Éxodo 16:3 - Qullan Arunaka DC

³ Sapxarakïnwa: —¡Tatitux Egipton jiwarayistasapän ukax walïsapänwa! Khayansti aychan phukhunak jak'aruw qunt'asïyätan, t'ant'sa sist'asiñkamaw manq'asïyätan, ukampisa, jumanakax taqinir manq'at jiwarayiriw aka wasarar irpanipxistaxa —sasa.

Aymar Bibliia 1986

³ Jupanacasti sapjjänwa: —¡Waliquisapänwa Tatitojj Egipton jiwarayistasapän ucajja! Qhayansti jiwasanacajj aycha phuqhu jac'aru kont'ata, uqhamarac t'ant'sa sist'asiñcamaw mank'asiyätanjja. Ucampis jumanacajja aca wasararojj takeniru mank'at jiwarayañataquiw irpanipjjestajja —sasa.

Qullan Arunaca

³ Jupanacasti sapjjänwa: —¡Waliquisapänwa Tatitojj Egipton jiwarayistasapän ucajja! Qhayansti jiwasanacajj aycha phuqhu jac'aru kont'ata, uqhamarac t'ant'sa sist'asiñcamaw mank'asiyätanjja. Ucampis jumanacajja aca wasararojj takeniru mank'at jiwarayañataquiw irpanipjjestajja —sasa.

Éxodo 16:3 Jak'a apnaqawi uñst'ayäwi

2 Samuel 18:33

33 (1) Uk ist'asasti, reyix chuymap ch'allxtayasïna; ukat punku patankkän uka utar makhatasin walpun jachäna, sarakïnwa: “¡Ay, Absalón, wawaxay! ¡Wawaxay, Absalón wawaxay! ¡Nayakis juma lanti jiwiriskäyäta! ¡Wawaxay, Absalón wawaxay!” sasa.

Job 3:1

Job chachax janiw amukïrjamäkxänti ukat arsusxäna, yuritap uru ñanqhacharakïna akham sasa:

Job 3:10

¡Yuriykitu uka arumax ñanqhachatäpan, janiw ukataq t'aqhisiñanak uñjkiriskäyätti!

Job 3:20

¿Kunatarak Diosasti llakit jaqir qhana uñjayaskakisti? ¿Kunatarak t'aqhisirirusti jakayaskaki,

Salmos 107:5

manq'at awtjayasipxäna, umat pharjayasipxäna, ¡jupanakax jiwarirjamäpxänwa!

Salmos 78:19

Diosatakix arusipxänwa: “¿Diosasti wasaran manq'añ wakichaspati?

Salmos 78:25

Jaqisti angelanakan t'ant'ap manq'äna, Diosax jilarkir manq'añ apayanïna.

Éxodo 14:11

Moisesarusti sapxänwa: —¿Kunatakis nanakar Egiptot irpsunipxista? ¿Kunatsa nanakar wasaran jiwarir irpanipxista? ¿Janit Egipton imäwix nanakar imt'añatak utjkänxa?

Éxodo 17:3

Ukampis israelitanakax umat pharjataw Moisesatak jan walinak parlapxäna akham sasa: —¿Kunatakis Egiptot irpsunipxista? ¿Wawanakaxampiru, animalanakaxampir umatjam jiwarayañatakit irpsunipxistasti? —sasa.

Éxodo 2:23

Jaya maranak qhipatsti Egiptonkir reyix jiwxänwa. Ukampis israelitanakax t'aqhisisipkakïnwa, t'aqhisiyat jaqinakäpxatapat jachasipkakïnwa. Ukat Diosax jachatanakap ist'äna,

Éxodo 5:21

jupanakarusti sapxänwa: —¡Tatitux jumanakar mutuypan nanakar jan wali luratanakamata! Reyimpi, jaqinakapampix nayrat sipan juk'amp jichhax nanakar uñisipxitu. ¡Jumanakaw nanakar jiwarayañapatak amtayapxtaxa! —sasa.

Jeremías 2:6

Nayar thaqtañatsti janiw llakisipkiti, nayaw jupanakarux Egiptot irpsunta, wasaranjam irparakta, sinti waña uraqinjama, jach'a jaqhi jaqhi taypnama, jan umani uraqinjama, kunayman jan walt'añanakan phuqhantat uraqi, kawkhantix jan khitis jakki, janirak khitis sarnaqki uka uraqinjama.

Jeremías 42:14

sapxarakïta: ‘Egiptor jakirik sarxañäni, ukansti janiw nuwasiñ uñjkañäniti, janiw trompetan phust'asitapsa ist'kañäniti, janiw manq'atsa jiwarkarakiñäniti’ sasa.

