Esdras 9:2 - Qullan Arunaka DC

² Jupanakasa, yuqanakapasa uka markankirinakan phuchhanakapampiw jaqichasipxi; ukhamasti Tatitun markapax yaqha markanakankir jaqinakampiw mayachasxapxi. Nayraqatax jilïrinakampi, marka apnaqirinakampiw juch lurapxi” sasa.

Aymar Bibliia 1986

² Jupanacasa yokanacapasa uca jakenacan phuchanacapampiwa casarasipjje; uqhamasti Diosan marcapajj yakha marcanacanquir jakenacampiwa mayachasjjapjje. Nayrakatajja jilïrinacampi marca apnakerinacampiwa aca juchjja lurapjje” sasa.

Qullan Arunaca

² Jupanacasa yokanacapasa uca jakenacan phuchanacapampiwa casarasipjje; uqhamasti Diosan marcapajj yakha marcanacanquir jakenacampiwa mayachasjjapjje. Nayrakatajja jilïrinacampi marca apnakerinacampiwa aca juchjja lurapjje” sasa.

Esdras 9:2 Jak'a apnaqawi uñst'ayäwi

Génesis 6:2

Diosan wawanakapasti uka warminakan jiwakïpxatap uñjapxäna. Ukat uka warminak ajllisipxäna, ukanakampiw jaqichasipxäna.

1 Reyes 11:1

Salomón reyix faraonan phuchhapat, yaqha markankir walja warminakaruw munarakïna: moabita, amonita, edomita, sidonia, hitita, warminakaru;

Esdras 10:2

Ukatsti, Elam wila masinkir Jehiel chachan Secanías yuqapaw Esdrasar parlxayäna akham sasa: “Nanakax janiw chiqa chuymamp Tatitusar arkapkti, kunayman diosanakar luqtir yaqha markanakankir warminakampiw jaqichasipxta; ukampis Israel markatakix suyt'añax utjaskiwa.

Esdras 9:12

Sapxarakistawa, phuchhanakaxax uka jaqinakan yuqanakapamp jan jaqichasipxañapataki, janirak jupanakan phuchhanakapas yuqanakaxamp jaqichasipxañapataki. Janipun kunapachas uka jaqinakan samarañanakapsa, sumankañapsa munañanakaxa, ukhamata nanakax ch'aman sarantañataki, aka uraqin utjir suma achunakapat manq'asiñataki, kusisit jakañatakiraki, ukatsti wawanakaxampiru, allchhinakaxampir tutipäkaspas ukham wiñayatak jaytañataki.

Esdras 9:14

¿wasitampit kamachi arunakam p'akintapxirista, ukatsti axtkañ saräwini warminakapampit jaqichasipxirista? Janiw ukhamäkaspati, ¿Janit jumasti nanakar q'al tukjañkam phiñaskasmasti?

Nehemías 13:17

Ukat Judá uraqinkir jilïrinakapar tuqinuqta akham sasa: “¡Luratanakamax janipuniw walïkiti! ¡Janiw sábado uru yäqapktati!

Nehemías 13:28

Eliasib jilïr sacerdoten Joiadá yuqapan maynïr yuqapasti, Horón chiqankir Sambalat chachan tullqapänwa, juparusti Jerusalén markat jayar sarxañapatakiw alisnukta. Ukatsti Tatitumpiw parlta, juparusti saraktwa:

Éxodo 19:6

Jumanakax nayar luqtir sacerdotenakäpxätawa, nayatak yaqhachat suma markarakïpxätawa.” Taqi ukanak israelitanakar yatiyam —sasa.

Éxodo 22:31

31 (30) “Jumanakax nayatak yaqhachat markäpxañamawa. “Pampa animalanakan jisk'a jisk'a tukjat uywan aychapxa janiw manq'apxätati; uka aychxa anunakaruw liwxaruyapxäta.

Éxodo 34:16

jan ukax, phuchhanakap jumanakan yuqanakamampiw jaqichapxaspa, ukatsti juchanak lurasa diosanakapar yupaychapxaspa ukapachasti, diosanakaparuw yuqanakamax yupaychapxarakispa.

Isaías 6:13

Inas patak jaqitxa tunkan jilt'chini, uka tunkanimppachaw jiwarayatäni, kunjämatix mä quqax khuchhunukutaxa, k'ullu tunu sapak qhiparki ukhamäniwa.” Ukampis mä qawqha israelitanakax janiw jiwarayatäpkaniti, jupanakat mä jaysasir chiqap markaw jutirin sayt'ani.

Levítico 21:15

ukhamat taqi jaqinakap taypin wawanakapax jan jisk'achatäñapataki; naya Tatituw juparux nayatak yaqhachasta uka layku.”

Malaquías 2:11

Judá markax Tatitumpi arust'äwir mantatapxa janiw phuqkiti, Jerusalén markansa, Israel uraqinsa wali axtaskay juchanak lurapxi. Judá markasti jan wali sarnaqañanakampiw Tatitun munat qullan utap q'añuchi, Judá markankir jaqinakax k'ari diosanakar yupaychir warminakampiw jaqichasipxi.

Malaquías 2:15

Diosax jiwasar mä janchiki, mä sapa ajayukïñasatakiw uskusistu. Jupar luqtat mä suma markäñasatakiw irnuqarakistu.

1 Corintios 7:14

Cristor jan iyawsir chachaxa, Cristor iyawsir warmimpïxatap laykux, Diosan katuqatäxiwa; Cristor jan iyawsir warmisti Cristor iyawsir chachampïxatap laykux, Diosan katuqatäxarakiwa. Jan ukhamäkaspa ukasti, wawanakamax juchararäpxaspawa; ukampis jupanakax qullan markankirïxapxiwa.

2 Corintios 6:14

Janiy jumanakax Cristor jan iyawsirinakampix chikachasipxamti. ¿Kamisarak aski kankañampi ñanqha kankañampisti mayachasispasti? Jan ukax ¿kamisarak qhanampi ch'amakampisti chikachasispasti?

Deuteronomio 14:2

Jumanakax Tatit Diosamatak yaqhachat markäpxtawa; jupaw aka uraqin utjir taqi markanak taypit jumanakar ajllisipxtam, jupan markapäpxañamataki.

Deuteronomio 7:6

Jumanakasti Tatit Diosamatak ajllit markäpxtawa; Tatituw jumanakarux aka uraqin utjir taqi markanak taypit ajllisipxtam, ukhamat jumanakan jupatak yaqhachat markäpxañamataki.

Josué 22:15

Galaad chiqaru purisinsti, jupanakarux sapxänwa:

Josué 23:12

Nayax jumanakan yatipxañam munta: jumanakatix Tatitut armasipxäta, ukatsti jumanak taypin qhiparki uka jaqinakampi chikachasipxäta, jupanakampis jaqichasipxarakïta ukaxa, Tatitu Diosamax janiw uka markanakarux jumanak nayraqatat jaqunukkaniti, jan ukasti Diosax qänar uñtata, sipitar uñtataw jupanakarux apnaqani, jikhaninakamatakix jawq'añar uñtata, nayranakamatakisti ch'aphir uñtata, jumanakat jan maynis kawkïr uraqtix Tatitux churapktam uka uraqin qhiparapxañamkama.