Daniel (hebreo) 1:2 - Qullan Arunaka DC

² Tatituw Joacín reyirux Nabucodonosor reyimp katuntayäna, kuna yänakatix Tatitun utapan utjkäna ukanaksa Nabucodonosor reyiruw katuyarakïna. Nabucodonosor reyisti Babilonia markaruw jaqinak katuntat apasxäna, Tatitun utapat apsuta qullan yänaksa diosanakapan yänakapamp chik uskurakïna;

Aymar Bibliia 1986

² Tatitusti Joacim reyirojj Nabucodonosor reyimpiw catuntayäna, cuna yänacatejj templon utjcäna ucanacsa Nabucodonosor reyiruw catuyaraquïna. Nabucodonosor reyisti jakenacjja preso apasjjäna Babilonia marcaru, Diosan templopata apsuta kollana yänacsa diosanacapan yänacapampi chicwa uscjjaraquïna;

Qullan Arunaca

² Tatitusti Joacim reyirojj Nabucodonosor reyimpiw catuntayäna, cuna yänacatejj templon utjcäna ucanacsa Nabucodonosor reyiruw catuyaraquïna. Nabucodonosor reyisti jakenacjja preso apasjjäna Babilonia marcaru, Diosan templopata apsuta kollana yänacsa diosanacapan yänacapampi chicwa uscjjaraquïna;

Daniel (hebreo) 1:2 Jak'a apnaqawi uñst'ayäwi

Génesis 10:10

Jupan apnaqat jach'a markanakasti akanakänwa: Babel, Erec, Acad, Calné ukanaka, uka markanakasti Sinar tuqin jikxatasïna.

Génesis 11:2

Kunapachatix jaqinakax inti jalsu tuqit mistunipkän ukapachaxa, Babilonia uraqin mä qhirwa uraqi jikxatapxäna, ukatsti ukan jakiriw qhiparapxäna.

2 Reyes 24:1

Joacín reyix marka apnaqkän ukkhaw, Babiloniankir Nabucodonosor reyix Judá uraqir katuntir mantantäna, ukatsti Joacín reyix kimsa maraw uka reyin munañaparjam sarnaqäna. Ukatxa sum amuyt'asisin, janiw uka reyirux jaysañ munkxänti, jan ukasti jupatakiw sayt'asxäna.

2 Crónicas 36:5

Joacim reyix pä tunka phisqan maranïkän ukkhaw marka apnaqañ qalltäna, jupasti Jerusalenan tunka mayan maraw marka apnaqäna. Jupan luratanakapax Tatit Diosapan nayraqatapan janiw walïkänti.

2 Crónicas 36:7

Nabucodonosor reyix Tatitun utapan utjir yänakat mä chikat Babiloniarux apasïna, ukatsti Babilonian yupaychañ utaparuw uchäna.

Esdras 1:7

Ciro reyisti, kuna yänaktix Nabucodonosor reyix Jerusalén markat Tatitun utapat apsunkatayna, ukatsti diosanakapan utapar apkatayna uka yänak churxänwa.

Isaías 11:11

Uka urunakanxa, Tatitux wasitat ch'amap uñacht'ayani, markapat jilt'irinakarusti akïr markanakat kuttayanxani: Asiria, Egipto, Patros, Etiopía, Elam, Sinar, Hamat, ukhamarak quta tuqinkir markanakatsa.

Isaías 42:24

¿Khitis Israel, Jacobun markaparux, atipjatäpan, katuntatarakïpan sixa? Pachpa Tatituw ukham luratäñap amti. Jupanakasti Tatitu nayraqatan juch lurapxi, janiw kuna thaktix Tatitux uñacht'ayki ukanjam sarañ munapkiti, janirakiw yatichäwinakaparus jaysapkiti.

Jeremías 25:1

Kunapachatix Josiasan yuqapa Joacín reyix Judá uraqi pusi mara apnaqkäna ukkhaw, Tatitux Jeremiasaru Judá markatak mä yatiyäwi churäna. Ukkharakiw Nabucodonosor reyix Babilonia uraqi mä mara apnaqañ qalltaskäna.

