Apocalipsis 3:8 - Qullan Arunaka DC

⁸ Nayax taqi luratanakam yatta; uñtam, nayraqataman nayaw punku jist'ararapsma, uksti janiw khitis jist'antkaspati, jumax pisi ch'amäksta ukasa, arunakax ist'istawa, janirakiw kunapachas jan uñt'ir tukkistati.

Aymar Bibliia 1986

⁸ Nayajj yattwa take luratanacamjja. Juma nayrakatarusti mä jist'arat puncwa uchta, ucsti janiw qhitis jist'antcaspati; pisi ch'amäcsta ucasa, arunacajj ist'istawa, janiraquiw cunapachas jan uñt'ir tucquistati.

Qullan Arunaca

⁸ ‘Nayajj yattwa take luratanacamjja. Juma nayrakatarusti mä jist'arat puncwa uchta, ucsti janiw qhitis jist'antcaspati; pisi ch'amäcsta ucasa, arunacajj ist'istawa, janiraquiw cunapachas jan uñt'ir tucquistati.

Apocalipsis 3:8 Jak'a apnaqawi uñst'ayäwi

Proverbios 30:9

Nayax qamirïxirista ukaxa, inas jumat armasxirisma: “¿Khitirak Diosasti?” sasa; jan kunanïrista ukasti, inas lunthatasxirista, ukhamat qullan sutim nayax p'inqachayirista.

Daniel (hebreo) 11:34

Kunapachatix arknaqat uñjasiñ urunakax purinkani ukapachasti, mä juk'a yanap katuqapxani, waljanirakiw jan uñisiyasiñ laykux jupanakar jaqkattapxani.

Lucas 12:9

ukampis khititix jaqinak nayraqatan nayar jan uñt'ir tukki ukanakarux, Diosan angelanakap nayraqatan jan uñt'iriw tukurakï.

Juan 15:20

Kuntix sapkäyäsma uk amtasipxam: ‘Janiw khiti uywatas uywiripat sipan juk'ampïkiti’ sasa. Nayarux uñisipxituwa, jumanakarusti uñisipxarakïtamwa; yatichäwinakaxtix imapxchixa, jumanakan yatichäwinakam imapxarakiniwa.

Juan 17:6

“Nayar arkirinak churkista ukanakarux khitïktatix jumax uk yatiyta. Jupanakax jumankirïnwa, jumarakiw nayar churista, juman arunakamsti phuqhapxarakiwa.

Hechos 14:27

Antioquía markar purisinsti, jupanakax iglesiankir jilatanakaruw jawsthapipxäna. Ukat jupanakarux taqi kunanaktix Diosax jupanak tuqi lurkatayna ukanak yatiyapxäna. Kamisatix Tatitux jan judiöpkis uka jaqinakan iyawsapxañapatak yanapt'katayna ukanaksa.

1 Corintios 16:9

ukansti Tatitutak lurañax waliw utjarakitu, waljanis nayar uñisir utjkchi ukasa.

2 Corintios 2:12

Kunapachatix Tróade markar Criston suma yatiyäwi arunakap yatiyir purkäyät ukkhaxa, Tatitutak irnaqañax uka markan walipuniw utjäna.

Filipenses 4:13

Criston ch'amapampix taqi kunaruw saykatirista.

Colosenses 4:3

Nanakatakis Diosat mayipxarakim, Tatitun punkunak jist'arañapataki, ukat arunakap parlañataki, Criston imantat amtäwip qhanañchañataki, uka laykuw jichhas nayax katuntatäskta.

1 Timoteo 5:8

Maynitix jupankirinakar jan sum uñjkchi, janirak utapankirinakatsa llakiskchixa, iyawsäwip apanuku, ukham lurasasti, jan iyawsirinakat sipan juk'ampiruw tuku.

2 Timoteo 4:7

Taqi kunan Diosar jaysañ laykux walpun ch'amachasiwayta, jichhasti jikxatawaytwa; jalañaxan tukuyäwiparuw purta, janipuniw iyawsañax chhaqhayasiwaykti.

Judas 1:4

Yaqhip jaqinakax sallqjañanakampiw jumanak taypir mantanipxi, jupanakarusti Qillqatanakax juchañchañatak nayratpach uñacht'ayäna. Uka ñanqha lurir jaqinakasti Tatitun khuyapayasiñap maysaruw uñtayapxi jan wali luräwinakapan jakañataki, ukatsti jiwasan mä sapa Tatit Jesucristo Uywirisarux jan uñt'iriw tukupxi.

Apocalipsis 2:13

Nayax taqi luratanakam yatta, kawkhantix supayax reyi qunuñanïki uka markan jakatamsa yatiraktwa, ukampis taqi chuymampiw sutix katxäsisktaxa, nayar iyawsatam janipuniw jaytanukktati. Uka markan Antipas sat aski arsurixar jiwayapxi, ukham jiwayapkipansa, janiw ukapachas nayar iyawsañam apanukktati.

Apocalipsis 2:2

Nayax taqi luratanakam yatta; ch'ama tukutamsa, llamp'u chuymanïtamsa yattwa. Ñanqha lurir jaqinakar jan uñkatañ munatamsa yatiraktwa. Jan apostolükasin ‘Tatitun apostolupäpxtwa’ siri jaqinakar yant'atam yatiraktwa, ukham yant'asin uka jaqinakan k'arisipxatanakap katjaraktawa.

Apocalipsis 22:7

“¡Jank'akiw jutä! ¡Khititix aka qillqatankir profecía arunak chuymapar katuqkani ukax, kusisiñaniwa!”

Apocalipsis 3:1

“Sardes iglesiankir angelar qillqasin apayam: ‘Diosan paqallqu ajayupanïki, paqallqu warawaranïki ukax akham siwa: Taqi luratanakam nayax yatta; nayar taqi kunan iyawskitasma ukham uñt'ayasitam yatiraktwa. Ukampis chiqpachan janiw jayskistati.

Apocalipsis 3:10

Llamp'u chuymanïma sataxa ist'istawa, nayasti yant'a urun jumar imarakïma, uka yant'asti taqpach akapachan utjir jaqinakar yant'añatakiw jutaski.

Apocalipsis 3:15

Taqi luratanakam nayax yattwa. Jan thayätamsa, janirak junt'ütamsa yatiraktwa. ¡Mäpit thayäsmasa jan ukax, junt'üsmasa!

Apocalipsis 3:7

“Filadelfia iglesiankir angelarux qillqasin apayarakim: ‘Khititix qullanäki chiqapäkaraki, David reyin jist'arañapsa katxäski, jist'aratapar jan khitis jist'antirïki, jist'antatapar jan khitis jist'arirïki ukax akham siwa: