Éxodo 16:1 - Qullan Arunaka DC

¹ Israelitanakax Elim chiqat mistuwayasin Sin sat wasararuw puripxäna, uka wasarasti Elim, Sinaí uka pä chiqanak taypinkiwa. Ukürkamasti Egiptot mistunipxatapax phaxsi chikatanixänwa.

Aymar Bibliia 1986

¹ Take israelitanacajj Elim chekat mistuwayasinjja Sin sat wasararuw puripjjäna, acasti Elim, uqhamarac Sinaí uca pä kollunac taypinquiwa. Cunapachatejj Egiptot mistuwayapcäna uca uruta payïr phajjsinjja tunca pheskan uruw sarakjjäna.

Qullan Arunaca

¹ Take israelitanacajj Elim chekat mistuwayasinjja Sin sat wasararuw puripjjäna, acasti Elim, uqhamarac Sinaí uca pä kollunac taypinquiwa. Cunapachatejj Egiptot mistuwayapcäna uca uruta payïr phajjsinjja tunca pheskan uruw sarakjjäna.

Éxodo 16:1 Jak'a apnaqawi uñst'ayäwi

Éxodo 12:51

Ukürpachaw Tatitux Egipto uraqit israelitanakarux mä ejercitor uñtat irpsunïna.

Éxodo 12:6

Uksti aka phaxsi tunka pusin uru saraqat urukamaw imapxäta, uküruw jayp'u tuqiru Israelan taqpach jaqinakax sapa mayni uka uywa kharinukupxäta.

Éxodo 15:27

Uka qhipatsti, israelitanakax Elim sat chiqaruw puripxäna, uka chiqansti tunka payan uma jalsunaka, paqallq tunka palmera quqanakaw utjatayna, ukawjan jupanakax uma jak'an utjnuqtapxäna.

Éxodo 17:1

Israelitanakax taqiniw Sin sat wasarat sartawayxapxäna, jupanakasti Tatitun arunakaparjamaw juk'at juk'at sarapxäna. Refidim sat chiqar purisasti ukkharuw utjnuqtapxäna, ukampis janiw umt'añatak uma jikxatapkänti,

Éxodo 19:1

Israelitanakax Egipto uraqit mistuwayapkän uka urutxa kimsa phaxsi saraqataruw Sinaí wasarar puripxäna.