Éxodo 32:7 - Qullan Arunaka DC

⁷ Ukat Tatitux Moisesar säna: —Qullut saraqxam, Egiptot irpsunkta uka markamax jan walinak lurasipki.

Aymar Bibliia 1986

⁷ Ucatsti Tatitojj Moisesarojj sänwa: —Sarakawayam ucatsti uñjanim, Egiptota irpsuncta uca jakenacamajj jan walt'añaruw puripjje.

Qullan Arunaca

⁷ Ucatsti Tatitojj Moisesarojj sänwa: —Sarakawayam ucatsti uñjanim, Egiptota irpsuncta uca jakenacamajj jan walt'añaruw puripjje.

Éxodo 32:7 Jak'a apnaqawi uñst'ayäwi

2 Crónicas 27:2

Jotam reyin luratanakapasti Tatitun nayraqatapan chiqapänwa, kunjämatix Ozías awkipan luratanakapax chiqapäkäna ukhama. Ukhamäkipansa, janipuniw jupax Tatitun utapar incienso nakhayañatak mantkänti. Markasti jan wali lurañanak luraskakïnwa.

Salmos 78:36

Lakakiw juparux parlapxäna, laxrampisti k'arintapxänwa,

Éxodo 19:24

Ukampis Tatitux jupar sänwa: —Qullut saraqawayam, ukatsti Aaronampiw kutkatanïta. Ukampis sacerdotenakasa, markachirinakas nayan ukar makhataniñ jan yant'apxpati, makhatanipxaspa ukax, jiwapxaspawa —sasa.

Éxodo 32:1

Ukampis jaqinakax Moisesan qullut jan jank'as saraqanxatapatxa, Aaronaruw sapxäna: —Moisesaw Egipto markat irpsunipxitu, jichhasti janiw jupat kunas yatiskxiti, nanakar irpañapatakix diosanak lurarapipxita —sasa.

Éxodo 32:11

Moisesasti aka arunakampiw Tatit Diosapar sumachañ munäna: —Tatay, ¡janikiy aka markatak q'apisimti! Juma pachpaxay Egipto markat jupanakar jach'a ch'amamampi, jach'a kankañamamp irpsunstaxa.

Éxodo 32:4

Aaronasti uka quri aretenak katuqasin ninampiw umatatayäna, ukatsti mä vaca qallur uñtat lursüna. Ukat jaqinakax sapxäna: —¡Israel, akaw Egiptot irpsunktam uka diosamaxa! —sasa.

Éxodo 33:1

Tatitux Moisesar sänwa: —Aka chiqat sarxam, Egiptot irpsunkta uka markamp chika. Kawkha uraqtix wawanakamaruw churä sas Abrahamaru, Isaacaru, Jacobur arskäyäta uka uraqiru.

Isaías 1:4

¡Ay, jucharar jaqinaka, ñanqhampi phuqhantat marka, ñanqhanak lurir jaqinakat saraqirinaka, jan ist'asiri ñanqha wawanaka! Tatitut jayarst'atäpxtawa, Israelan Qullan Diosaparux apanukuwayapxtawa, qhiparuw kutt'awayxapxta.

Daniel (hebreo) 9:24

“ ‘Paqallq tunka semanaw mäkipañapa, markaman jakirinakamxaru, qullan markamxaru, mutuyäwinakan tukusxañapataki, ñanqha luräwinakat pampachäwi jikxatañataki, wiñayatak aski kankañ utt'ayañataki; unañchäwimpi profecía arunakampi phuqhasiñapataki, Qullan utax q'umachata luqtatäxañapataki.

Oseas 9:9

Guibeá markan urunakapanjam ñanqha lurañanakapampix q'al aynacht'xapxi. Ukampis Tatitux ñanqha luratanakapat amtasiniwa, juchanakapatsti mutuyarakiniwa.

Deuteronomio 31:29

Nayax yattwa, jiwxä uka qhipatxa, jan wali lurañanakaruw katuyasipxäta, nayax uñachayapksma uka thakhi apanukupxäta, jutir urunakansti chijinakaruw puripxäta, Tatitun nayraqatapan jan walinak lurapxatamata, ukampi jupar q'apisiyapxatamata.”

Deuteronomio 32:5

“Qhuru chuymani ñanqha jaqinaka, Diosaru ñanqhachirinaka, wawapat uñt'atäñatakis jan askinaka.

Deuteronomio 4:16

jan jumanakan uka yaqha diosanak lurañ juchar puripxañamataki, kawkïrinakatix chacharu, warmiru uñtat luratäki ukanaka,

Deuteronomio 9:12

ukapachaw situ: ‘Jank'ak aka chiqat saraqawayam, Egipto uraqit irpsunkta uka markax juchan jikxatasi. Mäkiw jupanakax nayan iwxa arunakaxar phuqhañ apanukupxi, ukatsti metal umatatayasin mä dios lurasipxi’ sasa.

Deuteronomio 9:8

Horeb qullun Diosarux q'apisiyapxtaxa, jupasti ukham wali q'apisitax niyapuniw jumanakar t'unjapxtam.

Jueces 2:19

Kunapachatix uka jilïrix jiwxän ukkhasti, jupanakax wasitat uka jan wali lurañanakaru kutt'apxäna, nayra awkinakapat sipansa juk'ampi jan waliw tukupxäna, yaqha diosanakar luqtasa, yupaychasaraki. Janiw jupanakax jan wali luräwinakapsa, sarnaqäwinakapsa apanukupkänti.