Éxodo 15:13 - Qullan Arunaka DC

¹³ Munasiñamampiw juman qhispiyat markar irpasktaxa; ch'amamampiw qullan utjäwimar irpasktaxa.

Aymar Bibliia 1986

¹³ Ucampis aca marcamar jumatac khespiyasasti, wiñay munasiñampiw irptajja. Ch'amamampiraquiw kollan utjäwimarojj irparactajja.

Qullan Arunaca

¹³ Ucampis aca marcamar jumatac khespiyasasti, wiñay munasiñampiw irptajja. Ch'amamampiraquiw kollan utjäwimarojj irparactajja.

Éxodo 15:13 Jak'a apnaqawi uñst'ayäwi

Génesis 19:16

Ukampisa Lot chachax janiw jank'achaskänti, ukat angelanakax juparusa, warmiparusa, pä phuchhaparusa amparat katxarusaw markat waysuwayapxäna. Tatitun khuyapayasiñap laykuw ukham qhispit uñjasipxäna.

2 Samuel 15:25

Ukampis reyix Sadoc jaqir sänwa: —Tatitun arcap markar kuttayxam; Tatitutix munani ukapachasti nayarux kuttayasinkitaniwa, arcapsti wasitat uñjaskarakïwa kawkhankkanitix uka chiqana.

Nehemías 9:12

Ukatsti, jumax mä qinay tuqiw urun markamar irptaxa, arumasti mä nina tuqiraki, kawkinjamtix sarapxañapäki uka thakhipa qhant'ayañataki.

Salmos 106:9

Mar Rojo qutaruw tuqinuqäyätaxa, qutasti wañt'änwa, waña uraqinjam irpkatäyätaxa.

Salmos 74:2

Nayra pachatpach jikxatasit markamat amtasim, jumankañapatak qhispiyat markamat khuyapayasim; kawkhantix utjaskäyäta uka Sión qullut amtasirakim.

Salmos 77:20

21 (22) Markamarux ovej tamar uñtat irpäyätaxa, Moisesampin Aaronampin amparap tuqi.

Salmos 78:35

ukapachakiw alaxpachankir Diosat amtasipxäna, ukapachakiw jupanakar imaskatapa, qhispiyatap amuyasipxäna.

Salmos 80:1

1 (2) Israel markan awatiripa, ist'apxakitaya, ovej tamar uñtat Josean markapar irpiripa, jaysapxakitaya; querubines sat taypin qunuñaman qunt'asiri, ist'apxakitaya. Efrainan ayllunakaparux uñtanikimaya,

Éxodo 15:16

Tatay, ¡jupanakax mulljasipxpan!, ¡axsarayasipxpan! ¡Ch'amam uñjasin qalanakjam tukupxpan, qhispiyat markaman makhatañapkama!

Éxodo 15:17

Tatay, qullan qullumar jakir irpapxita, jakañatak jumax ajlliskta uka chiqaru, amparamamp sayt'ayat utamaru.

Éxodo 20:2

“Nayaw juman Tatit Diosamätxa, nayaw Egipto uraqit irpsunsma, t'aqhisiyat jikxataskäyät uka markata.

Éxodo 6:6

Ukhamasti saram, israelitanakar akham sarakim: “Naya Tatituw t'aqhisitanakamat qhispiyapxäma, sinti ch'ama lurañanak jumanakar egipcionakan lurayatapatsa qhispiyapxarakïma. Jach'a ch'amax uñacht'ayä, chiqa aski kankañaxampiw qhispiyapxäma.

Isaías 51:10

Jach'a lamar qutsa jumaw wañt'ayta, uka qutanjam mä thakhi jist'arta, uka chiqaw markamax makhatawayi.

Isaías 57:15

Alaxpachankir Tatitu, khititix wiñayatak jakki, sutipasti qullanäkaraki, ukax akham siwa: “Nayax alay qullan chiqan jakta, ukampis khititix alt'at chuymani, llakt'ata sarnaqki ukarux ch'amañcharaktwa.

Isaías 63:9

Juparakiw taqi llakinakapat qhispiyi. Janiw jupan khithanitapati qhispiykixa; jan ukasti kipka Tatituw qhispiyi. Khuyapayasiñap layku, munasiñap laykuw jupax qhispiyi, jupaw amparat katt'asin wayti. Ukhampun luri.

Jeremías 2:6

Nayar thaqtañatsti janiw llakisipkiti, nayaw jupanakarux Egiptot irpsunta, wasaranjam irparakta, sinti waña uraqinjama, jach'a jaqhi jaqhi taypnama, jan umani uraqinjama, kunayman jan walt'añanakan phuqhantat uraqi, kawkhantix jan khitis jakki, janirak khitis sarnaqki uka uraqinjama.

Efesios 2:4

Ukampis Diosax jach'a khuyapayasiriwa, jach'a munasiñap uñachayistu.

1 Pedro 1:5

Tatitux jupar iyawsapxatamatxa, kawkïr qhispiyasiñtix jumanakatak wakichatäki uk katuqapxañamkamaw jach'a ch'amapampix taqi kunat imasipkaraktam, ukasti qhipa urunakan yatiyatäniwa.