Éxodo 3:19 - Qullan Arunaka DC

¹⁹ Nayasti yattwa, Egiptonkir reyix janiw antutañ munapkätamti, ukampis nayaw jupar wayt'ä.

Aymar Bibliia 1986

¹⁹ Ucampis nayajj yattwa, Egiptonquir reyejja janiw antutañ munapcätamti, janitejj wali ch'amampi jariyt'atäcani ucajja.

Qullan Arunaca

¹⁹ Ucampis nayajj yattwa, Egiptonquir reyejja janiw antutañ munapcätamti, janitejj wali ch'amampi jariyt'atäcani ucajja.

Éxodo 3:19 Jak'a apnaqawi uñst'ayäwi

Éxodo 10:20

Ukampis Tatitux faraonan chuymap qalarayänwa, janiw israelitanakarux antutañ munkänti.

Éxodo 11:10

Ukhamaw Moisesampi, Aaronampix taqi uka muspharkañanak faraonan nayraqatapan lurapxäna, ukampis Tatitux faraonan chuymap qalarayänwa, faraonasti janiw israelitanakarux Egiptot sarxapxañapatak antutañ munkänti.

Éxodo 11:9

Uka qhipatsti, Tatitux Moisesar saskakïnwa: —Faraonax janiw jumanakar ist'apkätamti, ukhamat nayan jach'a muspharkañ luräwinak Egipto markan juk'amp uñacht'ayañaxataki —sasa.

Éxodo 13:15

Uka markan reyipax chuymap qalarayasïna, janiw nanakar mistuyaniñ munkänti. Ukat Tatitux egipcio jaqinakar mutuyäna tayna yuqall wawanakapar jiwarayasa, ukhamarak uywanakapan nayrïr qallunakaparusa; ukat nanakax uywanakaxan nayrïr urqu qallunakap Tatitur jach'añchas luqtapxta, ukatsti tayna wawanakaxan qhispiyatäñapatakisti mä waxt'a luqtapxarakta.

Éxodo 4:21

Tatitusti, Moisesarux sataynawa: —Egiptor purkät ukkhaxa, faraonan nayraqatapan wali amuyumpipuniw muspharkañ chimpunak lurañamatak ch'am churksma ukanak luräta. Nayasti faraonan chuymap qalarayä, ukhamat israelitanakarux jan antutkaniti.

Éxodo 5:2

Ukampis faraonax sänwa: —¿Khitirak Tatitusti, nayan jupar ist'añaxataki, israelitanakarus antutaskañaxatakixa? Janiw nayax Tatiturux uñt'kti, janirakiw israelitanakarus sarañapatak antutkäti —sasa.

Éxodo 6:1

Tatitusti Moisesarux sarakïnwa: —Jichhaw uñjäta kuntix faraonar lurkä ukxa. Nayax ch'amax uñacht'aykä ukkhakiw markapat sarxapxañamatak antutapxätam, ukampis janiw saririkti antutapkätamxa, jan ukasti jupa pachpaw markapat sarxapxañamatak sapxätam.

Éxodo 8:28

28 (24) Ukat faraonax sarakïna: —Nayax wasarar sarapxañamatakix antutapxämawa, Tatit Diosamar ukan wilañcha luqtapxañamataki, ukampis janiw wali jayar sarapxätati, nayatakis mayipxarakïtawa —sasa.

Éxodo 9:35

Ukatsti faraonax chuymap qalarayasisax, janirakikiw israelitanakar antutañ munkxänti, kunjämtix Tatitux Moisés tuqi siskatayna ukhamarjama.

Éxodo 9:7

Faraonax israelitanakan uywanakap uñjiriw khithäna, ukampis janiw mayas uywanakapat jiwkataynati. Ukhamäkipansa, faraón reyix chuymap qalarayasiskakïnwa, ukatsti janiw israelitanakarux sarxapxañapatak antutkänti.