Filemón 1:17 - Qullan Arunaka DC

¹⁷ Ukhamasti nayarutix juman jilamat uñt'aschista ukaxa, nayarus katuqkitasma ukhamay juparux katuqxam.

Aymar Bibliia 1986

¹⁷ Uqhamasti nayarutejj juman jilamat uñt'aschista ucajja, nayarus catokquitasma uqhamay juparojj catokjjam.

Qullan Arunaca

¹⁷ Uqhamasti nayarutejj juman jilamat uñt'aschista ucajja, nayarus catokquitasma uqhamay juparojj catokjjam.

Filemón 1:17 Jak'a apnaqawi uñst'ayäwi

Mateo 10:40

“Khititix jumanakar katuqapkätam ukanakax nayaruw katuqitu; khititix nayar katuqkitu ukax khithankitus ukaruw katuqi.

Mateo 18:5

Khititix sutixar aka wawarjam katuqkanixa, nayaruw katuqaskitu —sasa.

Mateo 25:40

Reyisti jupanakarux saniwa: ‘Qhanak sapxsma, jumanakatix aka jan yäqat jila masinakaxar ukanak lurapxstaxa, nayaruw lurasipkista’ sasa.

Hechos 16:15

Jupasti bautismo katuqäna, taqpach utapankirinakamp chika, uka qhipat nanakar achikt'apxitu: —Jumanakatix nayan Tatitur chiqpach iyawsatax amuyapxstaxa, utaxar qurpachasir jutapxam —sasa. Nanakarusti iyawsayapxituwa.

2 Corintios 8:23

Titosti nayampi chik sarnaqiriw sañ munapxsma, jupasti jumanakan askimatakiw nayampi chika irnaqi. Maynïr pä jilatanakax iglesianakat khithanitawa, jupanakasti Cristoruw jach'añchapxaraki.

Efesios 3:6

Uka jan amuyt'kañ amtäwix akawa: Tatitun qhispiyasiñ arunakap tuqiw jan judiöpkis ukanakax judionakamp chik pachpa waxt'äwi katuqapxani, ukhamarak mä sapa markar tukutakïpxani, kuntix Diosax Jesucristo tuqi arsuwaykäna uksa, katuqapxarakini.

Filipenses 1:7

Jumanakat ukham lup'iñaxax askiwa, nayasti jumanakarux walpun munasipxsma, katuntat uñjasïwixana, jilïrinak nayraqatan qhispiyasiñ arunakax chiqaw sas arsusïwixana, jumanakax nayampi chikäpxtawa.

1 Timoteo 6:2

Mayninakatix Tatitur iyawsir uywirinakanïchixa, janiw Tatitur iyawsatap laykukit taqi kunansa ist'asirïñapäkixa. Jan ukasti, uywatanakax juk'amp suma uñjañampiw luqtapxañapa, khitinakatix jumanakan aski luräwinakam katuqapktam ukanakax Tatitur iyawsirinakawa, munat jilatanakarakiwa. Ukhamasti, kuntix siskäm uk yaticham:

Filemón 1:10

Onesimor sum katuqañamatakiw achikt'asiñ munsma, jupasti aka carcelan ajay tuqin wawaxaw tukxi.

Filemón 1:12

Ukat jichhax wasitat khithanxsma, naya pachparus katuqkitasma ukhamay katuqxam.

Filemón 1:18

Inas kuna jan walsa lurstam, jan ukax mä qawqha manumächi ukasa, nayaw ukxa phuqxäma.

Hebreos 3:1

Ukhamasti, jilatanaka, jumanakasti Diosan jawsat qullan markapäpxtawa, Cristo Jesusax Apostoluwa, Jilïr sacerdoterakiwa, wali amuyumpi lup'ipxam, iyawsäwisax jupïpan uñacht'ayasi.

Hebreos 3:14

Jiwasanakax Cristompi chika katuqirïpxtanwa, jiwasatix tukuykam arkañän ukapacha, kunjämatix qalltatpach iyawsktan ukarjama.

Santiago 2:5

Munat jilatanakaxa, aka arunak ist'apxam: Diosax aka uraqin jan kunaninakaruw ajllisi, jupanakan iyawsañan qamirïpxañapataki, ukhamat Diosan qhapaq markap mä waxt'äwjam katuqapxañapataki, jupar munirinakatakiw uk arsuwayi.

1 Pedro 5:1

Jichhasti iglesia irpirinakaruw iwxt'añ munta, Nayasti jupanakjam irpirirakïtwa, Criston t'aqhisitanakapsa sum uñjarakta, Cristox kuttankan ukapachaxa, jupamp chikarakiw jach'a k'ajkir qhanapankäxa.

1 Juan 1:3

Nanakax kuntix uñjapkta, ist'apkarakta uk jumanakarux yatiyapxsma, ukhamat jumanakan nanakampi mayakïpxañamataki, kunjämatix nanakax Dios Awkimpi, Jesucristo Yuqapampis mayakïpkta ukhama.