatix nanakatak Diosat mayinixa, waljanirakiw katuqktan uka aski churäwinakapat Diosarux yuspagarapxani.

Filipenses 1:19

jumanakan Diosat mayipxatamata, Qullan Ajayun yanapapampi katuntatat qhispiñaxatak yatitaxata.

Filipenses 2:24

Tatituruw mayiskta naya kipka jank'ak jumanakar uñjir jutañaxataki.

Hebreos 13:19

Taqi kunat sipansa, Diosat mayipxañamatakiw achikt'asipxsma, nayan jumanakan ukar jank'ak puriniñaxataki.

Hebreos 13:23

Yatipxam, Timoteo jilatasax carcelat mistxiwa; jupatix jank'ak purininixa, nayamp chikaw jumanakar tumpir irpanï.

Santiago 5:16

Ukalayku, jumanakax maynit maynir juchanakam arsusipxam, ukatsti k'umaraptañatakix sapa maynitak Tatitur mayipxarakim. Mä aski jaqin taqi chuymampi Tatitur mayitapax wali ch'amaniwa.

2 Juan 1:12

Jumanakar sañatakix waljaw utjaskitu, ukampis janiw aka qillqat tuqi sañ munkti. Naya pachpaw jumanak uñjt'iri, jumanakampi parlt'irix jutañ munta, ukhamat kusisiñasan phuqhatäñapataki.

3 Juan 1:14

nayax jank'akiw jumar uñjañ munsma, ukapachaw jumampix parlasiñäni.