Daniel (hebreo) 1:1 - Qullan Arunaka DC

¹ Kunapachatix Joacín reyix Judá uraqi kimsa mara apnaqaskäna, ukapachaw Babiloniankir Nabucodonosor reyix Jerusalén markar purinisin ejercitopamp muyuntäna.

Aymar Bibliia 1986

¹ Cunapachatejj Joacim sat reyejj Judá orake quimsa mara apnakcäna, ucapachaw Babilonianquiri Nabucodonosor sat reyejj Jerusalén marcaru purinisin muyuntäna take ejercitopampi.

Qullan Arunaca

¹ Cunapachatejj Joacim sat reyejj Judá orake quimsa mara apnakcäna, ucapachaw Babilonianquiri Nabucodonosor sat reyejj Jerusalén marcaru purinisin muyuntäna take ejercitopampi.

Daniel (hebreo) 1:1 Jak'a apnaqawi uñst'ayäwi

2 Reyes 23:36

Joacín chachax pä tunka phisqan maranïkän ukkhaw, marka apnaqañ qalltäna; jupasti Jerusalén markan tunka mayan maraw Judá marka apnaqäna. Taykapax Rumá chiqankiri, Zebudá sutinïnwa; Pedaías chachan phuchhapänwa.

2 Reyes 24:13

Ukatsti Nabucodonosor reyix Tatitun utapata, ukhamaraki reyi utat taqpach imat yänak apsuwayäna, ukatsti, kunjämtix Tatitux yatiykatayna ukhamarjamaw qurit lurat taqi yänak p'akiräna, kuna yänaktix Israelan Salomón reyipax Tatitun utapatak luraykatayna ukanaka.

Isaías 39:7

Yaqhipanakat pachpa wawanakamaruw Babiloniar apapxani, kapsusinsti, reyin utapan luqtirïpxañapatakiw uskupxani.’

Jeremías 25:1

Kunapachatix Josiasan yuqapa Joacín reyix Judá uraqi pusi mara apnaqkäna ukkhaw, Tatitux Jeremiasaru Judá markatak mä yatiyäwi churäna. Ukkharakiw Nabucodonosor reyix Babilonia uraqi mä mara apnaqañ qalltaskäna.

Jeremías 35:1

Josías chachan, Joacín yuqapax Judá uraqin reyïkän ukapachaw Tatitux wasitat nayar parlitu ukatsti sarakituwa:

Jeremías 35:11

Ukampisa, kunapachatix Babiloniankir Nabucodonosor reyix aka markar mantantankän ukapachaw nanakax aka Jerusalén markar jakir jutxapxta, ukhamat caldeonakana, sirionakan ejercitopat jaltxañataki; ukat aka Jerusalén markan jakasipkta” sasa.

Jeremías 36:1

Josiasan yuqapa, Joacín reyix Judá uraqi pusi mara apnaqkän ukapachaw Tatitux Jeremiasar parläna, juparusti sarakïnwa:

Jeremías 45:1

Josías chachan Joacín sat yuqapax niya pusi mara Judá uraqin reyïkän ukapacha, Jeremías profetax Nerías jaqin Baruc yuqapar qillqayaskäna ukapachaw Jeremiasax Baruc chachar säna:

Jeremías 50:1

Tatituw aka arunak Babilonia markata Jeremías profetar yatiyäna:

Jeremías 52:12

Nabucodonosor reyix Babilonia marka tunka llätunkan mara apnaqkän ukkha, phisqïr phaxsina tunka uru saraqataruw Nebuzaradán sat reyin yanapiripa, reyin uñjirinakapan jilïripäki ukax Jerusalén markar purinïna,

Jeremías 52:28

Nabucodonosor reyin ukham apanukuyat jaqinakasti akkhanïnwa: paqallqüri mara jupax marka apnaqkäna uka marasti, Judá uraqit kimsa waranqa pä tunka kimsan jaqinak apanukuyäna,

Daniel (hebreo) 5:13

Ukatsti, Danielar reyin nayraqataparuw irpanipxäna, reyisti jupar jiskt'arakïnwa: —¿Jumätati Danielaxa, khitirutix Nabucodonosor rey awkixax Judá uraqit katuntat apankäna ukaxa?