Éxodo 10:13 - Qullan Arunaka DC

¹³ Moisesasti thujrup ayxarusin Egipto uraqxaruw amparap luqtäna, ukatsti Tatitux inti jalsu tuqit mä thaya thayt'ayanïna, ukasti uruy arumaw thayäna. Qhipärmanthisti uka thayax t'iju t'ijunak purintayanïna.

Aymar Bibliia 1986

¹³ Moisesasti thujrupa ayjjarusinwa Egipto orakjjaru loktäna, ucatsti Tatitojj thaya jutayäna inti jalsu toketjja, ucampis uruy arumawa thayäna. Ucat khepärmanthisti uca thayajja t'ijut'ijunacwa puriyanïna.

Qullan Arunaca

¹³ Moisesasti thujrupa ayjjarusinwa Egipto orakjjaru loktäna, ucatsti Tatitojj thaya jutayäna inti jalsu toketjja, ucampis uruy arumawa thayäna. Ucat khepärmanthisti uca thayajja t'ijut'ijunacwa puriyanïna.

Éxodo 10:13 Jak'a apnaqawi uñst'ayäwi

Génesis 41:6

Uka qhipatsti paqallqu ch'usu trigo puyanakarakiw jilsunïna, inti jalsu tuqit jutir thayan aynacht'ayata.

Salmos 105:34

Diosax t'iju t'ijunakan puriniñapatakix aruk arsüna, jan jakht'kay t'iju t'ijunakaw purintanïna,

Salmos 148:8

¡Tatitur jach'añchapxam, q'ixu q'ixu, chhijchhi, khunu, urpu! ¡Arunakap jaysir jach'a thaya!

Salmos 78:26

Inti jalsu thayampi, aynach thayampiw alaxpachan thayt'äna; ¡Diosaw ch'amapampi thayt'ayäna!

Salmos 78:46

ch'amapampi achuyat yapunaksti, t'iju t'ijunakaruw katuyäna.

Éxodo 14:21

Moisesasti amparap qutxar luqtäna, ukatsti Tatitux inti jalsu tuqit arum paqaraw wal thayt'ayanïna, qutsti payaruw jaljtayäna. Ukhamat qutax payar jaljtasin waña uraqir tuküna.

Proverbios 30:27

t'iju t'ijunaka, ukanakasti jan reyinïkasinsa, tam tamaw sarantañ yatipxi;

Jonás 1:4

Ukatsti, lamar qutankapkän ukapachaw Tatitux jach'a ch'aman axsarkay thaya sartayäna, thayasti uka jach'a qutan barcorux t'unjirpachänwa.

Jonás 4:8

Intix jalsunxäna ukapachasti, Tatitux mä junt'u thaya inti jalsu tuqit thayt'aniñapatak wakichäna, intix wali ch'amampiw Jonasan p'iqipxar junt'untäna, amuyasitapatxa ch'amapas q'ala thayjtatjamänwa, jiwxañak munxäna. Ukat säna: —Jakañat sipansa jiwxañakiw wakisxaspa —sasa.

Mateo 8:27

Jupanakasti wali muspharataw jiskt'asipxäna: —¿Khitïpachas jupaxa? ¡Qutas thayas juparux ist'akirakisä! —sasa.