Éxodo 13:14 - Qullan Arunaka DC

¹⁴ Ukatsti wawanakamatix qhipür jiskt'apxätam: ‘¿Kunatsa uka wilañchanak lurapxta?’ sasaxa, jumanakax sapxätawa: ‘Tatituw jach'a ch'amapamp Egipto uraqit irpsunipxitu, t'aqhisiyat jakañata.

Aymar Bibliia 1986

¹⁴ Ucampisa khepärmanthitejj wawanacamajj jisct'apjjätam: ‘¿Cunatsa aqham lurapjjta?’ sasa, ucqhajja sapjjätawa: ‘Tatituw ch'amapampi Egipto marcana t'akhesis jacañatjja apsunipjjetu.

Qullan Arunaca

¹⁴ Ucampisa khepärmanthitejj wawanacamajj jisct'apjjätam: ‘¿Cunatsa aqham lurapjjta?’ sasa, ucqhajja sapjjätawa: ‘Tatituw ch'amapampi Egipto marcana t'akhesis jacañatjja apsunipjjetu.

Éxodo 13:14 Jak'a apnaqawi uñst'ayäwi

Génesis 30:33

Ukatsti jumax jutañ munkäta ukkhasti, nayan chiqa chuymampi jumar uñjatax yatïta; tamaxantix jan ch'iyar ovejanaksa, jan ch'ixi cabritonaksa jikxatkäta ukaxa, lunthatpachïtuwa sätawa —sasa.

1 Crónicas 16:12

Muspharkañ jach'a luräwinakapat amtasipxam, kamachi arunak arsutapampita;

Nehemías 1:10

“Nanakax juman uywatanakamäpxtwa, juman markamäpxaraktwa, jach'a ch'amamampiw Egipto markat irpsusinipxistaxa.

Salmos 136:11

Israelitanakar Egiptot irpsuniriru, munasiñapax wiñayawa;

Salmos 145:4

Jaqinakax wawanakapan wawanakapkamaw luratanakam aytani, muspharkañ luratanakam yatiyapxani.

Salmos 78:4

janiw wawanakaxarux imt'apkäti. Jutir wawanakampiw Tatitur jach'añchapxä, ch'amapampita, muspharkañ luräwinakapampit yatiyapxä.

Éxodo 10:2

ukhamarak jumax wawanakamaru, allchhinakamar kuna muspharkañanaktix nayax egipcionak taypin lurkta, kunjämtix jupanakat laruskta ukanaksa jupanakar yatiyañamataki. Ukhamat jumanakax yatipxäta nayan Tatitütaxa.

Éxodo 12:41

ukatsti kunürutix pusi patak kimsa tunkan marax phuqhaskäna uka uruw Tatitun taqpach ejercitopax Egipto uraqit mistsuwayxäna.

Éxodo 13:3

Ukat Moisesax israelitanakar säna: “Aka urut amtasipxapunïtawa, aka urun Tatitux jach'a ch'amapamp Egipto uraqit jumanakar irpsunipxtam, t'aqhisiyat jakapkäyät uka uraqita. Janiw levaduran t'ant'a manq'apxätati.

Éxodo 13:8

Ukürusti wawanakamarux sapxätawa: ‘Tatitux Egiptot nanakar irpsunisax kunanaktix nanakatak lurkän uka amtasiñ uruwa’ sasa.

Éxodo 13:9

‘Aka uruyäwisti jumanakatakix amparanakamana, paranakaman mä chimpükaspas ukhamäniwa. Ukaw jumanakarux amtayapxätam Tatitun kamachi arupa wiñay parlapxañamataki, jupaw jach'a ch'amapamp Egipto markat irpsunipxtam.

Éxodo 20:2

“Nayaw juman Tatit Diosamätxa, nayaw Egipto uraqit irpsunsma, t'aqhisiyat jikxataskäyät uka markata.

Éxodo 6:1

Tatitusti Moisesarux sarakïnwa: —Jichhaw uñjäta kuntix faraonar lurkä ukxa. Nayax ch'amax uñacht'aykä ukkhakiw markapat sarxapxañamatak antutapxätam, ukampis janiw saririkti antutapkätamxa, jan ukasti jupa pachpaw markapat sarxapxañamatak sapxätam.

