Esdras 4:3 - Qullan Arunaka DC

³ Ukampis Zorobabel chachampi, Josué chachampi, maynïr jilïr irpir judionakampix ukxarux sapxänwa: —Janiw jumanakampi chik lurapkiristti. Nanak sapakiw Tatit Diosaxatakix utap lurapxä, Persiankir Ciro reyix ukham sapxarakitu —sasa.

Aymar Bibliia 1986

³ Ucampisa Zorobabel chachampi, Josué chachampi, uqhamarac familianacata maynïri israelita jilïri chachanacampejja ucjjarojj aqham sapjjänwa: —Janiw jumanacamp chicajj Diosajjan templopjja lurapcsnati. Jan ucasti nanac sapaquiwa lurapjjäjja Israelan Tatit Diosajjataquejja, uqhamwa Persianquiri Ciro sat reyejj sapjjaraquitu —sasa.

Qullan Arunaca

³ Ucampisa Zorobabel chachampi, Josué chachampi, uqhamarac familianacata maynïri israelita jilïri chachanacampejja ucjjarojj aqham sapjjänwa: —Janiw jumanacamp chicajj Diosajjan templopjja lurapcsnati. Jan ucasti nanac sapaquiwa lurapjjäjja Israelan Tatit Diosajjataquejja, uqhamwa Persianquiri Ciro sat reyejj sapjjaraquitu —sasa.

Esdras 4:3 Jak'a apnaqawi uñst'ayäwi

2 Crónicas 36:22

Persia markankir Ciro reyin nayrïr mara marka apnaqkän ukkhasti, Jeremías tuqi Tatitun arupax yatiyatäkän uk phuqhasiñapatakix, Tatituw Ciro reyirux ch'amañchäna, taqi markanakapan aru tuqi, qillqat tuqi aka arunak yatiyasiñapataki:

Esdras 1:1

Ciro reyin Persia marka nayrïr mara apnaqäwipana, ukhamarak Jeremías profeta tuqi Tatitun arupa yatiyatäkäna ukan phuqhasiñapatakisti, Tatitux Ciro reyiruw ch'amañchäna, taqpach markachirinakar aru tuqi, qillqat tuqi, aka kamachi yatiyañapataki:

Esdras 1:2

“Persiankir Ciro reyix akanak arsu: Alaxpachankir Tatitu Diosaw aka uraqinkir taqi markanak apnaqañaxatak amparaxar katuyitu, Judá uraqinkir Jerusalén markan jupan utap lurayañaxatakiw iwxarakitu.

Esdras 1:3

Ukhamïpansti, jumanak taypin khitinakatix Tatitun markapankirïpkta ukanakaruxa, Dios yanappan, Judá uraqinkir Jerusalén markar Tatitun utap lurir sarxpan, Israel markan Tatitupawa, Jerusalén markan jakaraki.

Esdras 3:8

Zorobabel chachampi, Josué sacerdotempisti Jerusalén markar purinipxatapatxa payïr marana, payïr phaxsi saraqataruw Tatitun utap wasitat lurañ qalltapxäna. Jupanakarux sacerdotenaka, levitanaka, Jerusalenar kutt'anipkatayna taqi uka judío jaqinakaw yanapapxarakïna, irnaqäwinak sarayapxañapatakisti, pä tunk maranit uksar levita chachanak ajllipxäna.

Nehemías 2:20

Nayasti jupanakarux sistwa: —Alaxpachankir Tatituw nanakar atipt'ayapxitani. Nanaka Tatitun luqtirinakapaxa, pirqa sayt'ayañ qalltapxäwa, ukampisa janiw jumanakan kuna arsuñasa, kuna lurañas utjapktamti, janirakiw Jerusalén markan jumanakat kunat amtasiñas utjkiti —sasa.

Isaías 44:28

Ciro reyiruw sista: ‘Jumaw awatirixätaxa, kuntix nayax munkä uk jumax luräta’; Jerusalenarusti saraktwa: ‘Jumax wasitat sayt'ayatäxätawa’; Tatitun utaparusti saraktwa: ‘Wasitat qalltatpach sayt'ayatäxätawa’ sasa.”

Isaías 45:4

Israelax nayan ajllisit markaxawa, nayan chiqa luqtirixärakiwa. Uka markar munasaw jumarux sutimat jawssma, janis jumax nayar uñt'kchiyästa ukasa, jichhax mä reyit utt'aysma.

Mateo 10:16

“¡Amuyasipxam! Nayasti jumanakarux ovejanakjam qamaqinak taypiruw khithapxsma. Katarinakjam ch'ikhïpxam, palomanakjam llamp'u chuymanïpxarakim.

Juan 4:9

Judionakampi samaritanonakampi jan walinkapxatap laykusti, Samariankir warmix Jesusarux sänwa: —¿Kamisarak jumasti, Judeankir jaqïkasina, naya, Samariankir warmir uma mayistasti? —sasa.

Hechos 8:21

Janiw juman katuqañamax wakt'ktamti, chuymamax Dios nayraqatan janiw chiqäkiti.