Éxodo 3:20 - Qullan Arunaka DC

²⁰ Ch'amanïtax uñacht'ayä ukatsti kunayman jach'a muspharkañanak lurä, ukanakampiw egipcionakarux t'unjä. Ukkhakiw jumanakarux sarapxañamatak antutapxätam.

Aymar Bibliia 1986

²⁰ Uca laycusti, nayajj ch'amajja uñacht'ayasawa Egipto marcarojj azot'ëjja cunayman jach'a muspharcañanacwa jupampi luräjja, ucatwa antutapjjätam sarjjapjjañanacamataqui.

Qullan Arunaca

²⁰ Uca laycusti, nayajj ch'amajja uñacht'ayasawa Egipto marcarojj azot'ëjja cunayman jach'a muspharcañanacwa jupampi luräjja, ucatwa antutapjjätam sarjjapjjañanacamataqui.

Éxodo 3:20 Jak'a apnaqawi uñst'ayäwi

Génesis 15:14

Ukampis nayarakiw t'aqhisir jaqir tukuyir markarux mutuyä, ukatsti wawanakamax qhispiyataw mistunxapxani, walja qamir yänakampi phuqt'ataw jutxapxarakini.

Nehemías 9:10

Jumax wali muspharkaya jach'a luräwinak faraonar saykatañatakix lurtaxa, ukhamarak uywatanakaparu, markapankiri taqi jaqinakapar saykatañatakisa; kunja jach'a jach'a tukuñampitix jupanakax israelita jaqinakaru apnaqapkäna ukanaksa jumax amuytawa. Ukhamat sutimax jichhürkam wali aytataxa.

Salmos 105:27

jupanakasti Diosan muspharkañanakap wasaran uñacht'ayapxäna: ¡Egipto uraqin muspharkañanak lurapxäna!

Salmos 105:38

Egiptonkirinakax mistxir uñjasax kusisipxänwa, jupanakax wali mulljatäpxänwa.

Salmos 106:22

Cam uraqin muspharkañanak lurkipansa, Mar Rojo qutan jan amuyt'kañanak lurkipansa.

Éxodo 11:1

Tatitux Moisesar sänwa: —Nayax faraonampiru, egipcionakampirux yaqha mutuyäwimp apayanï. Uka qhipatsti faraonax janiw jumanakar saririkti antutapkätamxa, jan ukasti jupa pachpaw markapat alisnukupxätam.

Éxodo 12:39

Ukatsti egipcionakan jupanakar jank'ak markapat jaqunukutap laykusti, janiw kuna manq'añsa wakichasipkataynati, ukat jupanakax Egiptot apsunita jan levaduran masanakampi t'ant'anak lurasipxäna.

Éxodo 13:3

Ukat Moisesax israelitanakar säna: “Aka urut amtasipxapunïtawa, aka urun Tatitux jach'a ch'amapamp Egipto uraqit jumanakar irpsunipxtam, t'aqhisiyat jakapkäyät uka uraqita. Janiw levaduran t'ant'a manq'apxätati.

Éxodo 13:9

‘Aka uruyäwisti jumanakatakix amparanakamana, paranakaman mä chimpükaspas ukhamäniwa. Ukaw jumanakarux amtayapxätam Tatitun kamachi arupa wiñay parlapxañamataki, jupaw jach'a ch'amapamp Egipto markat irpsunipxtam.

Éxodo 15:11

Tatay, ¡janiw khiti diosas jumjam utjkiti! ¡Janiw khitis jumjam qullanasa, jach'a ch'amanis utjkiti! ¡Jumax kunayman muspharkañanaka, axsarkañanak utjaytaxa! ¡Askïtaw yupaychatäñataki!

Éxodo 15:6

Tatay, kupi amparaman ch'amapampiw uñisirinakarux t'unjtaxa.

Éxodo 4:21

Tatitusti, Moisesarux sataynawa: —Egiptor purkät ukkhaxa, faraonan nayraqatapan wali amuyumpipuniw muspharkañ chimpunak lurañamatak ch'am churksma ukanak luräta. Nayasti faraonan chuymap qalarayä, ukhamat israelitanakarux jan antutkaniti.

Éxodo 6:1

Tatitusti Moisesarux sarakïnwa: —Jichhaw uñjäta kuntix faraonar lurkä ukxa. Nayax ch'amax uñacht'aykä ukkhakiw markapat sarxapxañamatak antutapxätam, ukampis janiw saririkti antutapkätamxa, jan ukasti jupa pachpaw markapat sarxapxañamatak sapxätam.

Éxodo 6:6

Ukhamasti saram, israelitanakar akham sarakim: “Naya Tatituw t'aqhisitanakamat qhispiyapxäma, sinti ch'ama lurañanak jumanakar egipcionakan lurayatapatsa qhispiyapxarakïma. Jach'a ch'amax uñacht'ayä, chiqa aski kankañaxampiw qhispiyapxäma.

Éxodo 9:15

Nayatix muniriskäyät ukaxa, mä jan wali usumpiw taqpach egipcionakar mutuyiriskäyäta, niya jiwatäxapxasapänwa.

Isaías 19:22

Tatitux Egipto markarux chhuxrinchjaniwa, ukatsti qullxatt'arakiniwa. Jupanakasti Tatituruw makhatxapxani, Tatitusti jupanakat khuyapt'ayasisin qullxatarakini.

Isaías 26:11

Tatay, jupanakatakix mutuyäwimax wakichatawa, ukampis jupanakax janiw amuyasiñ munapkiti; kunapachatix juman markamar wali munasitam uñjapkan ukkhaxa, jupanakax mä p'inqaw uñjasipxani. ¡Phiñasiñamampiy jupanakar tukjam!

Ezequiel 20:33

Naya, Tatituw jakañax layku juramentompi arsta, jach'a ch'amaxampi, jach'a phiñasiñaxampiw jichhax jumanakar apnaqapxäma.

Miqueas 7:15

Egiptot irpsunkta uka urux kuna muspharkañanaktix Israel markar uñacht'aykta uka pachpay uñacht'ayapxita.

Hechos 7:36

Moisesaw nayra awkinakasarux Egipto uraqit irpsunïna, muspharkay luräwinaka, unañchäwinak uka uraqin lurasina, ukhamarak Mar Rojo qutana, wasarana, pusi tunk mara sarnaqäwina.

Deuteronomio 4:34

¿Utjarakpachati mä diosasa markaparu yaqha markanak taypit ajlliri, wali yant'anakampi, uñacht'äwinakampi, muspharkay luräwinakampi, nuwasiñanakampi, ukatsti wali ch'aman amparampi katuntasa, wali axsarkañ luräwinak luriri, kunjämatix Tatit Diosamax jumanakatak Egipto markan lurkäna ukhamsti?

Deuteronomio 6:22

Nanakax Diosan jach'a uñacht'äwinakapampi, jach'a muspharkañ luräwinakapamp uñjapxta, Egipto markan faraón reyipar mutuyki, taqi utapankirinakarus mutuykaraki ukanaka.

Jueces 6:8

Tatitux mä profeta khithanïna, jupanakaru akham sañapataki: “Israelan Tatitu Diosapax akham siwa: ‘Nayaw jumanakarux Egipto markat irpsunipxsma, kawkhantix jumanakax t'aqhisiyat jakapkäyät ukkhata,

Jueces 8:16

Ukapachaw Gedeonax, Sucot markan jilïr jaqinakapar katusin, wasarankir ch'aphinakampi, waraqunakampi jupanakar jawq'jäna.