Esdras 1:1 - Qullan Arunaka DC

¹ Ciro reyin Persia marka nayrïr mara apnaqäwipana, ukhamarak Jeremías profeta tuqi Tatitun arupa yatiyatäkäna ukan phuqhasiñapatakisti, Tatitux Ciro reyiruw ch'amañchäna, taqpach markachirinakar aru tuqi, qillqat tuqi, aka kamachi yatiyañapataki:

Aymar Bibliia 1986

¹ Cunapachatï Persianquiri Ciro sat reyejj mä mara reinascäna, uqhamarac Tatitun arupajj Jeremías profeta toke parlatäcäna uca phokhasiñapataqui, ucqhawa Tatitojj Ciro sat reyiru ch'amañchäna take reinopana yatiyatäñapataqui aru toksa kellkata toksa aca arsut'äwi:

Qullan Arunaca

¹ Cunapachatï Persianquiri Ciro sat reyejj mä mara reinascäna, uqhamarac Tatitun arupajj Jeremías profeta toke parlatäcäna uca phokhasiñapataqui, ucqhawa Tatitojj Ciro sat reyiru ch'amañchäna take reinopana yatiyatäñapataqui aru toksa kellkata toksa aca arsut'äwi:

Esdras 1:1 Jak'a apnaqawi uñst'ayäwi

Esdras 1:5

Ukatsti Judänkirinakana, Benjaminankirinakan jilïrinakapasti, sacerdotenakasa, levitanakasa, khitinakatix Diosan ch'amañchatäpkän ukanakaxa, Jerusalenar sarañatakiw wakichasipxäna, Tatitun utap wasitat sayt'ayañataki.

Esdras 4:3

Ukampis Zorobabel chachampi, Josué chachampi, maynïr jilïr irpir judionakampix ukxarux sapxänwa: —Janiw jumanakampi chik lurapkiristti. Nanak sapakiw Tatit Diosaxatakix utap lurapxä, Persiankir Ciro reyix ukham sapxarakitu —sasa.

Esdras 6:14

Judionakan sarayirinakapasti Hageo, Zacarías uka profetanakan ch'amañcht'atax irnaqäwinak lurasipkakïnwa. Israelan Tatitun arsutaparjamaw wasitat pirq lurañax tukuyasïna, ukhamaraki Persia markankir Ciro, Darío, Artajerjes uka reyinakan arsüwinakaparjama.

Esdras 6:22

Paqallq uruw jan levaduran t'ant'a manq'añ phunchhäwi, kusisiñamp uruyapxäna, Tatituw jupanakarux kusisiñamp phuqt'atayna, Persia markankir reyin aski luratapata, Israelankir Tatitun utap wasitat lurañanakan yanapt'asitap layku.

Esdras 6:3

“Persia markankir Ciro reyix nayrïr mara apnaqäwipan aka arunak arsüna: ‘Tatitun utapax Jerusalenan wasitat luraspan, ukan waxt'äwinakax luqtatäñapataki. Uka utasti sayt'urux pä tunk paqallqun metronïniwa, iram tuqirusti llätunk metroni, alay tuqirusti tunka kimsa chikatan metroniraki;

Esdras 7:27

Uka qillqat ullarasinsti Esdrasax akham sänwa: “Awkinakasan Tatit Diosapax yupaychatäpan, reyir ch'amañchatapata, Jerusalenan Tatitun utapar jach'añchatapata,

Salmos 106:46

jupanakar katuntirinakampis khuyapayasiñampiw uñjayäna.

Proverbios 21:1

Reyin amtatanakapax Tatitun amparapan jawirar uñtatawa; kawkharutix jupax munki ukaruw irpi.

Isaías 44:28

Ciro reyiruw sista: ‘Jumaw awatirixätaxa, kuntix nayax munkä uk jumax luräta’; Jerusalenarusti saraktwa: ‘Jumax wasitat sayt'ayatäxätawa’; Tatitun utaparusti saraktwa: ‘Wasitat qalltatpach sayt'ayatäxätawa’ sasa.”

Isaías 45:1

Tatituw Ciro chacharux Persia markan reyipat utt'ayi, markanakaruw atipjayi, reyinakaparusti jan nuwaskir antuti. Tatitusti taqi markanakarux Ciro reyir jan saykatkir luri. Ukat saraki:

Jeremías 1:1

Nayax Hilcías chachan yuqapa Jeremías profetätwa. Anatot sata markan jakasirïtwa, sacerdotenakan wila masipat saraqirïtwa. Anatot markax Benjamín ayllu uraqinkiwa.

Jeremías 29:10

“Tatitux siwa: ‘Kunapachatix Babiloniaru paqallqu tunka mara apnaqañap phuqhasxani ukkhasti, nayax jumanakat amtasxäwa, arsutaxarjamaw phuqharakï, jumanakarusti aka pachpa uraqiruw kuttayanxapxarakïma.

Ezequiel 38:5

Jumasti Persia, Etiopía, Libia uksa markankirinakampi chikaw saräta, taqi jupanakasti nuwantasiñatakix escudonakampi casconakampi wakicht'atäpxarakiwa,

Daniel (hebreo) 1:21

Ukhamaw Danielax Babilonia markan qhiparxäna, Ciro reyin mä mara uka marka apnaqkäna ukkhakama.

Daniel (hebreo) 2:1

Nabucodonosor reyix niya pä mara marka apnaqkäna ukapachaw jupax walja samkanak samkasitayna, ukham samkasitapatsti wal llakisxäna, janirakiw ikthapkänsa.

Daniel (hebreo) 6:25

25 (26) Ukapachaw Darío reyix mä qillqat uraqpachan utjir taqi markanakaru, ukhamaraki kunayman arut parlir jaqinakar apayäna, akham sasa: “Jumanak taypin jilarkir sumankañ utjpan.

Daniel (hebreo) 9:2

Mä mara marka apnaqkäna ukapachaw, naya, Danielax Jeremías profetan qillqatapat amuyt'askäyäta, kunapachatix Jerusalén markax paqallq tunka mara qhipat t'unjat uñjaskani ukxata, kunjämtix Tatitux profetar yatiykatayna ukarjama.

Juan 1:23

Juanasti jupanakarux sänwa: —Nayax wasaran arnaqasir jaqïtwa: “Tatitun thakhip chiqaptayapxam” sasa, kunjämtix Isaías profetax arskän ukhamarjama.