Esdras 1:2 - Qullan Arunaka DC

² “Persiankir Ciro reyix akanak arsu: Alaxpachankir Tatitu Diosaw aka uraqinkir taqi markanak apnaqañaxatak amparaxar katuyitu, Judá uraqinkir Jerusalén markan jupan utap lurayañaxatakiw iwxarakitu.

Aymar Bibliia 1986

² “Persianquiri Ciro reyejj acanacwa arsu: ‘Alajjpachanquiri Tatitu Diosawa amparajjaru aca orakenquir take marcanaca catuyitu, ucatsti saraquituwa Jerusalenan mä templo lurayañajjataqui, ucasti Judá orakenwa jicjjatasi.

Qullan Arunaca

² “Persianquiri Ciro reyejj acanacwa arsu: ‘Alajjpachanquiri Tatitu Diosawa amparajjaru aca orakenquir take marcanaca catuyitu, ucatsti saraquituwa Jerusalenan mä templo lurayañajjataqui, ucasti Judá orakenwa jicjjatasi.

Esdras 1:2 Jak'a apnaqawi uñst'ayäwi

1 Reyes 8:27

“Ukampisa Diosaxay, ¿chiqpachapunit jumasti aka uraqin jakasmasti? Alaxpachatix jach'a kankañapampi jumar jan katxäsirjamäkstamxa, ¡janiw jumatak utacharapksma ukax katxäskiristamti!

2 Crónicas 2:12

12 (11) Ukxarusti saskakïnwa: “¡Israelan Tatit Diosapax qullanäpan, jupaw alaxpachsa akapachsa luri, juparakiw David reyirux wali yatiñani, ch'ikhi kankañan wawa apayi, Tatitutakisti mä uta lurayani, jupatakisti uta lurayasirakini!

Esdras 1:5

Ukatsti Judänkirinakana, Benjaminankirinakan jilïrinakapasti, sacerdotenakasa, levitanakasa, khitinakatix Diosan ch'amañchatäpkän ukanakaxa, Jerusalenar sarañatakiw wakichasipxäna, Tatitun utap wasitat sayt'ayañataki.

Esdras 3:7

Ukatsti, Ciro reyiruw mayipxäna, Tiro, Sidón markankir jaqinakan Líbano qullut cedro lawanak barconakat qutanjam Jope markar apapxañapataki, uka jaqinakarusti irnaqäwinakapat manq'añanakampi, umañanakampi, aceitemp kun churapxäna; utachirinakampiru, carpinteronakampirusti, qullq churapxarakïna, irnaqäwinak qalltapxañapataki.

Esdras 4:3

Ukampis Zorobabel chachampi, Josué chachampi, maynïr jilïr irpir judionakampix ukxarux sapxänwa: —Janiw jumanakampi chik lurapkiristti. Nanak sapakiw Tatit Diosaxatakix utap lurapxä, Persiankir Ciro reyix ukham sapxarakitu —sasa.

Esdras 5:15

Ciro reyisti Sesbasar chacharuw uka yänak Jerusalenan Tatitun utapar kutt'ayxañapataki sarakitayna, ukatsti pachpa chiqan Tatitun utapa wasitat lurañapataki.

Esdras 6:10

Uka waxt'äwinakax alaxpachankir Diosan chuymapar purt'kirïñapawa, ukhamaraki nayan jakäwixatakisa, wawanakaxatakis mayipxpan.

Esdras 6:3

“Persia markankir Ciro reyix nayrïr mara apnaqäwipan aka arunak arsüna: ‘Tatitun utapax Jerusalenan wasitat luraspan, ukan waxt'äwinakax luqtatäñapataki. Uka utasti sayt'urux pä tunk paqallqun metronïniwa, iram tuqirusti llätunk metroni, alay tuqirusti tunka kimsa chikatan metroniraki;

Esdras 7:12

“Artajerjes jach'a reyix taqi ch'aman Tatitun kamachip yatichir Esdras sacerdoteruw arunti.

Nehemías 1:4

Uka arunak ist'asasti qunt'asisin jachta, mä qawqha urunakaw wali llakt'at jikxatasïyäta, ayuno lurasa, alaxpachankir Tatitut mayisisaraki.

Nehemías 1:5

Jupar akham sarakta: “Alaxpachankir Dios Tatay, axsarkañ jach'a Diosay, jumar munapktam ukanakarusa, kamachi arunakam phuqhirinakarus janiw armktati, chiqa chuymanïtawa, arust'äwir mantat arumsa phuqtawa;

Salmos 136:26

¡Alaxpachankir Diosar yuspagarapxam, munasiñapax wiñayawa!

Salmos 85:2

2 (3) markaman ñanqha luratanakap pampachtawa, taqpach juchanakapax pampachatawa;

Proverbios 21:1

Reyin amtatanakapax Tatitun amparapan jawirar uñtatawa; kawkharutix jupax munki ukaruw irpi.

Isaías 41:2

Nayaw Israelan Diosapätxa; nayarakiw inti jalsu tuqita atipt'ir Ciro reyirux jutayarakta. Uka reyin ejercitopax niyaw jutanti, ukkañkamax reyinakarux niyaw jisk'achjta, markanakapsa katuntayaraktwa. Ciro reyix espadapampiw q'al tukji, mä wichhu t'unar uñtata willitati.