Jeremías 44:17

Jan ukasti, nanakax lurañ amtasipkta ukham lurasipkakïwa, kunjämtix nayra awkinakaxasa, reyinakaxasa, Judá uraqin jilïrinakasa lurapxirïna ukhama. Alaxpach Mama sata diosarus inciensompi, vinompi luqtasax yupaychasipkakïwa. Nayrasti nanakatakix, manq'añax janiw pist'irïkänti, taqi kunas utjakipunirïnwa, janirakiw kuna jan walt'añas jutirïkänti;

Lamentaciones 4:9

Taqiniw juk'ata juk'at manq'atjam jiwarxapxi. ¡Mä ch'axwäwin jiwañax askïspawa manq'atjam jiwañat sipana!

Números 11:15

Jumatix nayar ukham luraskakitätaxa, jakañaxak apaqxita chiqpachan munaschista ukaxa. Ukataq jan walt'añan uñjasiñaxax tukusxaspawa —sasa.

Números 11:20

jan ukasti phaxspachaw aycha manq'apxani, axtasiñkama, nasanakapat mistuyañkama, jupanak taypin jikxataskasasa, naya, Tatitur jisk'achapxatapata, naya nayräxan jachapxatapata: ‘¿Kunatakirak Egiptot mistunpachätansti?’ sapxatap layku.

Números 14:2

Jupanakax taqpachaniw Moisesampitaki, Aaronampitakix jan wal parlapxäna, akham sasa: “¡Egipto uraqinsa jiwaraskasäna, jan ukax, aka wasaransa jiwaraskasäna!

Números 14:3

¿Kunatakirak Tatitusti aka uraqir irpanpachïstusti? ¿Jiwasan nuwasïwin jiwarañasataki, warminakasasa, wawanakasas uñisirisan amparapar katuntat uñjasiñasatakit irpanpachïstusti? ¡Egiptor kuttxañasakiw walïspa!” sasa.

Números 16:13

¿Amuyatamatsti juk'akiti kawkha uraqintix lechesa, misk'is umjam jalaski uka uraqit nanakar irpsunitamasti, ukat wasaran nanakar jiwarayiri, ukhamarus munañamar nanakar apnaqañ munatamasti?

Números 16:41

41 (6) Qhipärmanthisti Israel markpachaw Moisesampitaki, Aaronampitak parlañ qalltapxäna akham sasa: —¡Jumanakax Tatitun markaparuw jiwayasipktaxa! —sasa.

Números 21:5

ukat jupanakax Tatitutak arusiñ qalltapxäna, Moisesarusti sapxänwa: —¿Kunatakirak Egiptot irpsunipxistasti? ¿Wasaran jiwarayañatakit irpsunipxistasti? Janiw umasa, manq'as utjapkituti. ¡Aka jan sist'ayasir manq'ampix amjatäxapxtwa! —sasa.

Hechos 26:29

Ukxaruw Pablox sarakïna: —Mä juk'a pachatsa jan ukax, walja pachatsa, Diosax jan juma saparuki, jan ukasti, khitinakatix jichhür ist'apkitu ukanakan nayjam tukupxañap munpan, ukampis jan nayjamax aka cadenamp ñach'antatäkarakpati —sasa.

1 Corintios 4:8

Jumanakax amuyatax niy qamirïxapxtawa, munatamarjamax taqi kunanïxapxtawa, reyinakjam tukusax janiw nanakar munkxapxistati. ¡Añchakit chiqpach reyinakäpxasma, ukhamat nanakan jumanakampi chik markamankapxañaxataki!

2 Corintios 11:1

¡Nayan pisi chuyman jaqjam parlataxat jan mayjt'asipxamti! Llamp'u chuymampiy ist'apxita.

Deuteronomio 28:67

Axsarañampi atipjayasisasti, willjta tuqirux sätawa: ‘Jank'ak arumäxaspa’ sasa. Arumasti: ‘Jank'ak urüxaspa’ sasaraki.

Deuteronomio 8:3

Diosax t'aqhisiyapkchïyätam, manq'atsa awtjayapkchïyätam ukasa, jupax maná sat manq'añ manq'ayapxtam, uka manq'añsti janiw jumanakasa, nayra awkinakamas uñt'apkataynati, ukhamat jumanakan yatipxañamataki: jaqix janiw t'ant'a sapampiki jakkiti, jan ukasti Tatitun lakapat mistki uka arunakampiw jakaraki.

Josué 7:7

Josué chachasti sänwa: —¡Dios Tatay! ¿Kunatakirak aka markaru Jordán jawir makhatayantasti? ¿Amorreo markar katuyasat tukjañ munapxista? ¡Inas Jordán jawir khurkatar qhiparañax walïchisapäna!