Eclesiastés 2:3 - Qullan Arunaka DC

³ Amuyuxampi, yatiñ kankañampi apnaqatax vino mallt'añ munasaw machañar katuyasta, jaqix akapachan jakht'at urunakapan kuna asksa jikxataspa, uk yatiñataki.

Aymar Bibliia 1986

³ Yatiñampi apnakata amuyojjanjja, munäyätwa yant'aña vinompi cusisiña, ucatsti uca machañaru catuyasirista ucati jaketaquejj asquïspajja aca oraken jact'at urunacapana uc yatiñataqui.

Qullan Arunaca

³ Yatiñampi apnakata amuyojjanjja, munäyätwa yant'aña vinompi cusisiña, ucatsti uca machañaru catuyasirista ucati jaketaquejj asquïspajja aca oraken jact'at urunacapana uc yatiñataqui.

Eclesiastés 2:3 Jak'a apnaqawi uñst'ayäwi

Génesis 47:9

Jacobusti sarakïnwa: —Patak kimsa tunkan maranïxtwa, uksa aksa sarnaqarakta, uka juk'a maranakansti jakañax nayatak ch'amänwa, janïraw qawqha maranakatix nayra awkinakaxax jakapkäna ukar purkti —sasa.

Job 14:14

¿Mä jaqisti jiwxasin wasitat jaktanxaspati? Nayasti qawqhaya wakischispa ukkhakamaw suyt'irista, t'aqhisiñanakaxan tukusiñap puriniñapkama.

Salmos 104:15

ch'amanchir t'ant'a jikxatañapataki, chuymapar kusisiyir vino apsusiñapataki, ajanupas aceitjam lliphipiñapataki.

Proverbios 20:1

Vinox jaqirux jan amuyun tukuyi, machjayir umañanakasti jan walinak parlayaraki; machjasisin janiw khitis kuns yatiñ kankañamp lurkiti.

Eclesiastés 10:19

Kusisit jakañatakisti, t'ant'aw munasi, k'uchikïñatakisti, vinow munasi, taqi ukanakamp kusisiñatakisti, qullqiw munasi.

Eclesiastés 12:13

Parlañax tukusxiwa. Taqi kunaw satäxi. Diosar yupaycham, kamachi arunakapar phuqham, taqi ukanakan jaqitakïtap layku.

Eclesiastés 2:24

Mä jaqitakix manq'asiña, umaña, irnaqäwipat kusisiña ukakiw juk'amp askixa, ukampis taqi ukas Tatitut jutatap amuyarakta.

Eclesiastés 5:18

18 (17) Nayax akhamak amuyta: jakäwin askipax manqt'asiña, umt'asiña, aka uraqin mä juk'a urunak Diosax churkistu ukan jan inakt'as irnaqatasat kusist'aña ukakiwa, ukampis ukaw jiwasanakar wakt'istu.

Eclesiastés 6:12

Niy yatitawa, janiw khitis yatkiti kunatix jaqitakix aka jakht'at inamay urunakapan askïki ukxa. Urunakapax ch'iwir uñtataw sarakipani, ¿khitirak jupar yatiyaspa kunatix akapachan jiwatap qhipat luraskani uksti?

Eclesiastés 7:18

Uk katthapiñax askiwa, amparat jan antutjasa. Khititix Tatitur axsarki ukaxa, taqi kunansa askiruw mistsuni.

Eclesiastés 7:25

Nayax yatxatañanak jikxatañaruw uchasta, ukat yatxatxasin mä suma amuyt'ar puriñataki. Ukhamasti nayax amuytwa, pisi amuyt'anïñan jan walïtapa, pisi chuymäñas luqhi kankañätapa.

Eclesiastés 8:15

Ukat nayax kusisiñxat sista: “Kusisiñax utjpan” sasa. Jaqitakix akapachan janiw yaqha suma luräwipax utjkiti, jan ukasti manq'aña, umaña, kusist'aña ukakiw utji, jaqitakix ukakiw irnaqatapat utji, Diosax akapachan jakañ churki uka urunakapana.

Mateo 6:24

“Janiw khitis pani uywirir luqtkaspati, maynirux munasiniwa, maynirusti uñisiniwa, jan ukax maynirux alkataniwa, maynirusti jisk'achaniwa. Diosampiru, qamir yänakampirux janiw khitis luqtkaspati.

Efesios 5:18

Jan machjasipxamti, machjasiñax jan waliruw puriyi; ukatsipana Qullan Ajayumpi phuqhantasipxam.

Jueces 9:13

Ukampis uva alix janiw munkänti, jupax sänwa: ‘Quqanakan reyipäñaxatakix vino utjayañ jaytxañaxäspawa, uka vinox jaqinakarusa, Diosarus kusisiyañatakiwa’ sasa.

1 Samuel 25:36

Abigail warmisti utapar kuttanxän ukkhaxa, Nabal chachaparux reyitakjam mä jach'a manq'äwi luraskir jikxatäna. Jupasti wali k'uchikïnwa, wali machantataraki. Ukat jupax qhipüru willjtakamax janiw kunsa chachaparux siskänti.