Éxodo 15:14 - Qullan Arunaka DC

¹⁴ Markanakax ukanak yatisin khathatiniwa; filisteonakasti axsarayasipxaniwa.

Aymar Bibliia 1986

¹⁴ Marcanacasti uqhama yatisinjja qhathatipjjaniwa, uqhamarac filisteonacasa uca yatisajj wali llaquisipjjani.

Qullan Arunaca

¹⁴ Marcanacasti uqhama yatisinjja qhathatipjjaniwa, uqhamarac filisteonacasa uca yatisajj wali llaquisipjjani.

Éxodo 15:14 Jak'a apnaqawi uñst'ayäwi

1 Crónicas 14:17

ukham luratapasti taqi uraqpachan yatisïna, Tatiturakiw ukham luraskäna taqi markanakan jupar axsarañapataki.

Salmos 48:6

6 (7) Ukan axsarañax jupanakar katunti, wawachasiñatak ayquskir warmir uñtata;

Salmos 48:7

7 (8) wasar thayax Tarsis markankir barconakar tukjki ukhama.

Isaías 14:29

Filisteo marka, Asiria marka apnaqir reyix jiwxiwa, ukataq t'aqhisiykäyätam uka. Ukampis jumax jan kusiskamti, Asiria markax juk'amp jach'a uñisirimaw tukuni; jiwayir asirut sipansa juk'ampiw tukuni.

Isaías 14:31

¡Filisteo markanaka, wararipxam, ayquñat wararipxam, mulljasiñatsa khathatipxam! Jichhasti alay tuqit mä ejercitow jutanti jiwq'i qinayar uñtata; soldadonakapasti nuwantañatakix wakicht'atäpxiwa.

Isaías 23:5

Kunapachatix egipcionakar uka yatiyäwix purkani ukkhaxa, Tiro markan ukhamar puritapat taqiniw jachapxani.

Ezequiel 32:9

“ ‘Juman t'unjatätamat jan uñt'ata yaqha markanakan yatiskani ukapachasti, uka markanakarux wali mayjt'asiyä.

Habacuc 3:6

Kunapachatix jupax sayt'ki ukkhax uraqis khathatiwa; uñtäwipampix markanakarus khathatiyiwa; nayrapach jach'a qullunakas allthaptiwa, jisk'a nayra qullunakas ina ch'usaruw tukupxaraki. Ukampis Tatitun thakhinakapax wiñayatakipuniwa.

Habacuc 3:7

Nayax Cusán uraqinkir jaqinakarux t'aqhisiñar puripxatap uñjta, Madián uraqinkir jaqinakarusti axsarañat khathatipxatap uñjarakta.

Números 14:14

Canaán uraqinkir jaqinakaruw yatiyapxani. Jupanakax ist'apxarakiw juma, Tatitun aka marka taypinkaskatama, ajanuy ajanu uñjayasitama, qinayamas jupanak patxankaskatapa; urunsti jupanakan nayraqatap mä qinay tuqi saraskatama, arumansti mä nina tuqirak saraskatama.

Números 22:5

Ukapachasti, Beor chachan Balaam sat yuqapax wila masinakapampiw Petor markan jakäna, uka markasti Éufrates jawir thiyankänwa. Balac reyisti markapan jilïrinakaparuw khithäna Balaamar akham sapxañapataki: “Egiptot jaltanxasin mä jach'a markax, nanakan uraqix jak'aruw purinti.

Deuteronomio 2:25

Jichhürut uksarusti taqi markanakaw jumanakatak axsarapxani. Jumanakat parlir ist'asinsti, jupanakax wal khathatipxani, llakisipxarakini’ sasa.

Josué 2:11

Ukanak ist'asax walpun axsarapxta, janirakiw khitis jumanakampi nuwasiñ munkiti. Jumanakan Tatitu Diosamax alaxpacha, akapacha apnaqir Diosawa.

Josué 9:24

Jupanakasti Josué chacharux sapxänwa: —Nanakax jumar axsarasaw uk lurapxta, nanakar jan jiwayañamataki, nanakasti kuntix jumanakan Tatitu Diosamax Moisesar sawaykatayna uk yatipxtwa: “Taqi aka markanak jumanakar katuyapxäma ukatsti ukan jakir jaqinakarux taqpach tukjapxäta” sasa.

Josué 9:9

Jupanakasti sapxänwa: —Nanakax wali jayat jutapxta, Tatitu Diosaman wali ch'amanïtap yatisa. Egipto markan kuntix jupax lurki taqi ukanak yatipxta,

1 Samuel 4:7

walpun axsarthapipxäna, sapxarakïnwa: ¡Ay kunakïkani! “¡Diosax israelitanakan campamentoparuw purini! ¡Janipuniw kunapachas ukhamïrïkiti!

1 Samuel 4:8

¡Ay kunakïkan jiwasatakixa! ¿Khitirak jichhasti uka taqi ch'aman Diosan amparapat qhispiyistanisti? ¡Jupaw egipcionakarux wasaran kunayman mutuyäwinakamp tukjäna!