Éxodo 14:8 - Qullan Arunaka DC

⁸ Tatitusti faraonarux chuymap qalarayäna, ukhamat israelitanakar arktañapataki, israelitanakax wali ch'amaniw mistuwayatayna.

Aymar Bibliia 1986

⁸ Tatitusti Egiptonquir rey faraonarojj chuymapwa kalarayäna, uqhamata israelitanacar arctañapataqui. Ucampis israelitanacajj mistuwayapjjänwa wali ch'amani.

Qullan Arunaca

⁸ Tatitusti Egiptonquir rey faraonarojj chuymapwa kalarayäna, uqhamata israelitanacar arctañapataqui. Ucampis israelitanacajj mistuwayapjjänwa wali ch'amani.

Éxodo 14:8 Jak'a apnaqawi uñst'ayäwi

Salmos 105:43

Diosax ajllit markaparux ukham irpsunïna, kusisiñat arnaqt'asisaw mistunxapxäna,

Salmos 86:13

¡Munasiñamax nayatak jan tupt'kayawa! ¡Wiñay mik'ayar jalantañat qhispiyista!

Éxodo 10:27

Ukampis Tatitux faraonan chuymap qalarayäna israelitanakar jan khithanukuñapataki.

Éxodo 13:16

Ukhamasti, akham lurañaxa amparanakamana, paranakaman mä chimpükaspas ukhamäñapawa, Tatitux jach'a ch'amapampi Egipto markat irpsunkistu uk amtasiñataki.’ ”

Éxodo 13:18

Ukat Tatitux israelitanakar wasaranjam Mar Rojo qutar sarki uka thakhinjam muytayäna. Israelitanakax mä ejercitor uñtataw Egiptot mistsuwayapxäna.

Éxodo 13:9

‘Aka uruyäwisti jumanakatakix amparanakamana, paranakaman mä chimpükaspas ukhamäniwa. Ukaw jumanakarux amtayapxätam Tatitun kamachi arupa wiñay parlapxañamataki, jupaw jach'a ch'amapamp Egipto markat irpsunipxtam.

Éxodo 14:17

Nayaw egipcionakarux chuymap qalarayä jumanakar arktaniñapataki; ukat faraonar nayan ch'aman kankañax uñacht'ayä, ukhamarak carronakaparu, caballonakaparusa.

Éxodo 14:4

Ukampis nayaw faraonarux chuymap qalarayä, ukat jumanakar arktanipxätam; nayasti jupampiru, taqpach ejercitopampiruw ch'amax uñacht'ayä. Ukhamat egipcionakax yatipxani nayan Tatitütaxa” sasa. Israelitanakasti kunjämtix Tatitux siskatayna ukham lurapxäna.

Éxodo 14:7

Egipton utjir taqpach carronakat suxta patak suma carronak ajlliyäna, sapa mayni jilïrinakasti mä carrot sarapxäna.

Éxodo 15:9

Uñisirinakaxax amuyataynawa: ‘¡Jikxatañkam jupanakar arktañäni! ¡Jupanakar tukjañäniwa! ¡Jupanakat aparkañäni ukanaksti, kusisitaw lakinuqasiñäni! Espada apsusï, amparaxaw jupanakar tukjani’ sasa.

Éxodo 4:21

Tatitusti, Moisesarux sataynawa: —Egiptor purkät ukkhaxa, faraonan nayraqatapan wali amuyumpipuniw muspharkañ chimpunak lurañamatak ch'am churksma ukanak luräta. Nayasti faraonan chuymap qalarayä, ukhamat israelitanakarux jan antutkaniti.

Éxodo 6:1

Tatitusti Moisesarux sarakïnwa: —Jichhaw uñjäta kuntix faraonar lurkä ukxa. Nayax ch'amax uñacht'aykä ukkhakiw markapat sarxapxañamatak antutapxätam, ukampis janiw saririkti antutapkätamxa, jan ukasti jupa pachpaw markapat sarxapxañamatak sapxätam.

Éxodo 9:12

Ukampis Tatitux faraonan chuymap qalarayänwa, ukhamat Moisesampiru, Aaronampiru jan ist'añapataki, kunjämtix Tatitux Moisesar siskatayna ukarjama.

Lamentaciones 3:65

Amuyunakapsa qalarayam, ñanqhachañam jupanakxar wakt'ayam.

Levítico 26:13

Nayätwa jumanakan Tatit Diosamaxa, nayaw jumanakarux Egiptot irpsunipxsma ukan jan juk'amp t'aqhisiyat sarnaqasipkañamataki; kuna t'aqhisiñatix jumanakxankkäna uksa nayaw apaqapxsma, ukatsti p'iqis waytat sarnaqayapxsma.

Números 33:3

Israelitanakax nayrïr phaxsina, tunka phisqan uru saraqataruw Ramsés uraqit mistunipxäna, Pascua uruyäwit qhipüru. Jupanakax wali ch'amaniw mistunipxäna, taqpach egipcio jaqinakan uñjkata.

Hechos 13:17

Israel markan Diosapax jiwasan nayra awkinakasaruw ajllïna. Jupanakarusti mä jach'a markarurakiw tukuyäna, jupanakax khuri Egipto markan jayankir jaqjam jakasipkän ukapacha. Ukatsti, jach'a ch'amapampiw uka uraqit jupanakar irpsunïna.

Deuteronomio 26:8

Diosax jach'a ch'amap uñacht'ayäna, ukatsti muspharkañ luräwinakampi, jach'a axsarkañ luräwinakampiw Egipto markat irpsunxapxitu,

Deuteronomio 32:27

Ukampis uñisirinakaxampi jan lart'ayasiñ laykuw jan lurkti; uñisirinakaxan jach'a jach'a tukuñapsa munkaraktti, jupanakax sapxaspawa: Jiwasaw ch'amasamp atipjtanxa; janiw Diosax taqi ukanak lurkiti’ sasa.

Josué 11:20

Tatituw uka uñisirinakarux chuymanakap qalarayäna israelitanakar saykatañapataki, ukhamat israelitanakan jan khuyapt'ayasis q'al tukjañapataki, kunjämtix Tatitux Moisesar siskatayna ukhamarjama.

Jueces 4:7

Nayaw Jabín reyin ejercitopan Sísara sat jilïriparux Quisón sat jawir thiyaru jutayä, carronakapampi, soldadonakapampi jumar katuntañataki. Ukampis nayaw jupanakarux amparamar katuyäma” —sasa.