Isaías 44:26

Ukampisa khitinakatix nayan luqtirixäpki ukanakan arunakap phuqhayapuntwa, khithatanakaxan amtatanakapsa suma mistuyarakta. Nayaw Jerusalenan wasitat jaqinïxañapatak arsta, Judá uraqinkir markanakas wasitat sayt'ayatäxañapataki: Aynacht'atanakapatsti nayaw jupanakarux sartayä.

Isaías 44:28

Ciro reyiruw sista: ‘Jumaw awatirixätaxa, kuntix nayax munkä uk jumax luräta’; Jerusalenarusti saraktwa: ‘Jumax wasitat sayt'ayatäxätawa’; Tatitun utaparusti saraktwa: ‘Wasitat qalltatpach sayt'ayatäxätawa’ sasa.”

Isaías 45:1

Tatituw Ciro chacharux Persia markan reyipat utt'ayi, markanakaruw atipjayi, reyinakaparusti jan nuwaskir antuti. Tatitusti taqi markanakarux Ciro reyir jan saykatkir luri. Ukat saraki:

Isaías 66:1

Tatitux siwa: “Alaxpachax nayan qunuñaxawa, uraqisti kayunakaxan takt'añapawa. Nayan samart'añaxatakix janiw khitis mä uta nayatak lurkaspati.

Jeremías 10:11

(Jumanakasti, israelitanaka, Tatitur jan uñt'ir jaqinakarux sapxam: “Kawkïr diosanakatix alaxpachsa, akapachsa jan lurki ukanakax aka uraqit chhaqtayatäpxaniwa; janirakiw mayas ukanakat aka uraqin qhiparkaniti”).

Jeremías 27:5

Nayaw jach'a ch'amaxampi aka uraqi lurta, jaqinaksa, taqi animalanaksa, ukatsti khitin apnaqañaptix munkirista ukaruw churarakirista.

Jeremías 29:10

“Tatitux siwa: ‘Kunapachatix Babiloniaru paqallqu tunka mara apnaqañap phuqhasxani ukkhasti, nayax jumanakat amtasxäwa, arsutaxarjamaw phuqharakï, jumanakarusti aka pachpa uraqiruw kuttayanxapxarakïma.

Daniel (hebreo) 1:21

Ukhamaw Danielax Babilonia markan qhiparxäna, Ciro reyin mä mara uka marka apnaqkäna ukkhakama.

Daniel (hebreo) 2:21

Jupaw pachanaksa, maranaksa mayjt'ayi, jupaw reyinakar utt'ayi, juparakiw jaquqaraki. Yatiñaninakarux juk'amp yatiñ churi, ch'ikhinakarusti juk'amp ch'ikhi chuyma churaraki.

Daniel (hebreo) 2:28

Ukampis mä Diosaw alaxpachan utji, jupax jan amuyt'kayanak qhanañchiriwa, juparakiw juma jach'a reyirux yatiytam kunatix akat qhiparu utjkani taqi ukanaka. Nayaw juma jach'a reyir qhanañchäma kunanaktix ikkasina samkaskta, unañchäwinaksa uñjkarakta taqi ukanakata:

Daniel (hebreo) 4:25

25 (22) Juma reyix jaqinak taypit yaqhachatäxätawa, pampa laq'unakamp chikaw jakarakïta, vacanakjamaw quranak manq'äta, janchimxarus sullaw sullantarakini. Ukhamaw juma jach'a reyix paqallq mara jakäta, alaxpachankir Diosan taqi akapachan marka apnaqäwinakxarus munañanïtapa yatiqañamkama, khitirutix jupax munki ukaru marka apnaqirit utt'ayatapa.

Daniel (hebreo) 4:32

32 (29) jaqinak taypit apanukutäyätawa, paqallq maraw pampa jach'a laq'unakamp jakäta, vacanakjamaw quranak manq'äta, alaxpachankir Diosan aka uraqin utjir taqi markanakxarus munañanïtap uñt'käta ukkhakama, khitirutix jupax munki ukar marka apnaqirit utt'ayatapa” sasa.

Daniel (hebreo) 5:23

Jan ukasti, alaxpachankir Tatitut larustawa, jupan utapankir qirunakampi aptayanisax, jawsayat jaqinakamamp chikaw uka qirunakat vino umtaxa; ukhamarusa, qurita, qullqita, bronceta, hierrota, lawata, qalat lurat diosanakaruw yupaychtaxa; uka diosanakasti janiw uñjapkiti, janiw ist'apkisa, janirakiw kuns yatipkiti. Janiw jumax Diosar jach'añchktati, juma reyin jakañamax jupan amparapankiwa, kuntix lurkta ukanakasa jupïpan lurasi.

Daniel (hebreo) 6:25

25 (26) Ukapachaw Darío reyix mä qillqat uraqpachan utjir taqi markanakaru, ukhamaraki kunayman arut parlir jaqinakar apayäna, akham sasa: “Jumanak taypin jilarkir sumankañ utjpan.

Jonás 1:9

Jonasasti sarakïnwa: —Nayax hebreo jaqïtwa, qutanaksa, aka uraqsa lurir alaxpachankir Tatit Diosar yupaychirïtwa —sasa.