Éxodo 6:3 - Qullan Arunaka DC

³ Nayaw Abrahamaru, Isaacaru, Jacobur uñstta, taqi ch'aman Dios sat sutimpi. Ukampis nayax janiw TATITU sat chiqpach sutixampi uñt'ayaskti.

Aymar Bibliia 1986

³ Nayawa uñsttjja Abrahamaru, Isaacaru, Jacoboru, take ch'aman Dios sat sutimpi. Ucampis nayajja jupanacarojj TATITU sat cheka sutejjampejj janiw uñt'ayascti.

Qullan Arunaca

³ Nayawa uñsttjja Abrahamaru, Isaacaru, Jacoboru, take ch'aman Dios sat sutimpi. Ucampis nayajja jupanacarojj TATITU sat cheka sutejjampejj janiw uñt'ayascti.

Éxodo 6:3 Jak'a apnaqawi uñst'ayäwi

Génesis 13:18

Ukhamasti Abram chachax chhujllap apthapisiwayasax Hebrón markar jakiriw sarxäna, Mamré sat ch'umi jak'aru. Ukan Tatitun sutip jach'añchañatak mä altar sayt'ayäna.

Génesis 17:1

Kunapachatix Abram chachax llätunk tunka llätunkani maranïxän ukkhaw Tatitux jupar uñstäna, ukatsti sarakïnwa: —Taqi ch'amani Diosax nayätwa; jumasti nayan nayraqataxan askipun sarnaqam,

Génesis 22:14

Uka chiqarusti Abrahamax akham sutichäna: “Tatitux kunatix wakiski ukxa churasiriwa” sasa. Ukat jichhakamaw ukawjax sutichatäski: “Tatitux qullupan kunatix wakiski ukxa churasiriwa” sasa.

Génesis 28:3

Taqi ch'aman Tatit Diosaw jumar aski waxt'äwi churätam, walja wawanak jumar churarakïtam, ukhamat jumat walja markanak uñstañapataki.

Génesis 35:11

Tatitux saskakïnwa: “Nayätwa taqi ch'aman Diosaxa; wawanakamasa, wawanakaman wawanakapas waljapunïpan. Jumat mä jach'a markax mistuni, walja markanakasa, wawanakam taypinsti reyinakaw utjani.

Génesis 48:3

Josearusti akham sarakïna: —Taqi ch'aman Diosaw nayarux Canaán uraqinkir Betel markan uñstitu, ukatsti aka arunakampiw aski waxt'äwinak churitu:

Salmos 68:4

4 (5) Diosar q'uchupxam, sutipar jach'añchapxam; qinay patan sarnaqirir jach'añchapxam. ¡Tatitump kusisipxam! ¡Nayraqatapan k'uchisipxam!

Salmos 83:18

18 (19) ¡Juma sapak Diosätam yatipxpan, aka uraqxar juma sapak Alaxpachankirïtam yatipxarakpan!

Éxodo 15:3

Tatitux ch'aman nuwasiriwa. Sutipax Tatituwa.

Éxodo 23:21

Janiw jupat saraqätati, juparuw jaysäta, janiw jupatak sayt'asïtati, janiw jumanakan juchanakam pampachkaniti, jupax nayan sutixaruw taqi kuns luri.

Éxodo 3:14

Diosasti sarakïnwa: —NAYÄTWA KHITÏKTIX UKAXA. Israelitanakarusti sätawa: “NAYÄTWA sataw jumanakan ukar khithanitu” sasa.

Isaías 42:8

Nayätwa Tatituxa, ukaw sutixaxa, janiw nayar jach'achañapäki uk yaqhar churaykäti, janirakiw naya lantxa yaqha diosanakarus yupaychaykäti.

Isaías 44:6

Tatitu, jach'a reyi, Israelan qhispiyiripa, taqi ch'amani Tatitux siwa: “Nayätwa qalltasa, tukuyasa; nayat juk'ampix janiw yaqha diosax utjkiti.

Jeremías 16:21

“Ukatpï jichhax mäpita jach'a ch'amax uñacht'ayäxa; ukhamat yatipxani nayan sutixan Tatitütapa.”

Jeremías 33:2

“Naya, khititix aka uraqi lurki, ukatsti kawkhankañapäkitix ukkhar utt'aykaraki, ukaw sistam:

Ezequiel 20:5

Jupanakar sarakim: ‘Tatitux akham siwa: Israelar ajlliskäyät ukapachasti, wawanakapatakix mä juramento lurta, Egipto uraqin jupanakar uñstarakta. Ukansti amparaxa aytasaw juramento lurta: Nayätwa Tatitu Diosamaxa, sasa.

Ezequiel 37:13

Kunapachatix nayax jumanakar sepulturat apsunxapxäma ukapachaw jumanakax yatipxäta, nayan Tatitütaxa.

Ezequiel 37:6

Ankunak uchapxäma, janchimpiw phuqhantapxäma, patxa janchimpiw janxatapxäma, ukatsti jakañ samanampiw wasitat jaktxapxañamatak phust'apxäma. Ukapachaw yatipxäta, nayan Tatitütaxa’ ” sasa.

Juan 8:58

Jesusasti jupanakarux sarakïnwa: —Qhanak sapxsma, Abrahamax janïr yurkän uka nayratpach nayax utjta —sasa.

Apocalipsis 1:4

Naya, Juanax, Asia suyunkir paqallqu iglesianakaruw aruntanipxsma. Jumanakax Diosan askipampi, sumankañapampi katuqapxam. Uka Diosasti jakiwa, jakapunïnwa, jichhax jutañampïskiwa, uka pachparaki, Diosan reyi qunuñapan nayraqatapankir uka paqallqu ajayunakampita,

Rut 1:20

Noemí mamasti, jupanakarux sänwa: —Jan juk'amp Noemí sapxistati, jan ukasti Mará sapxita. Taqi ch'amani Tatitux jach'a llakisiñanak nayar apayanitu.