Esdras 9:3 - Qullan Arunaka DC

³ Uka arunak ist'asinsti, chuyma ust'ataw isix ch'iyanuqasta, ñik'utaxsa, sunkhaxsa mitharasirakta, wali llakt'at jikxatasisaw uraqir qunt'asta.

Aymar Bibliia 1986

³ Aca yatiyäwinaca ist'asinjja isejjwa ch'iyanokasta, ñic'utajjsa, sunqhajjsa mitharastwa chuymajjana wali usuyasitajj laycu, uqhamarac wali llaquitaw jicjjatasiracta.

Qullan Arunaca

³ Aca yatiyäwinaca ist'asinjja isejjwa ch'iyanokasta, ñic'utajjsa, sunqhajjsa mitharastwa chuymajjana wali usuyasitajj laycu, uqhamarac wali llaquitaw jicjjatasiracta.

Esdras 9:3 Jak'a apnaqawi uñst'ayäwi

2 Samuel 1:11

Ukat Davidampi, jupa chikäpkän uka jaqinakampix llakisiñat isinakap ch'iyanuqasipxäna,

2 Reyes 18:37

Ukatsti Eliaquim, Sebná, Joah chachanakax, wali llakt'ataw isinakap ch'iyanuqasipxäna, ukatsti Ezequías reyin ukaruw sarapxäna, kuntix Asiriankir jilïr oficialapax siskatayna ukanak yatiyiri.

Nehemías 1:4

Uka arunak ist'asasti qunt'asisin jachta, mä qawqha urunakaw wali llakt'at jikxatasïyäta, ayuno lurasa, alaxpachankir Tatitut mayisisaraki.

Nehemías 13:25

Ukat jupanakar tuqinuqta, ñanqhacharakta. Yaqhipanakarusti nuwjtwa, ñik'utanakap jik'irarakta, ukatsti Tatit layku juramento lurañapatakiw wayt'arakta, jupanakasa, yuqanakapasa, phuchhanakapas janipun yaqha markat jutir jaqinakamp jaqichasiñapataki. Ukxarusti saskaktwa:

Job 1:20

Job chachasti uk ist'asin, sayt'asïna, ukat wali llakt'ataw isinakap ch'iyanuqasïna, ñik'utapsa mururasïnwa, ukatsti uraqir puriñkamaw Diosar yupachañatak alt'asïna.

Salmos 119:53

Arunakam jaytanukur ñanqha luririnakatakix chuymaxax walpun q'apisi.

Salmos 143:4

Ajayuxax q'ala aynacht'atawa; chuymaxax llakimp tukusitawa.

Salmos 66:3

Diosarux sapxam: “Luratanakamax muspharkañapuniwa. Timanakamax jach'a ch'amam laykuw nayraqataman axsarañat tinkurapxi;

Isaías 15:2

Dibon markan utjir jaqinakasti, qullu patankki uka templor jachiriw makhatapxi, Moab markasti, Nebo markampina, Medebá markampin t'unjatätapat chuyma wal usuyasi. Ñik'utanakapasa, sunkhanakapas taqinin mururatkamäpxi.

Jeremías 36:24

Janiw reyisa, uka jach'a jilïrinakasa, uka arunak ist'asax axsartapkänti, janirakiw llakt'asipkänsa.

Jeremías 7:29

¡Jerusalén markankirinaka, llakisiñ isinakampi isthapisipxam! ¡Wasar qullu patanakan llakiskañ q'uchunak q'uchupxam! Jumanakasti nayarux phiñasiyapxistawa, ukat apanukupxsma, jaytanukupxaraksma.

Ezequiel 3:15

Ukatsti Tel Abib sata chiqaruw purta, Quebar sat jawir thiyaru, kawkhantix jaya markar apanukut israelitanakax jakapkäna uka chiqaru, ukansti jupanakampix paqallqu uruw qamararakta, jan kun lurasa, jan kun kamsasa.

Ezequiel 7:18

Llakisiñatsti chhankha isinakampiw isthapisipxani; janchinakapas inakiw khathatxani, p'inqasiñatsa ajanunakapax wilar tukuta, ñik'utanakapas mururataw sarapxani.

Daniel (hebreo) 4:19

19 (16) “ ‘Danielasti, khitirutix Beltsasar sas sutichapkarakïna ukax musphataw uñjasïna, kuna lup'ïwinakatix p'iqipar jutkäna ukampi wali mayjt'ataw uñjasirakïna. Ukampis naya, reyix jupar saraktwa: ‘Beltsasar, jan jumax samkaxat llakisimti, janirak qhanañchäwipatsa llakisimti’ sasa. Beltsasarasti ukxarux sarakituwa: ‘¡Munañan rey, kuntix uka samkax sañ munki ukanakax uñisirinakamxar wakt'pan!

Daniel (hebreo) 8:27

“Naya, Danielasti, ch'ama thayjtataw uñjasïyäta, walja urunakaw usuntat jikxatasirakïyäta. Uka qhipatsti wasitat marka apnaqäwin lurañanakap luraskakïyäta. Ukampis kuna unañchäwtix uñjkäyäta ukanakan jan amuyt'añjamätapatxa, wali llakitapuniw jikxatasïyäta.

Levítico 21:5

“Janipuniw ñik'utanakapsa, sunkhanakapsa mururasipxañapäkiti, janirakiw janchinakapsa chhuxrinuqasipxañapäkiti,

Miqueas 1:16

Jerusalén markankirinaka, wawanakamar munatam laykuxa, t'aqhisiñam uñacht'ayañatakix ñik'utamsa q'al mururasim, siwiq'aran p'iqipjam q'ararasirakim, uka wawanakamax jaya markaru katuntat apatäniwa” sasa.

Josué 7:6

Josué chachampi, Israelan jilïri jaqinakapampisti isinakap ch'iyanuqasipxäna, llakisiñatsa qhillampiw p'iqit willxatasipxäna, ukatsti p'iqinakap uraqkam alt'asaw Tatitun arcap nayraqatan killt'asipxäna.