Esdras 1:8 - Qullan Arunaka DC

⁸ Ciro reyix Mitrídates sat qullqi apnaqir tuqiw uka yänak kutt'ayxäna, ukatsti, uka jaqix Sesbasar sat Judá markan jilïr apnaqiriparuw jakt'asa katuyxarakïna.

Aymar Bibliia 1986

⁸ Ciro reyejj cutt'ayjjänwa Mitrídates sat kollke caturi chacha toke, ucatsti jupajj jacthapisinjja catuyjjaraquïnwa Judá oraken Sesbasar sat marca apnakeriru.

Qullan Arunaca

⁸ Ciro reyejj cutt'ayjjänwa Mitrídates sat kollke caturi chacha toke, ucatsti jupajj jacthapisinjja catuyjjaraquïnwa Judá oraken Sesbasar sat marca apnakeriru.

Esdras 1:8 Jak'a apnaqawi uñst'ayäwi

Esdras 1:11

Qurita, qullqit lurat taqpach yänakax phisqa waranq pusi patakänwa. Taqi ukanakxa, Sesbasar chachaw Jerusalenar apxäna, apanukut jaqinakamp chik Babiloniat kutt'ankäna ukkha.

Esdras 5:14

“Sapxarakituwa: ‘Ciro reyix Babiloniankir templot kuntix Nabucodonosor reyix Jerusalenan Tatitun utapat Babiloniar apkatayna uka qurita, qullqit lurat yänak apsu. Ukanaksti jupax Judá marka apnaqir Sesbasar chacharuw katuyarakitayna.

Esdras 5:16

Sesbasar chachax Jerusalenar purisinxa, Tatitun utapatak nayrïr qalap jaquntäna; jichhax ukkhatpach wasitat lurasiskaraki, ukampis janïraw tukuyatäkiti’ sasa.

Esdras 5:2

Uka yatiyäwinak ist'asasti, Zorobabel chachampi, Josué chachampix Tatitun utap wasitat lurañ qalltapxäna, profetanakasti jupanakarux yanapapxarakïnwa.

Jeremías 51:44

“Babilonia chiqan Bel sat diosarux mutuyarakï, kuntix manq'antkatayna uksa waq'aqsuyäwa, markanakasti janirakiw jupar yupaychirix jutkxapxaniti. ¡Babilonian pirqanakapax liwirtxiwa!

Hageo 1:1

Darío reyin payïr mara markar apnaqatapana, suxtïr phaxsina, nayrïr uru saraqataruw Tatitux Hageo profeta tuqi parläna, Salatiel chachan Zorobabel yuqapampiru, khititix Judá uraqi apnaqirïkäna ukaru, Josadac chachan Josué yuqapampiru, khititix jilïr sacerdotëkän ukampiru.

Hageo 1:14

Tatitux ukham Judá marka apnaqir Zorobabelampiru, sacerdotenakan Josué jilïripampiru, markachirinakampirux ch'amañcht'äna; ukatsti, suxtïr phaxsina, pä tunka pusin uru saraqataru, Darío reyix Persia marka payïr mara apnaqkän ukkhaw taqi ch'aman Tatitu Diosapan utap wasitat utachañ qalltapxäna.