Esdras 4:2 - Qullan Arunaka DC

² Zorobabel chacharu, Josué chacharu, jilïr irpir judionakar jikxatiriw sarapxäna; jupanakarusti sapxänwa: —Tatitun utap lurañan yanapt'apxäma, nanakax jumanakjamarakiw pachpa Diosar yupaychapxta. Asiria markankir Esarhadón reyix aka chiqan jakañatak irpanipkitu uka urunakatpach wilañchanaksa luqtapxarakta —sasa.

Aymar Bibliia 1986

² sarapjjänwa Zorobabel chachampi, uqhamarac Josué chachampi, uqhamarac familianacata jilïr chachanacampi jiquisiri; ucatsti jupanacarojj sapjjänwa: —Nanacajj lurañanjja yanapapjjämaya, nanacasti jumanacjamaraquiwa jutapjjaracta Diosaman ucaru, ucatsti sacrificionacsa loktapjjaractwa Asiria marcanquir Esar-hadón sat reyejj aca chekaru apanipquitu uca urunacatpacha —sasa.

Qullan Arunaca

² sarapjjänwa Zorobabel chachampi, uqhamarac Josué chachampi, uqhamarac familianacata jilïr chachanacampi jiquisiri; ucatsti jupanacarojj sapjjänwa: —Nanacajj lurañanjja yanapapjjämaya, nanacasti jumanacjamaraquiwa jutapjjaracta Diosaman ucaru, ucatsti sacrificionacsa loktapjjaractwa Asiria marcanquir Esar-hadón sat reyejj aca chekaru apanipquitu uca urunacatpacha —sasa.

Esdras 4:2 Jak'a apnaqawi uñst'ayäwi

Génesis 10:11

Uksa tuqit Nimrod chachax Asur tuqir mistüna, ukatsti Nínive, Rehobot-ir, Quélah uka markanak sayt'ayäna,

2 Reyes 17:24

Asiriankir reyisti Babiloniata, Cuta, Avá, Hamat, Sefarvaim uka markanakat jaqinak apäna, ukatsti israelitanak lantix Samaria markanakan uka jaqinakar utjnuqtayäna. Ukhamat uka jaqinakax Samaria marka katuntasipxäna, markanakapan jakapxarakïna.

2 Reyes 19:37

Ukampis mä uruxa, kunapachatix Senaquerib reyix Nisroc sat diosapan templopan yupaychaskän ukkhawa, Adramélec, Sarézer sat yuqanakapax sarasin jupar jiwayapxäna, jiwayasinsti Ararat sat chiqaruw jaltxapxäna. Uka qhipatsti Esarhadón sat yuqapaw jupa lantix marka apnaqxäna.

Esdras 1:5

Ukatsti Judänkirinakana, Benjaminankirinakan jilïrinakapasti, sacerdotenakasa, levitanakasa, khitinakatix Diosan ch'amañchatäpkän ukanakaxa, Jerusalenar sarañatakiw wakichasipxäna, Tatitun utap wasitat sayt'ayañataki.

Esdras 3:12

Tatitun nayrïr utap uñt'ir sacerdotenakatsa, levitanakatsa, wila masinakan jilïr jaqinakatsa, machaq uta lurañ qalltasipan jach'at jachapxäna. Ukapachasti waljaniw kusisiñat art'asipxarakïna.

Esdras 3:2

Ukatsti Josadac chachan Josué yuqapasa, sacerdote masinakapasa Israelan Tatitupan altarap lurañ qalltapxäna, Salatiel chachan Zorobabel yuqapampi, wila masinakapamp chika, kunjämtix Diosan jaqipa Moisés tuqi kamachix arskäna ukarjam uka patxan nakt'at luqtäwinak luqtañataki.

Nehemías 9:32

“Ukhamasti, nanakan Diosaxay, taqi ch'amani axsarkañ Diosay, sumankäwir mantatamsa, munasiñamsa imtawa, jichhax uñjamaya ukataq jan walt'añanaka jutatapa, reyinakaxarusa, jilïrinakaxarusa, sacerdotenakaxarusa, profetanakaxarusa, nayra awkinakaxarusa, Asiria markan reyinakapan amparapar jalt'apkta ukkhat jichhürkama.

Salmos 73:8

Jaqinakat jan wal parlapxi; ¡taqinit phiskasipxi! Jach'a jach'a tukuñapax jach'apuniwa, ñanqha lurañatak parlt'asipki.

Isaías 37:37

Ukat Asiriankir Senaquerib reyix campamentop apthapisiwayasin Nínive markar kuttxäna.

Isaías 37:38

Mä urusti, kunapachatix Nisroc sata diosan utapan yupaychaskäna ukañkamaw Adramélec, Sarézer sat yuqanakapax Senaquerib awkipar jiwayapxatayna, jiwayasasti Ararat tuqiruw jaltxapxatayna. Ukatsti Esarhadón sata yuqapaw Senaquerib reyi lantix uka marka apnaqxäna.

Oseas 14:3

3 (4) Asiria markax janiw qhispiyapkitaspati, janiw caballonakapar lat'xatasas jaltapkiristti. Amparaxampi lurasipkta ukanakarux, janirakiw ‘Nanakan Diosaxa’ sapkäti. Tatay, wajchax juma sapanak khuyapayasiñ jikxati.”

Gálatas 2:4

Ukampis yaqhip k'ari jilatanakaw nanak taypir jamasat mantanitayna, Jesucristo tuqi qhispiyatäpktsa uk nanakar uñaqiri, ukat wasitampi judionakan kamachinakapar jaysapxañaxataki.

2 Timoteo 3:8

Kunjämatix Janes, Jambrés uka jan wali jaqinakax Moisesar saykatapkatayna, uka pachparakiw uka jaqinakax Tatitun chiqa arunakapar saykatapxi. Uka jaqinakasti ñanqha lurañar jichuntat jan wali amtanïpxiwa, iyawsäwin aynacht'at jaqinakäpxarakiwa.