Apocalipsis 7:12 - Qullan Arunaka DC

¹² akham sasa: “¡Ukhamäpan! Tatit Diosasar churatäpan: Yupaychañasa, qhapaq kankañasa, yatiñ kankañasa, yuspagarañasa, jach'añchañasa, munañanïñ kankañasa, ch'aman kankañasa, wiñayan wiñayapataki. ¡Ukhamäpan!”

Aymar Bibliia 1986

¹² aqham sasa: “¡Uqhamäpan! Yupaychatäñasa, jach'a cancañasa, yatiñasa, yuspagarañasa, jach'añchañasa, munañanïñasa, ch'amanïñasa, Tatit Diosasancpan, wiñayan wiñayapataqui. Uqhamäpan!”

Qullan Arunaca

¹² aqham sasa: “¡Uqhamäpan! Yupaychatäñasa, jach'a cancañasa, yatiñasa, yuspagarañasa, jach'añchañasa, munañanïñasa, ch'amanïñasa, Tatit Diosasancpan, wiñayan wiñayapataqui. Uqhamäpan!”

Apocalipsis 7:12 Jak'a apnaqawi uñst'ayäwi

Nehemías 12:46

Nayrapachaxa, David, Asaf chachanakan urunakapanxa, q'uchurinakan sarayiripaw utjäna, uka urunakansti yupaychañ q'uchunaka, ukhamarak Tatitur yuspagarañ q'uchuñanak q'uchupxirïna.

Nehemías 12:8

Levitanakatsti yupaychañ q'uchunak q'uchurinakax pä tamaw utjäna, kutt'anirinakata nayrïr tamankirinakax akanakänwa: Josué, Binuy, Cadmiel, Serebías, Judá, Matanías ukanaka.

Salmos 100:4

Tatitun utap punkupar jutapxam; yupaychañ q'uchunakampi, yuspagarañampi jak'achasinipxam. ¡Tatiturux yuspagarapxam, sutip jach'añchapxarakim!

Salmos 106:48

Israelan Tatit Diosapax wiñayan wiñayapatak jach'añchatäpan. Taqpach markax sispan: “¡Ukhamäpan!” sasa. ¡Tatitux jach'añchatäpan!

Salmos 107:22

Jach'añchañ luqtäwinak jupar katuyapxam, luräwinakapatsti kusisiñamp yatiyapxam.

Salmos 116:17

Tatay, yuspagarañ luqtäwi katuyäma, sutimaruw jach'añcharakï.

Salmos 147:7

Yuspagarañamp Tatitur q'uchupxam; Diosasatakix arpampi chik q'uchupxam.

Salmos 41:13

13 (14) ¡Israelan Tatit Diosapax jach'añchatäpan, jichhasa, wiñayan wiñayapansa! ¡Ukhamäpan!

Salmos 50:14

¡Diosar luqtañamax yuspagarañ chuymäpan; Alaxpachankir Diosar arsutanakam phuqham!

Salmos 72:19

qullan sutipax wiñayatak jach'añchatäpan. ¡Qhapaq kankañapasti uraqir phuqhantpan! ¡Ukhamäpan!

Salmos 89:52

52 (53) Tatitux wiñayatak jach'añchatäpan: ¡Ukhamäpan!

Salmos 95:2

Yuspagarañ chuymamp nayraqatapar mantapxañäni, jupar jach'achañatak q'uchupxañäni.

Isaías 51:3

Jerusalén markasti q'ala tukjatawa, ukat juparux chuymachä. Wasar uraqinakapsti panqaran phuqhantat uraq tukuyä, nayan uskt'ata Edén chiqjama panqaran phuqhantat markäniwa. Ukan k'uchikïñas utjani, kusisiñ q'uchunak q'uchupxani Tatituruw yuspagarapxani —sasa.

Jeremías 33:11

suma kusiskañ phunchhäwi q'uchunakax ist'asini, munasirinakan q'uchunakapaw ist'asini, ukatsti sapxarakiniwa: ‘Taqi ch'amani Tatitur yuspagarapxam, Tatitusti sumawa, munasiñapas wiñayatakiwa’ sasa. Tatitun utaparusti yuspagarañ luqtanak apanipxani. Jïsa, nayaw aka markan sarnaqäwip askir tukuyä, kunjämäpkäntix qalltanxa ukhamäpxañapataki. Naya, Tatituw uk arsta.”

Jeremías 33:9

Jerusalén markasti nayatakix kusiskañäniwa, yaqha markanakatakis suman uñjata, jach'achat markäniwa. Kunapachatix Jerusalén markar askinak nayan churatax ist'apkani ukkhasti, uka markanakax axsarañat khathatipxani.”

Jonás 2:9

9 (10) ukampis nayax, yuspagarañ arumpiw wilañchanak luqtäma; arsutanakaxsti phuqharakïmawa. ¡Jumakiw qhispiyañatak ch'amanïtaxa!” sasa.

Mateo 6:13

Janirak yant'äwir puriyapxistati, jan ukasti ñanqhat qhispiyapxita’; [jumankiw jaqinakar apnaqañaxa, ch'amanïñasa, jach'achatäñasa wiñayan wiñayapataki. Ukhamäpan.]

Romanos 11:36

Taqi kunas Diosat juti, jupïpan utji, jupatakirakiwa. ¡Diosax wiñayatak jach'achatäpan! Ukhamäpan.

1 Corintios 14:16

Jumatix ajayumampik Diosar yupaychstaxa, ukat mä aliq jaqitix ist'ätamxa, janiw juman yuspagaratamampix chikachaskaniti, janirakiw juman parlatamsa amuyt'kaniti.

2 Corintios 4:15

Taqi ukanakasti jumanakan askimatakiw lurasiwayi, ukhamata, Diosan munasiñap katuqirinak utjatapatxa, waljaniraki Diosar yuspagarapxañapataki, Diosan qhapaq kankañapataki.

Colosenses 2:7

jupxan saphintata, iyawsäwi layku jupxan suma utt'ata, kunjämatix yatichatäpkäyät ukhamaru, ukatsti Diosar yuspagarasaraki.

Colosenses 3:17

Kuntix lurapkäta, arsupkäta ukkhasti, Tatit Jesusan sutipar lurapxam, Jesucristo tuqi Dios Awkir yuspagarasa.

Apocalipsis 1:18

jakaskaraktwa. Nayax jiwatäyätwa, jichhasti wiñayatakiw jakaskta. Nayaw jiwampina, manqha pachampin jist'arañanakap katuskta.

Apocalipsis 19:4

Uka pä tunka pusin jilïrinakaxa, ukhamaraki uka pusi jakaskirinakasa, uraqir alt'asin, qhapaq qunuñan qunt'at Diosar yupaychapxäna, akham sasa: “¡Ukhamäpan! ¡Aleluya!” sasa.