Éxodo 20:12 - Qullan Arunaka DC

¹² “Awkimaru, taykamar waqaycham, Tatit Diosamax churkätam uka uraqin jaya maranak jakañamataki.

Aymar Bibliia 1986

¹² “Awquimaru, taycamaru jach'añcham, uqhamata Tatitu Diosamajj churcätam uca orakena jaya maranac jacañamataqui.

Qullan Arunaca

¹² “Awquimaru, taycamaru jach'añcham, uqhamata Tatitu Diosamajj churcätam uca orakena jaya maranac jacañamataqui.

Éxodo 20:12 Jak'a apnaqawi uñst'ayäwi

Génesis 48:12

Joseasti wawanak awkipan jarphipat ichuqasin, killt'asisin p'iqip uraqir puriyañkamaw alt'äna.

Génesis 50:12

Jacobun yuqanakapasti, kuntix awkipax maykatayna ukhamarupuniw taqi kunsa phuqhapxäna,

1 Reyes 2:19

Ukhamasti Betsabé warmix Adoniasatakiw Salomón reyimpi parlir saräna. Reyisti taykapar katuqañatakix sayt'asïnwa, nayraqatapan alt'asirakïna. Ukatsti qunuñapar qunt'asisinxa, taykapatakix mä qunuñ aptayanïna; Betsabeasti Salomonan kupïxaparuw qunt'asïna,

2 Reyes 2:12

Uk uñjasasti, Eliseox jach'at arnaqasïna: “¡Awkixay, awkixay, Israel markatakix mä wali ch'aman ejercitor uñtata!” sasa. Uka qhipatsti janiw mayampis Eliasarux uñjkxänti. Ukatsti Eliseox isipa katusin payaruw ch'iyjäna.

Éxodo 21:15

“Khititix awkiparu, taykapar chhuxriñchjkani ukaxa, jiwayatäñapatak juchañchatäniwa.

Éxodo 21:17

“Khititix awkiparu, taykapar jan wali arunakamp tuqkani ukaxa, jiwayatäñapatak juchañchatäniwa.

Proverbios 15:5

Jan amuyt'an jaqix awkipan yatichäwiparux jisk'achiwa; awkipar ist'ir jaqisti yatiñanïtap uñacht'ayi.

Proverbios 17:6

Ch'ama qarit awkinakan pillupax, allchhinakapawa; wawanakasti awkina, taykana aytat kankañapawa.

Proverbios 20:20

Awkiparu, taykapar ñanqhachir jaqix, wali axsarkañ ch'amakan jiwani.

Proverbios 28:24

Awkipar taykapar lunthatir jaqix; jan wali jaqinakan masipawa, jupasti siwa: “janiw ukax juchäkiti” sasa.

Proverbios 3:16

Kupi amparampix walja maranak jakañ churi, ch'iqa amparampisti qamir yänakampi, aytat kankañamp churaraki.

Proverbios 30:11

Yaqhip jaqinakax awkiparux ñanqhachapxiwa; janirakiw taykaparus waqaychapkiti.

Proverbios 30:17

Awkipar jisk'achir jaqiru, ch'ama qarit taykapar jan jaysir jaqirux, nayranakap allqamarinakan apsupxañapax wakisiwa, siwiq'aranakan jakkirpach manq'antapxañapax wakisiwa.

Jeremías 35:18

Ukhamarusa, Jeremías profetax recabita jaqinakarux sarakïnwa: “Israelan Diosapa, taqi ch'aman Tatitux siwa: ‘Jumanakax Jonadab nayra awkiman arunakap ist'apxatamata, taqi yatichäwinakapa, kuntix jumanakar sapkäyätam uka arunakar yäqapxatam laykuxa,

Jeremías 35:7

Ukhamarak iwxa jaytapxitu: Janipuniw utanaksa lurasipxätati, yapunaksa yapuchapxätati, uva alinaksa ayrusipxätati sasa. Chhujllanakan utjasiñatakikiw jaytapxitu, aka uraqin walja maranak jakasipxañaxataki, kawkhantix jaya markat jutir jaqinakjam sarnaqapkta ukana.

Ezequiel 22:7

Jaqinakamasti janiw awkiparusa, taykaparusa suman uñjapkiti, yaqha markat jutiri jaqinakarus ñanqhachapxiwa, wajchanakarusa, ijma warminakarus inakiw irnaqayapxi.

Levítico 19:3

“Sapa maynisa awkiparu taykaparu yäqas sarnaqpan. “Nayan sábado urunakaxsa imapxarakim. Nayätwa jumanakan Tatit Diosamaxa.

Levítico 19:32

“Kayut sayt'asisin chuyman jaqinakar mä suma yäqañampi uñjam. Tatit Diosamar axsartatamsa uñacht'ayarakim. Nayätwa Tatituxa.

