Éxodo 2:15 - Qullan Arunaka DC

¹⁵ Chiqpachansa, faraonax Moisesan mayni egipcior jiwayatap yatisinxa, jiwayañatakiw thaqhayäna. Ukampis Moisesax jaltxänwa, Madián chiqaruw sarxäna. Uka chiqar purisasti, mä uma phuch'u jak'aruw samart'ir qunt'asïna.

Aymar Bibliia 1986

¹⁵ Faraonasti, Moisesan mayni egipcior jiwayatap yatisinjja, jiwayañataqui thakayiriw qhithäna. Ucampis Moisesajj jan jiwayatäñ laycojja Egipto marcat sarawayjjänwa, ucat Madián sat chekaruw purïna ucan jacjjañataqui.

Qullan Arunaca

¹⁵ Faraonasti, Moisesan mayni egipcior jiwayatap yatisinjja, jiwayañataqui thakayiriw qhithäna. Ucampis Moisesajj jan jiwayatäñ laycojja Egipto marcat sarawayjjänwa, ucat Madián sat chekaruw purïna ucan jacjjañataqui.

Éxodo 2:15 Jak'a apnaqawi uñst'ayäwi

Génesis 24:11

Uywatax marka jak'ar purkän ukkhasti, niya ch'amakthapxänwa. Warminakasti ukapachaw uma apsuri sarapxirïna. Uywatasti mä uma phuch'u jak'aruw camellonak samart'ayäna,

Génesis 25:2

Uka qhipa warmipan wawanakapasti: Zimrán, Jocsán, Medán, Madián, Isbac, Súah sutininakänwa.

Génesis 25:4

Madián chachan wawanakapasti Efá, Éfer, Hanoc, Abidá, Eldaá. Taqi jupanakaw Queturá warmin wawanakapäna.

Génesis 29:2

Purisasti, uka pampan mä uma phuch'u uñjäna, uka phuch'u jak'ansti kimsa tama ovejanakaw ananukutäskäna. Uywanakasti uka phuch'ut umapxirïna. Uka phuch'usti mä jach'a qalampi atxatatänwa,

1 Reyes 11:18

Madián chiqat mistusinsti, Param chiqaruw puripxäna, uka chiqankirinakat yaqhip jaqinakax jupanakar chikachasisin Egipto markar puriñ yanapt'apxäna. Egiptor purisin faraón reyin nayraqataparuw uñstapxäna, faraonasti jupanakarux utampi, manq'añamp churäna, uraqinak waxt'arakïna.

Éxodo 18:4

Maynïr wawapasti Eliézer satarakïnwa; Moisesasti akham sarakitayna: “Awkixan Diosapaw nayar yanapitu, faraonan espadapatsa qhispiyarakitu” sasa.

Éxodo 4:19

Moisesax Madián chiqankaskän ukkhaw Tatitux jupar sarakïna: —Egipto markar kutt'askakim, jumar jiwayañ munirinakax taqiniw jiwatäxapxi —sasa.

Proverbios 22:3

Ch'ikhi jaqix jan walt'añ uñjasinxa, jaltxiwa, jan amuyt'asir jaqisti, saraskakiwa, ukat t'aqhisiraki.

Habacuc 3:7

Nayax Cusán uraqinkir jaqinakarux t'aqhisiñar puripxatap uñjta, Madián uraqinkir jaqinakarusti axsarañat khathatipxatap uñjarakta.

Mateo 10:23

Mä markantix nuwjañatak arknaqapxätamxa, yaqha markar jaltxapxam; qhanak sapxsma, janïraw Israelankir markanak muytañsa tukuyapkätati ukapachaw Jaqin Yuqapax jutxani.

Juan 4:6

Ukawjan Jacobun uma phuch'upaw utjäna. Jesusasti thakhi sarkäwix qaritänwa, ukat jupax uka phuch'u jak'ar qunt'asïna. Ukapachasti niya chika urüxänwa.

Hechos 7:29

Uk ist'asinsti, Moisesax jaltxänwa, ukatsti Madián sat uraqiruw sarxäna. Ukansti yaqha markankir jaqjamaw jakäna, pä wawanirakïnwa.

Hebreos 11:27

Iyawsäwi laykurakiw Moisesax Egipto markat sarxäna, reyin thithitapar jan axsarasa; kuntix amtkän uksti amtapunïnwa, jan uñjkay Diosarus uñjkaspa ukhama.