Éxodo 20:10 - Qullan Arunaka DC

¹⁰ paqallqüri urusti samarañ uruwa, Tatit Diosamatak yaqhachat uruwa. Uka urux janiw jumax kuns lurätati, yuqamasa, phuchhamasa, uywatamasa, uywanakamasa, utamankki uka jaya markankir jaqis janiw kuns lurapxañapäkiti.

Aymar Bibliia 1986

¹⁰ ucampis pakallköri samarañ urusti Tatitu Diosamaru loktatawa. Ucatsti uca urojj jumajja janipuniw cunsa lurätati, ni yokamasa, ni phuchamasa, ni sirvirinacamasa, ni uywanacamasa, ni utaman jacqui uca jaya marcanquir jakesa cunsa lurapjjañapäquiti.

Qullan Arunaca

¹⁰ ucampis pakallköri samarañ urusti Tatitu Diosamaru loktatawa. Ucatsti uca urojj jumajja janipuniw cunsa lurätati, ni yokamasa, ni phuchamasa, ni sirvirinacamasa, ni uywanacamasa, ni utaman jacqui uca jaya marcanquir jakesa cunsa lurapjjañapäquiti.

Éxodo 20:10 Jak'a apnaqawi uñst'ayäwi

Nehemías 10:31

31 (32) Ukhamaraki, sábado urunsa, mä phunchhäwi urunsa, yaqha markankir jaqinakax achunakapa, ukhamaraki kunaymani granonaksa aljañataki apanipkaspa ukkhaxa, jan kuns jupanakat alasiñataki; uka pachparaki, paqallqüri maranxa uraqi samarayañataki, taqi manunak pampachañataki.

Éxodo 16:26

Jumanakax suxta uruw manq'añ apthapisipxäta, ukampis paqallqür urunxa janiw kunas utjkxaniti, sábado urütap layku —sasa.

Éxodo 31:13

“Israelitanakar parlam jupanakarusti sarakim: ‘Jumanakax nayan sábado urunakax imapxätawa, ukax wiñayatak nayampi, jumanakamp taypinkir chimpuwa, ukhamat yatipxäta naya, Tatitun jumanakar ajllisitaxa.

Éxodo 34:21

“Suxta uruw irnaqapxäta, paqallqüri urusti samarapxätawa, satañ urunakansa, yapu apthapiñ pachanakansa.

Éxodo 35:2

Suxta uruw irnaqapxäta, paqallqür urusti jumanakatakix qullanäniwa, Tatitur jach'añchañ samarañ urüniwa. Khititix uka urun irnaqanixa, jiwayatäniwa.

Ezequiel 14:7

Mä israelita jaqitixa, jan ukax mä yaqha markat jutir jaqisa, Israel uraqin jakkasa, nayat saraqas diosanakar yupaychañar katuyasxani, juchar puriyki ukanak uñkatatäskani, ukatsti mä profetar nayxat jiskt'asir sararakini, ukarusti naya kipkaw arusxatarakï.

Levítico 23:3

“Suxta uruw irnaqäwim luräta, ukampis paqallqu urunsti janipuniw kunsa lurätati; uka urux samarañ urüniwa, uka urusti mä qullana tantachasïwi luräta. Kawkhansa jakaskam, uka urux Tatitur yupaychañ urüniwa.

Lucas 23:56

Utar kutinisinsti, suma q'apkir qullanak wakiyapxäna, ukatsti kamachin qillqatarjamaw uka warminakax sábado urun samarapxäna.