Éxodo 32:6 - Qullan Arunaka DC

⁶ Qhipürusti, taqiniw willjtat sartasipxäna ukatsti altar patxan sumankthapiñ wilañchanaka, waxt'anaka luqtapxäna. Uka qhipatsti markax manq'añataki umañatakiw qunt'asïna; ukatsti thuqhupxarakïnwa.

Aymar Bibliia 1986

⁶ Ucat khepa arumarjisti sartasinjja sacrificionac nact'ayasinwa loktapjjäna sumancthapiñataqui. Ucatsti jakenacajj wal mank'apjjäna, umapjjäna; uqhamarac wali cusisipjjaraquïna.

Qullan Arunaca

⁶ Ucat khepa arumarjisti sartasinjja sacrificionac nact'ayasinwa loktapjjäna sumancthapiñataqui. Ucatsti jakenacajj wal mank'apjjäna, umapjjäna; uqhamarac wali cusisipjjaraquïna.

Éxodo 32:6 Jak'a apnaqawi uñst'ayäwi

Éxodo 32:5

Aaronasti uk uñjasinxa, vaca qallur uñtat ídolo nayraqatarux mä altar luräna, ukatsti jach'at markar sarakïna: —¡Arumanthix Tatitur jach'añchañatakiw phunchhäwi lurañäni! —sasa.

Amós 2:8

Manut jaytat isinakxar winkxatasaw yaqha diosanakar yupaychasax altaran manq'apxi; qullqinak apsusasti, diosanakapan utaparuw vino umirix sarapxi.

Amós 8:10

Phunchhäwi urunakamxa jiwatanakat jachañaruw kipstayä, q'uchutanakamasti, amaya imäwi llakinakaruw tukuyarakï; llaki isimpirakiw isthapisiyapxäma, llakisiñat p'iqinakam q'ararasipxäta. Sapa yuqall wawap jiwayasir jaqir uñtataw jachapxäta, taqi kunaw jachañar tukuni.

Números 25:2

uka warminakasti diosanakapar wilañchanak luqtäwiruw jupanakarux jawsapxäna. Israelitanakax uka manq'äwinakapat manq'apxäna, moabitanakan diosanakapatakiw killt'asipxäna,

1 Corintios 10:7

Janiy jumanakax yaqha diosanakar yupaychapxamti, kunjämtix jupanakat mä qawqhanix lurapkän ukhama, Qillqatasti siwa: “Jaqix manq'añataki, umañatakiw qunt'asïna, ukatsti thuqhupxarakïnwa” sasa.

Apocalipsis 11:10

Aka uraqin jakirinakasti wal kusisipxani jupanakan jiwarapxatapata. Kusisiñatsa jupanakkamaw churäwinaksa waxt'asipxani, uka pani profetanakan jaqinakar wali t'aqhisiyirïtap layku.