Éxodo 13:15 - Qullan Arunaka DC

¹⁵ Uka markan reyipax chuymap qalarayasïna, janiw nanakar mistuyaniñ munkänti. Ukat Tatitux egipcio jaqinakar mutuyäna tayna yuqall wawanakapar jiwarayasa, ukhamarak uywanakapan nayrïr qallunakaparusa; ukat nanakax uywanakaxan nayrïr urqu qallunakap Tatitur jach'añchas luqtapxta, ukatsti tayna wawanakaxan qhispiyatäñapatakisti mä waxt'a luqtapxarakta.

Aymar Bibliia 1986

¹⁵ Faraonajja chuymapa kalarayascäna jan jiwasar antutaña munatapatsti Tatitojj egipcionacana jilïr tayna wawanacapwa jiwarayäna, uqhamarac uywanacapan nayrïr kallunacapsa. Ucatwa jiwasanacajj animalanacasana nayrïr orko kallunacapjja Tatiturojj loktjjtan, uqhamarac jilïr tayna wawanacas spiyañataquejja mä ofrenda loktaractanjja.

Qullan Arunaca

¹⁵ Faraonajja chuymapa kalarayascäna jan jiwasar antutaña munatapatsti Tatitojj egipcionacana jilïr tayna wawanacapwa jiwarayäna, uqhamarac uywanacapan nayrïr kallunacapsa. Ucatwa jiwasanacajj animalanacasana nayrïr orko kallunacapjja Tatiturojj loktjjtan, uqhamarac jilïr tayna wawanacas spiyañataquejja mä ofrenda loktaractanjja.

Éxodo 13:15 Jak'a apnaqawi uñst'ayäwi

Salmos 105:36

Pachpa Egiptoruw jiwampi mutuyäna, sapa utankir tayna yuqall wawaruw jiwayäna.

Éxodo 12:29

Chika arumasti Tatitux taqpach egipcionakan jilïr wawanakap jiwarayäna, reyi qunuñan qunt'ata faraonan jilïr tayna yuqall wawaparusa, carcelankirinakan jilïr yuqall wawanakaparusa, uywanakan nayrïr qallunakaparusa.

Éxodo 3:19

Nayasti yattwa, Egiptonkir reyix janiw antutañ munapkätamti, ukampis nayaw jupar wayt'ä.

Éxodo 34:20

Ukampis qachu asnon tayna qallup lantxa, mä oveja, jan ukax mä cabrito churapxäta; jan churapkäta ukasti, uka asno qallurux kunkat q'iwinukupxäta. Ukxarusti jilïr wawanakamat mä suma waxt'a churapxarakïta. Ukhamasti janiw khitis nayan ukarux ch'usa amparak jutañapäkiti.

Éxodo 4:23

Nayax niyaw sisma: wawaxar khithanukxam, nayar yupaychir sarxañapataki, sasa. Ukampis jupanakar jan antutañ munatamat nayax jilïr wawamar jiwayä’ ” —sasa.

Números 18:15

“Taqi israelitanakan jilïr wawanakapampi, uywanakan nayrïr wawachat qallunakapa nayar luqtapkitan ukanakax jumatakïniwa. Ukampis jaqinakan jilïr wawanakapampita, q'añu uywanakan nayrïr wawachat qallunakapampitxa alap mayïta kutsuyasxañapataki.

Números 3:46

Ukampis israelitanakan jilïr yuqall wawanakapax, Leví chachan saraqirinakapat sipan jilawa; ukhamasti, jiläki uka pä patak paqallq tunka kimsan jilïr wawanak kutsuyasiñatakixa,