Éxodo 27:9 - Qullan Arunaka DC

⁹ “Ukxarusti Tatitump Jikisiñ Carpatakix utänqap luräta. Ukasti aynach tuqirux lino k'anthitat lurat cortinanïñapawa, pusi tunka phisqan metro iranar janatatata.

Aymar Bibliia 1986

⁹ “Ucjjarusti Tatitumpi Jiquisiñ Carpataquejj mä patio luraraquïta. Uca patio aynach tokerusti lino c'anthitata lurat cortinanïñapawa, largorojj pusi tunca pheskan metro janatatata.

Qullan Arunaca

⁹ “Ucjjarusti Tatitumpi Jiquisiñ Carpataquejj mä patio luraraquïta. Uca patio aynach tokerusti lino c'anthitata lurat cortinanïñapawa, largorojj pusi tunca pheskan metro janatatata.

Éxodo 27:9 Jak'a apnaqawi uñst'ayäwi

1 Reyes 6:36

Manqhäxankir atrio satäki ukxa, kimsa siqi k'uthat qalanakampi, mä siqi cedro lawa q'irumpi lurarakïna.

1 Reyes 8:64

Ukürpachaw reyix Tatitun utapa uñkatasinkki uka chikachik utänqap luqtäna, ukan nakt'ayat wilañchanaka, granonakat waxt'äwinaka, sumankthapiñ wilañchanakan lik'inakap luqtarakïna, Tatitun nayraqatapan utjir broncet lurat altarax jisk'akïtap layku.

2 Crónicas 33:5

Jupax alaxpachan qhanirinakar jach'añchasaw Tatitun utapan paypach uta anqäxaparu yaqha altaranakamp lurayäna.

2 Crónicas 4:9

Ukxarux sacerdotenakan uta anqapampi, jach'a uta anqampi, punkunakapamppach lurayäna, ukanakarusti broncempiw lip'ikipayäna.

Salmos 100:4

Tatitun utap punkupar jutapxam; yupaychañ q'uchunakampi, yuspagarañampi jak'achasinipxam. ¡Tatiturux yuspagarapxam, sutip jach'añchapxarakim!

Salmos 116:19

Tatitun qullan utap punkun phuqhä, ¡Jerusalén, juma taypin phuqhä! ¡Tatitux jach'añchatäpan!

Salmos 84:10

10 (11) ¡Mä urukis utaman qamañax juk'ampi sumawa, waranq urunak anqankañat sipana! Nayax Diosan utap q'umachirïñ munta, ñanqha lurañ chiqawjan jakañat sipana.

Salmos 92:13

13 (14) Tatitun utapan ayruntatäpxiwa, Diosasan uyupan panqarapxi.

Éxodo 27:10

Pä tunka sayirinakapasa, pä tunka takxäsirinakapas broncet luratäñapawa, t'iriñanakapampi, anillonakapampisti qullqit luratäñapawa.

Éxodo 35:17

carpa anqäxatak cortinanaka, sayir lawanakapampi, takxäsiripamppacha, carpa anqäxar mantañ punkutak cortina,

Éxodo 36:17

Ukxarusti nayrïr phisqa ch'ukthapit cortinanakax janthaptki uka thiyaparusti, phisqa tunka ojal p'iyanak luräna, chikat suxta ch'ukthapit cortinanakan thiyaparux phisqa tunka ojal ucharakïna.

Éxodo 39:40

anqäxankir cortinanaka, sayir lawanakapampi, takxäsirinakapamppacha, anqäx punkutak cortinanaka, utänqan phalanakampi, ch'akurunakampi, qullan chiqawjana, Tatitumpi Jikisiñ Carpan luqtañanakatak wakiski taqi uka yänakamppacha,

Éxodo 40:33

Tukuyañatakisti, Moisesax utänqa sayt'ayäna, qullan chiqawjampiru, altarampir cortinanakamp muyuntayasa; anqäx punku mantañarusti cortina ucharakïna. Moisesax luräwinakap tukt'ayxäna ukkhasti,

Éxodo 40:8

Ukatxa carpa anqäxa muyuntayañap sayt'ayäta, ukatsti carpa anqäxapan mantañaparux cortinampiw uchäta.

Ezequiel 40:14

Ukxarusti mantañawja tupt'arakïna, ukasti tunka metronïnwa. Mantañ tuqinkkäna uka utasti, uta anqarux taqi tuqit muyuntäna.

Ezequiel 40:17

Ukatsti uka jaqix uta anqäxaruw irpitu. Uka uta anqäxan thiyanakapasti qalanakampi suk'sutänwa, kimsa tunka utanakampi muytatarakïnwa.

Ezequiel 40:20

Ukatsti uka jaqix amsta tuqir mistuñ punku tupt'arakïna; saya tuqiru, irana tuqiru, jan ukax, uta anqäxa tuqiru.

Ezequiel 40:23

Inti jalsu tuqitsa, amsta tuqitsa, anqäx tuqit mantaniñawjansti, mä yaqha mantañaw utjäna, ukasti manqhankir uta anqäx tuqiruw sararakïna. Uka jaqisti, mä mantañat mä mantañkamaw tupt'äna, ukasti phisqa tunka metrow tupt'asïna.

Ezequiel 40:28

Ukatsti jank'akiw aynach tuqinkir mantañäkis ukawjar irpitu, manqhankir uta anqäxaru. Ukatsti jupax aynach tuqinkir punku tupt'äna, uka punkusti maya punkunak ukch'arakïnwa.

Ezequiel 40:32

Ukatsti manqha tuqinkir uta anqäxaruw inti jalsu tuqinjam irpitu, ukatsti uka mantañ tupt'arakïna, ukasti maynïrinakjam ukch'arakikïnwa.

Ezequiel 40:44

Manqha tuqinkir uta anqäxansti, pä utanakaw utjäna, uka utanakasti q'uchurinakatakïnwa, maynïr utax amsta tuqit mantaniñ punkunkänwa, aynach tuqi uñtata, maynïr utasti aynach tuqit mantañ punkunkarakïnwa, ukasti amsta tuqi uñtata.

Ezequiel 42:3

Maysa tuqitsti manqhäxankir uta anqäxaruw mistüna, ukasti iramarux tunka metronïnwa, maysa tuqitsti qalanakampi suk'suta uta anqäxaruw misturakïna. Ukasti kimsa altusanïnwa, sapa altusasti aynachat qalltasin amsta tuqirux wali jitthapiyatarakïnwa.

Números 3:26

anqäxan utjir cortinanakapa, mantañapan utjir cortinapa, qullan chiqawjampiru, altarampir muyuntki uka cortinanaka, ukhamarus cortinanak chinuña wiskanak uñjapxarakïna.

Números 4:26

uta anqäxan cortinanakapa, qullan utjäwimpiru, altarampir muyuntki uka mantañapan uchat cortina, chinuñanaka, luqtañatak wakiski taqpach yänakampi.

Números 4:32

Ukatsti qullan utjäwir muyuntki uka sayir lawanakap apapxarakini, lawanak katxäsirinakapampi, ch'akurunakapampi, chinuñanakapampi, kunanakatix yupaychañatak munaski taqi ukanakampi. Jumaw sapa maynir kuntix apañapäki ukanak sarakïta.