Éxodo 4:12 - Qullan Arunaka DC

¹² Ukhamasti saramaya, parlkäta ukkhax nayaw jumampiskä, nayarakiw kunanaktix arsuñamäki uksa yatichäma —sasa.

Aymar Bibliia 1986

¹² Uqhamasti saram, nayawa jumampïscäjja cunapachatejj parlcäta ucqhajja, uqhamarac nayaraquiw yaticharaquïma cunanactejj arsuñamäqui ucsa.

Qullan Arunaca

¹² Uqhamasti saram, nayawa jumampïscäjja cunapachatejj parlcäta ucqhajja, uqhamarac nayaraquiw yaticharaquïma cunanactejj arsuñamäqui ucsa.

Éxodo 4:12 Jak'a apnaqawi uñst'ayäwi

Salmos 105:26

Diosasti Moisesampiru, Aaronampiruw khithäna, luqtiripat ajlliskatayna jupanakaru,

Salmos 143:10

Munañam lurañ yatichita, nayan Diosaxätam layku. Munasir ajayumax chiqa thakhinjamay irpitpan.

Salmos 32:9

Jumasti jan caballor uñtatämti, janirak mular uñtatämsa ukanakax janiw amuyapkaspati, ukanakar apnaqañatakix jakimampi uchantas apnaqañawa, jan ukham uchatax janiw jak'achasipkiristamti” sasa.

Éxodo 3:12

Tatitusti sarakïnwa: —Moisés, nayaw jumampiskä, naya pachpa jumar khithatax yatiñamatakisti, akäniw chimpuxa: Israelitanakar Egiptot irpsunxät ukapachasti, jumanakax taqiniw aka qullun nayar yupaychapxitäta —sasa.

Éxodo 4:13

Moisesasti sarakïnwa: —¡Ay Tata!, achikt'assmawa, yaqharuk khithaskam —sasa.

Éxodo 4:15

Jumasti Aaronar kunanaktix nayax sisksma ukanak yatiyäta, jupan juma lanti markar sañapataki. Nayasti parlapkäta ukkhax jumanakampïskäwa, nayarakiw yatichasipkäma kunanakatix lurapxañamäki ukanaksa.

Éxodo 4:16

Jumasti nayas parlkirista ukham Aarón jilamar parläta, ukatsti Aaronaw kuntix jumax siskäta uk markar parlaskani.

Isaías 49:2

Arunakaxsti mä ari espadäkaspas ukham tukuyi, amparapampiw imxatt'itu, mä ari mich'jam tukuyitu, mich'i imasiñaparuw imasxarakitu.

Isaías 50:4

Khitinakatix chuyma usutäpki, qaritäpki ukanakar chuymachañatakiw Tatitux yatichitu. Sapa qhantatiw nayarux sartayitu, jupan mä suma yatiqiripjama, ukhamat suma yatichäwinakap katuqañataki.

Jeremías 1:9

Ukatsti Tatitux amparap luqtanisin lakaxat llamkt'itu, sarakituwa:

Números 16:28

Moisesasti saskakïnwa: —Tatituw taqi akanak lurañaxatak nayar khithanitu, janiw nayax chuymaxatjam kuns lurkti, jichhaw jumanakax uk uñjapxäta.

Marcos 13:11

Kunapachatix jilïrinakar katuyapkätam ukkhaxa, janiw llakisipxätati kuntix sapxañamäki ukanakatxa. Jan ukasti kuntix Diosax sapkätam uk parlapxäta, janiw jumanakat parlapkäta, jan ukasti Qullan Ajayuw parlaskani.

Lucas 11:1

Mä kutix Jesusax mä chiqan Diosaruw mayisiskäna, mayisiñ tukuyxipansti, yatiqirinakapat mayniw juparux säna: —Tatay, Diosar mayisiñay yaticht'apxita, kunjämtix Juanax yatiqirinakapar yatichkän ukhama —sasa.

Juan 14:26

ukampis Awkix nayan sutixar khithanki uka Chuymachasir Qullan Ajayuw jumanakar taqi kun yatichapxätam, ukatsti kuntix nayax sapksma ukanak amtayapxarakïtam.

Efesios 6:19

Nayatakis Diosat mayipxarakim, kuna arsuñaxatix wakiski uk Diosax nayar churañapataki, ukhamat Diosan imantat amtäwip ch'amampi parlañaxataki, ukasti Diosan suma yatiyäwi arunakapawa.

Deuteronomio 18:18

Nayaw jilanakap taypit jumjam profeta sayt'ayä, ukatsti kuntix nayax, parlam siskä uk jupanakar parlañapataki, nayax arskä ukanak sañapataki.