Éxodo 3:5 - Qullan Arunaka DC

⁵ Ukat Tatitux sarakïna: —Jan jak'achasinimti, wiskhum apsusim, kawkhankktatix uka uraqix qullanawa.

Aymar Bibliia 1986

⁵ Ucat Tatitojj saraquïna: —Jan jac'achanimti, wisqhuma cayumat apsusim cawqhanctatejj uca orakejja kollanawa.

Qullan Arunaca

⁵ Ucat Tatitojj saraquïna: —Jan jac'achanimti, wisqhuma cayumat apsusim cawqhanctatejj uca orakejja kollanawa.

Éxodo 3:5 Jak'a apnaqawi uñst'ayäwi

Éxodo 19:12

Ukampis qullu kayurux chimpunak uchäta, israelitanakan jan makhataniñapataki, jupanakarusti saskakim: “Janiw qullur makhatapxätati, janirakiw thiyanakaparus jak'achasipxätati, chimputäki uksa janiw makhatapxätati, qullur jak'achasirix jiwayataw uñjasini.

Éxodo 19:21

Tatitusti Moisesarux sänwa: —Saraqasin israelitanakaruw yatiyäta, chimputäki uka chiqat janipun nayar uñjañatak makhatanipxpati, jan ist'asis jak'achasinipxaspa ukaxa, waljaniw jiwaraspa.

Éxodo 4:28

Ukatsti Moisesax, kuntix Tatitux siskatayna ukanak Aarón jilapar yatiyäna, kuna muspharkañanaktix lurañapatak arskäna ukanak yatiyarakïna.

Eclesiastés 5:1

1 (17) Kunapachatix Diosan utapar sarkät ukkhaxa, sarnaqäwim uñakipasim, ñanqha lurir jaqinakan wilañchap luqtañat sipansa, ist'añatak jupar jak'achasim.

Jeremías 30:21

Pachpa marka taypit mayni jilïrix mistuni, jupanak taypit jupanakar apnaqirix mistuni, ukatsti nayaruw jak'achasiyanï; ukampis, ¿khitis nayar jak'achasiniñ munaspa? Jupanakax markaxäniwa, nayasti Diosaparakïyäwa. Naya, Tatituw uk arsta.”

Levítico 10:3

Moisesasti Aaronarux sarakïnwa: —Tatitux akpï sañ munänxa kunapachatix siskäna: “Nayar jak'achasirinakarux q'uma kankañax uñacht'ayä, taqi israelitanakarusti k'ajkir qhanax uñacht'ayarakï” —sasa. Aaronasti uka arunak ist'asax janiw kunsa siskxänti.

Hechos 7:33

Tatitusti juparux sänwa: ‘Wiskhum apsusim, takt'ktas uka uraqix qullanawa.

Deuteronomio 23:14

14 (15) Jumanakan Tatit Diosamax jumanak taypin campamenton sarnaqi, jumanakar imañataki, ukhamat uñisirinakamar atipjayañataki, ukhamasti, jumanakan campamentomax qullan chiqäñapawa, ukhamat jan kuna q'añunak Diosan uñjañapataki; janitix ukhamäkaspa ukasti, Diosax janiw jumanakampïkaspati.

Hebreos 12:20

kuntix siskän uka arunakarux janiw jaysirjamäpkänti: “Khiti jaqitixa, jan ukax uywasa uka qullur takt'ani ukax qalampi k'upjasa, jan ukax espadampi jiwayatäniwa” sasa.

Josué 5:15

Tatitun ejercitopan jilïripasti sänwa: —Wiskhum apsusim, kawkha chiqarutix takt'kta uka chiqax qullanawa —sasa. Josué chachasti jaysänwa.

2 Pedro 1:18

Nanak pachpaw alaxpachat jutir uka aru ist'apxta, Tatitump chika qullan qullunkasipkäyäta ukapacha.