Éxodo 2:14 - Qullan Arunaka DC

¹⁴ Uka hebreo jaqisti Moisesar sänwa: —¿Khitirak jumarusti nanak taypiru jilïrita, taripiritsa uchtamsti? ¿Kunjämtix mayni egipcior jiwaykta ukhamti nayar jiwayañ munarakista? —sasa. Moisesasti uka arunak ist'asin axsarayasïnwa, egipcio jaqir jiwayatap yatipxatap amuyasina.

Aymar Bibliia 1986

¹⁴ Ucatsti uca hebreojj Moisesarojj sänwa: —¿Qhitisa jumarojj nanac taypiru jilïrita uchtam, jan ucajj cunatejj walïqui, janis walïqui ucanac uñjiritsa? ¿Nayarojj jiwayañti munista, cunjämatejj masüru mayni egipcior jiwaycta uqhama? —sasa. Moisesasti uca arunac ist'asinjja wali ajjsarthapïna, egipcio jakeru jiwayatapsa yatipjjatapa amuyasina.

Qullan Arunaca

¹⁴ Ucatsti uca hebreojj Moisesarojj sänwa: —¿Qhitisa jumarojj nanac taypiru jilïrita uchtam, jan ucajj cunatejj walïqui, janis walïqui ucanac uñjiritsa? ¿Nayarojj jiwayañti munista, cunjämatejj masüru mayni egipcior jiwaycta uqhama? —sasa. Moisesasti uca arunac ist'asinjja wali ajjsarthapïna, egipcio jakeru jiwayatapsa yatipjjatapa amuyasina.

Éxodo 2:14 Jak'a apnaqawi uñst'ayäwi

Génesis 13:8

Ukhamasti Abram chachax mä urux Lot sobrinoparuw säna: “Jumampi nayampix wila masïtanwa, ukhamasti janiw walïkiti jiwas taypin jan walt'añanakan utjañapaxa, janirakiw awatirinakasas ch'axwapxañapäkiti.

Génesis 19:9

Ukampis jupanakax sasipkakïnwa: —¡Sartam ukkhata! ¿Khitïtas jumax kuntix lurapxañaxäki uk sañatakixa? ¡Jumax yaqha markat jutir jaqikïtawa! ¡Jichhasti jumarux uka jaqinakat sipansa juk'ampi jan walinak lurapxäma! —sasa. Ukatsti Lot chacharux nuwjañ qalltapxäna, punku t'unsuñatakiw jak'achasipxarakïna,

Génesis 34:27

Uka qhipatsti Jacobun maynïri wawanakapaw purinirakïna, jupanakasti jiwatanak patxa sarakipasin markat taqi kun lunthatsuwayapxäna, Dina kullakapar jan wali lurapxatapat phuqsusisa.

Proverbios 19:12

Reyin q'apisitapax leonan wararitapjamawa; khuyapayasiñapasti, alinakar purxatir sulljamawa.

Proverbios 29:25

Jaqinakar axsarañax sipitar uñtatawa, ukampis Tatitur iyawsir jaqiw imatäni.

Números 16:13

¿Amuyatamatsti juk'akiti kawkha uraqintix lechesa, misk'is umjam jalaski uka uraqit nanakar irpsunitamasti, ukat wasaran nanakar jiwarayiri, ukhamarus munañamar nanakar apnaqañ munatamasti?

Números 16:3

Taqpachaniw jupanakax tantachasisin Moisesampiru, Aaronampir saykatapxäna, akham sasa: —¡Jumanakakiw taqi kunsa munasipktaxa! Taqpach markaw Diosar katuyata, Tatitusti taqi jiwasanakampïskiwa. ¿Kunatarak jumanakasti Tatitun markapxar mä jach'a munañanïpkasmas ukham sartapxtasti? —sasa.

Mateo 21:23

Uka qhipatsti, Jesusax Tatitun utaparuw mantäna. Ukan yatichkipansti, sacerdotenakan jilïripampi, judionakan jilïripampiw jupar jak'achasisin jiskt'apxäna: ¿Kuna munañanïñampis jumax uk lurtaxa? ¿Khitirak uka munañanïñ churtamsti? —sasa.

Lucas 12:14

Jesusasti juparux sänwa: —Jilata, ¿khitirak jumanakar taripirit uchitusti, jan ukax yänak jaljirit utt'ayitusti? —sasa.

Lucas 19:14

Ukampis markapankir jaqinakax juparux uñisïnwa, ukat jupan qhipapat khithanak khithapxäna markan jilïripar sapxañapataki: ‘Janiw nanakax aka jaqin nanakan reyïñap munapkti’ sasa.

Lucas 19:27

Khitinakatix nayan reyïñax jan munapkän uka uñisirinakaxar akar irptanipxam, ukatsti nayraqataxan jiwarayapxam’ ” sasa.

Hechos 7:35

“Diosax uka Moisesaruw jilïrita, qhispiyirit khithäna, israelitanakax jan yäqañ munapkchïn ukasa: ‘¿Khitirak jumar jilïrita, jan ukax nanakar taripirit uchtamsti?’ sasa. Diosax mä ángel tuqiw ch'aphi ali taypin jupar uñstäna.

Hebreos 11:27

Iyawsäwi laykurakiw Moisesax Egipto markat sarxäna, reyin thithitapar jan axsarasa; kuntix amtkän uksti amtapunïnwa, jan uñjkay Diosarus uñjkaspa ukhama.