Jeremías 27:16

Ukatsti sacerdotenakampiru, taqi jaqinakampiruw parlarakta, jupanakarusti saraktwa: “Tatitux akham siwa: ‘Kuna yänaktix Tatitun utapat apapkatayna ukanakax jank'akiw kuttayanitäxani sasa parlxayapktam uka profetanakarux jan ist'apxamti. Uka parlatanakapax k'arikamakiwa.

Jeremías 28:3

akat pä mararusti kuna yänaktix Babiloniankir Nabucodonosor reyix templot apaskäna taqi ukanak aka chiqaruw kuttayanxarakï.

Jeremías 35:11

Ukampisa, kunapachatix Babiloniankir Nabucodonosor reyix aka markar mantantankän ukapachaw nanakax aka Jerusalén markar jakir jutxapxta, ukhamat caldeonakana, sirionakan ejercitopat jaltxañataki; ukat aka Jerusalén markan jakasipkta” sasa.

Jeremías 50:2

“Taqi markanak taypin aka arunak yatiyapxam. Yatiyäwi unañchanaksti uñstayapxam; jan kunsa imt'apxamti. Sapxarakim: ‘¡Babiloniax katuntatawa! ¡Bel diosax q'ala p'inqachjatawa, Marduc diosasti aliqakiw khathatxi! ¡Uka k'ari diosanakapasti laruskañ p'inqakïxapxiwa!’ sasa

Jeremías 51:44

“Babilonia chiqan Bel sat diosarux mutuyarakï, kuntix manq'antkatayna uksa waq'aqsuyäwa, markanakasti janirakiw jupar yupaychirix jutkxapxaniti. ¡Babilonian pirqanakapax liwirtxiwa!

Daniel (hebreo) 5:13

Ukatsti, Danielar reyin nayraqataparuw irpanipxäna, reyisti jupar jiskt'arakïnwa: —¿Jumätati Danielaxa, khitirutix Nabucodonosor rey awkixax Judá uraqit katuntat apankäna ukaxa?

Daniel (hebreo) 5:18

“Alaxpachankir Diosaw Nabucodonosor awkimarux churäna marka apnaqaña, jach'a kankaña, qamir kankaña, taqi jach'añchäwinaksa.

Habacuc 1:16

Ukatwa chawlla katurix qänanakaparu, anzuelonakaparusa, suma luqtäwinakampi, incienso q'aphinakampi waqaychi, ukanakäpan suma walja manq'anakax utjarapi.

Zacarías 5:11

Jupasti sarakituwa: “Babilonia markaruw apasipki. Uka markan mä uta utachapxani. Uka utax tukutäkani ukkhaw mä altar patxar uka tupuñ uchapxani” sasa.

Deuteronomio 32:30

¿Kunjämarak mayni sapak waranqanir jaltayisti? ¿Kunjämarak paninikisti tunka waranqanir jaltayisti? ¡Arxatir Dios sapakiw uñisirinakamar atipjaytamxa!

Jueces 2:14

ukat Tatitux Israel markataki q'apisïna, lunthatanakampiw jupanakan utjir yänakap aparayäna, ukatsti uka thiyanakan jakir uñisirinakapampiw tukjayarakïna, janiw jupanakax saykatañatak ch'amanïpkänti.

Jueces 3:8

Ukat Tatitux jupanakatak q'apisïna, ukatsti Cusán-risataim sat Mesopotamia markankir reyin amparaparuw katuyäna. Israelitanakax Cusán-risataim reyirux kimsaqallq maraw luqtapxañapäna,

Jueces 4:2

ukat Tatitux cananeo jaqinakan Jabín reyipan amparapar katuyäna, uka reyix Hasor markan apnaqaskäna. Ejercitopan jilïripasti Sísara satänwa, jupasti Haróset-goím chiqan jakäna.

1 Samuel 5:2

ukatsti Dagón sat diosan templopar apantasinxa, uka diosap jak'aruw uchapxäna.