Malaquías 1:6

Taqi ch'aman Tatitux sacerdotenakar akham siwa: “Wawanakax awkinakapar waqaychapxiwa, uywatanakas uywirinakaparux yäqapxarakiwa. Nayatix jumanakan awkimästa ukasti ¿kunatarak nayar jan waqaychapxistasti? Nayatix jumanakan uywirimästa ukasti, ¿kunatarak nayar jan yäqapxistasti? Jumanakax nayar jisk'achapxistawa, yatkasas sasipkakistawa: ‘¿Kun lurasarak nanakasti jumar jisk'achapxsmasti?’ sasa.

Mateo 19:19

awkimaru, taykamaru jach'añcham, jaqi masimarusti juma kipkarjam munasirakim’ —sasa.

Marcos 10:19

Kamachi arunak yattawa: ‘Janiw jiwayätati, janiw wachuq jucha lurätati, janiw lunthatasïtati, janiw khitirus k'arintätati, janirakiw k'arimpi kunsa apaqätati; awkimar taykamar jach'añcham’ —sasa.

Marcos 7:10

Moisesax sänwa: ‘Awkimar taykamar jach'añcham’. ‘Khititix awkipar taykapar ñanqhachanixa, jiwayatäpan’ sasa.

Lucas 18:20

Jumax kamachinak yattawa: “Janiw wachuq jucha lurätati, janiw jiwayätati, janiw lunthatätati, janiw khititsa k'ari arunak parlätati, awkimaru, taykamar jach'añcham” —sasa.

Efesios 5:21

Cristor axsarasax maynit maynikam jaysasipxam.

Deuteronomio 11:8

“Jumanakasti jichhürun churapksma uka kamachi arunakarux phuqhapxamaya, ukhamat ch'amañchasisin uka uraqinak katuntasipxañamataki,

Deuteronomio 11:9

ukatsti walja maranak uka uraqin jakapxañamataki, kawkïr uraqtix Diosax nayra awkinakamar arupamp arskatayna wawanakapar churañataki, kawkhantix lechesa, misk'is umjam jalaski uka uraqina.

Deuteronomio 21:18

“Jumanakat khititix jan ist'asiri, qallasir wawanïchi, uka wawasti janirak awkiparusa, taykaparus jaysirïkchi, qawqha jawq'katas janipun ist'asirïkchi ukapachasti,

Deuteronomio 25:15

Ukat sipan aljasiñ tupunakamax suma phuqhatapunïpan, ukhamat walja maranak jakapxäta, Tatit Diosamax churapkätam uka uraqina.

Deuteronomio 27:16

“ ‘Ñanqhachatäpan awkiparu, taykapar jisk'achañ chuymampi uñjir jaqixa.’ Uka arsutarusti taqpach markaw sani: ‘Ukhamäpan’ sasa.

Deuteronomio 32:47

Janiw aka arunakax aliq arunakakïkiti; jan ukasti aka kamachinakax jumanakan jakañamawa, jumanakatix jaysapxätaxa, walja maranakaw jakapxäta, katupkät uka uraqina, Jordán jawirat khursa tuqina.”

Deuteronomio 4:26

alaxpachampi, akapachampiw qhanañchirit sayt'ani, janiw walja urunak Jordán jawira khurkatankir uraqin jakapkätati, jan ukasti taqi jumanakax t'unjataw uñjasipxäta.

Deuteronomio 4:40

Jichhürun churapksma uka kamachi arunakap phuqhapxam, ukatsti jumanakasa, wawanakamasa, sumakiw sarnaqapxäta, walja maranakarakiw jakapxäta Tatit Diosamax wiñayatak churapkätam uka uraqina.”

Deuteronomio 5:16

“ ‘Awkimaru, taykamaru waqaycham, Tatit Diosamax iwxawayktam ukhamarjama, Tatit Diosamax churkätam uka uraqina walja maranak jakañamataki.

Deuteronomio 5:33

Tatit Diosamax uñacht'ayapktam uka thakhinjam sarapxam, katuqapkäta uka uraqin walja maranak jakapxañamataki.

Deuteronomio 6:2

Ukhamat jumanakax Tatit Diosamar jach'añchapxäta, ukatsti taqi jakañaman phuqhapxarakïta, jichhürun jumanakaru, wawanakamaru, allchhinakamar churapksma uka kamachinakampi, kamachi arunakampi, ukhamat walja maranak jakapxarakïta.

Colosenses 3:20

Wawanaka, awkimar taykamar taqi kunan ist'apxam, ukham luratanakamasti Diosarux wal kusisiyi.

Rut 3:6

Ukatsti, Rut warmix pamparuw saräna; taqi kuntix taykch'ipax iwxawaykäna uk ukhampun luräna.

1 Samuel 22:3

Uka chiqatsti Davidax Moab tuqina Mispá siski ukkharuw sarxäna. Ukat Moab uraqin reyiparux sarakïna: —Awkixampiru, taykaxampirux jumanakampi qhiparañapatakiy katuqt'arapita, kuntix Diosax nayampi lurañ munki uk yatisiñaxkama —sasa.