Éxodo 11:8 - Qullan Arunaka DC

⁸ Ukapachaw taqi aka yanapirinakamax nayan ukar jutani, killt'asisaw nayar mayipxitani: “Jumampi, jumar arkir jaqinakamampix sarxapxam” sasa. Ukhamäni ukkhakiw nayax akat sarxä —sasa. Ukatsti Moisesax wali q'apisitaw faraonan ukat mistuwayäna.

Aymar Bibliia 1986

⁸ Ucapachaw nayan ucar take sirvirinacamajj jutapjjani, ucatsti quillt'asisaw nayar sapjjetani: “Sarjjapjjam jumampi, jakenacamampejja” sasa. Ucampis janiw nayajj sarcäti. Ucatsti Moisesajj wali coleratawa faraonan ucat sarjjäna.

Qullan Arunaca

⁸ Ucapachaw nayan ucar take sirvirinacamajj jutapjjani, ucatsti quillt'asisaw nayar sapjjetani: ‘Sarjjapjjam jumampi, jakenacamampejja’ sasa. Ucampis janiw nayajj sarcäti. Ucatsti Moisesajj wali coleratawa faraonan ucat sarjjäna.

Éxodo 11:8 Jak'a apnaqawi uñst'ayäwi

1 Reyes 20:10

Ben-adad reyisti Ahab reyir yaqha yatiyäwi apayarakïna, akham sasa: “¡Samaria markarux q'alpun tukjä, diosanakax nayar mutuyitpan nayatix markan mä juk'a laq'aksa, sapa mayni arkirinakaxar mä juk'akam churañatakjam jilt'aykä ukaxa!” sasa.

2 Reyes 3:9

Ukhamaw Israelampina, Judá markampina, Edom markampin reyinakapax sarantapxäna. Ukampis paqallq uruw wasaranjam muytanipxañapäna, ukchañkamasti umapax pist'xänwa ejercitopatakisa, caballonakapatakisa.

Nehemías 5:6

Kunapachatix nayax jupanakan arusitanakap ist'ayät ukkhaxa, wal chuymaxan mayjt'asta.

Salmos 6:1

1 (2) Tatay, janikiy q'apisiñamampix tuqintistati; janirak phiñasiñamampis mutuyistati.

Éxodo 10:29

Moisesasti ukxaruw sarakïna: —Walik sistaxa, janiw nayraqatamar mayampis uñstkämati —sasa.

Isaías 49:23

Reyinakaw jumanakar uywasir awkinakamäni, reyinakan phuchhanakapasti wawa uywirinakamarakïniwa. Jupanakasti juma nayraqatan uraqkamaw alt'asipxani, laq'arar kayunakamsa jamp'att'apxarakïtamwa. Ukapachaw jumax nayan Tatitütax yatïta, khitinakatix nayar iyawsapki ukanakasti, janiw p'inqachjat uñjasipkiti.”

Isaías 49:26

Jumar t'aqhisiyirinakarusti, pachpa janchip manq'asiyä, pachpa wilapampiw vinompjam macharapxani. Ukhamat taqi jaqinakax yatipxani naya sapaki Tatit Diosätaxa, nayätwa taqi ch'aman Tatituxa, Israel markar qhispiyirixa.”

Ezequiel 3:14

Tatitun ch'amapaw nayarux aptitu ukatsti uka chiqat apsunirakitu, nayasti wali llakt'ata mayjt'ataw sarxarakta, ukchañkamasti Tatitux amparapampiw wali waythapirakitu.

Daniel (hebreo) 3:19

Nabucodonosor reyisti uka arunak ist'asax chuymap mayjt'ayasïna, ajanupas wilaw tukurakïna uka kimsa waynanakatak q'apisisaxa. Ukatsti horno junt'uchayäna, junt'uchañäki ukatsa paqallq kutimpi;

Números 12:3

Chiqpachansa, Moisesax taqi akapachan wali llamp'u chuyman jaqïnwa.

Marcos 3:5

Jesusax phiñasitaw jupanakar uñkatäna, jan amuyt'añ munapxatap yatisin llakt'asïna, ukatsti usut jaqiruw säna: —Amparam ayatatam —sasa. Jupasti iyawsasaw amparap ayatatäna, ukatsti k'umarakïxänwa.

Deuteronomio 29:24

24 (23) “Ukapachasti taqi jaqinakaw jiskt'asipxani: ‘¿Kunatsa Tatitux aka markar ukham lurpacha? ¿Kunatsa q'apisiñapax ukataqïpacha?’ sasa.

Deuteronomio 32:24

Manq'atjamaw jiwarapxani, phuthuti usumpiw jiwarapxani; mä jach'a usuw jupanakar tukjani; jupanakxarux monte animalanak khithanï, jiwayir mich'ini katarinak khithanirakï.

Hebreos 11:27

Iyawsäwi laykurakiw Moisesax Egipto markat sarxäna, reyin thithitapar jan axsarasa; kuntix amtkän uksti amtapunïnwa, jan uñjkay Diosarus uñjkaspa ukhama.

Apocalipsis 3:9

Uñjätawa, kuntix supayan tamapankasipki uka k'ari jaqinakampi lurkä uka. Jupanakax judío jaqjamaw tukupxi, ukampis chiqpachan janiw judío jaqinakäpkiti. Juma nayraqatan jupanakar killt'asiyä, nayan jumar munasitax yatipxañapataki.

Jueces 4:10

Ukansti Barac chachax Zabulón, Neftalí ayllunkirinakaruw jawsäna, ukatsti tunka waranqa chachanakani ejército nayräxap sarantäna. Débora warmisti jupamp chikaw saräna.

Jueces 8:5

Sucot chiqar purisinsti, Gedeonax ukan jakirinakarux akham sasaw achikt'asïna: —Mä juk'a manq'ay nayamp chika jutapki uka soldadonakaru waxt'arapipxita, jupanakax wali qaritäpxiwa. Nanakax Zébah, Salmuná sat madianitanakan reyinakaparuw arktasipkta —sasa.