Éxodo 6:6

Ukhamasti saram, israelitanakar akham sarakim: “Naya Tatituw t'aqhisitanakamat qhispiyapxäma, sinti ch'ama lurañanak jumanakar egipcionakan lurayatapatsa qhispiyapxarakïma. Jach'a ch'amax uñacht'ayä, chiqa aski kankañaxampiw qhispiyapxäma.

Éxodo 6:7

Jumanakarusti nayan markaxaruw tukuyapxäma, nayaw jumanakan Diosamäyä. Ukhamat jumanakax yatipxäta nayan jumanakar wali ch'ama lurañanakamp egipcionakax t'aqhisiyapktam ukanakat qhispiyir Tatit Diosamätaxa.

Jeremías 34:13

“Naya, Israelan Diosapaw nayra awkinakamampi Egipto markat apsunkta ukapachax, mä arust'äwi lurta, kunapachatix jupanakax t'aqhisiyata taqi kunsa lurapkäna ukapacha.

Daniel (hebreo) 9:15

“ ‘Nanakan Tatit Diosaxay, markamarux Egiptot irpsunisaw jach'a ch'amam uñacht'aytaxa, juman sutimax khä urunakatpach jichhürkamaw wali uñt'ataxa; ukampis nanakax juchachasipxtwa, jan walinak lurapxarakta.

Hechos 13:17

Israel markan Diosapax jiwasan nayra awkinakasaruw ajllïna. Jupanakarusti mä jach'a markarurakiw tukuyäna, jupanakax khuri Egipto markan jayankir jaqjam jakasipkän ukapacha. Ukatsti, jach'a ch'amapampiw uka uraqit jupanakar irpsunïna.

Deuteronomio 5:15

Egipto markan t'aqhisiyat jaqïtam amtasim, Tatit Diosamaw jach'a ch'amapamp uka markat irpsuntam, ukat Tatit Diosamax iwxtam sábado urun samarañamataki.

Deuteronomio 5:6

“ ‘Nayätwa juman Tatit Diosamaxa, nayarakiw Egipto markat irpsunsma, kawkhantix t'aqhisiyat jaqïkäyat uka markata.

Deuteronomio 6:12

Taqi ukanakax ukhamäxani ukapachaxa, janipun jumanakax Tatitut armasipxamti, jupaw Egipto markat irpsunipxtam, t'aqhisiyat sarnaqapkäyäta uka markata.

Josué 22:24

Chiqpachansa nanakax aka altar lurapxtwa qhipürun wawanakamax, nanakan wawanakaxaru jan saskañapataki: “¿Kuna lurañamaraki jumanakan utji, Israelan Tatitu Diosapampisti?

Josué 24:17

Tatituw jiwasanakaru, nayra awkinakasarusa Egipto markat irpsunistu, kawkhantix t'aqhisiyata sarnaqkäyätan uka markata. Jupaw jiwasan uñjkata wali jach'a muspharkañanak luri, jupaw thakhinsa jiwasarux imistu arxatarakistu, kunapachatix walja markanak chiqa sarakipankäyätan ukapachaxa.

Josué 4:6

Uka qalanakasti jumanakatakix qhipürun amtasiñatakïniwa, kunapachatix wawanakamax jiskt'apkätam: ‘¿Kunsa aka qalanakax uñacht'ayañ munistuxa?’ sasa,

Jueces 2:12

Israelitanakax kawkïr Diosatix nayra awkinakaparu Egipto markat irpsunkatayna uka Tatitut armasxapxäna, ukatsti uka jak'an jakir jaqinakan diosanakapar yupaychañaruw katuyasipxäna, ukhamat Tatitur q'apisiyasa.

Jueces 6:8

Tatitux mä profeta khithanïna, jupanakaru akham sañapataki: “Israelan Tatitu Diosapax akham siwa: ‘Nayaw jumanakarux Egipto markat irpsunipxsma, kawkhantix jumanakax t'aqhisiyat jakapkäyät ukkhata,