Apocalipsis 3:7 - Qullan Arunaka DC

⁷ “Filadelfia iglesiankir angelarux qillqasin apayarakim: ‘Khititix qullanäki chiqapäkaraki, David reyin jist'arañapsa katxäski, jist'aratapar jan khitis jist'antirïki, jist'antatapar jan khitis jist'arirïki ukax akham siwa:

Aymar Bibliia 1986

⁷ Filadelfia iglesian angelaparojj kellkasin apayaraquim: “Aqham siw qhititejj kollanäqui chekapäcaraqui, uqhamarac rey Davidan llavepsa catjjäsqui ucajja; cunapachatejj jist'arqui ucqhajj janiw qhitis jist'antcaspati, ni jist'antqui ucqhas jist'arcaraquispati:

Qullan Arunaca

⁷ “Filadelfia iglesian angelaparojj kellkasin apayaraquim: ‘Aqham siw qhititejj kollanäqui chekapäcaraqui, uqhamarac rey Davidan llavepsa catjjäsqui ucajja; cunapachatejj jist'arqui ucqhajj janiw qhitis jist'antcaspati, ni jist'antqui ucqhas jist'arcaraquispati:

Apocalipsis 3:7 Jak'a apnaqawi uñst'ayäwi

Job 11:10

Diosatix jutasin katuntiristam, ukatsti taripäwir jawsiristam, ¿khitirak jupar jark'aspasti?

Job 12:14

Kuntix Diosax t'unjki ukxa, janiw khitis wasitat sayt'aykaspati; khitirutix Diosax katuntki ukarux, janiw khitis antutaykaspati.

Salmos 145:17

Tatitux taqi sarnaqäwipan chiqap uñjiriwa, taqi luräwinakapan munasiñaniwa.

Salmos 16:10

Janiw jumax jiwar katxaruykitätati, ¡janirakiw arkiriman janchipa ñusantañapsa munkätati!

Salmos 89:18

18 (19) ¡Jiwasanakan arxatirisax Tatituwa! ¡Reyisasti Israel markan Qullanapawa!

Isaías 22:22

Tatituw Davidan jilïr kankañap jupar churxani. Kuntix Eliaquim chachax siskani uka arsutapaw phuqhasini, janipuniw khitis arsutaparux “janiw walïkiti” siskaniti.

Isaías 30:11

Tatiturux jan ist'apxamti, chiqa thakhitsti maysar saranukupxam, janirak Israelan Qullan Diosapatsa parlapxamti” sasa.

Isaías 41:14

Tatitusti sarakiwa: “Israel, Jacobun markapa, jisk'äskamsa, pisi ch'amäskamsa, jan axsaramti, nayaw yanapaskäma. Naya, Israelan Qullan Diosapa, nayaw qhispiyirimätxa.

Isaías 41:16

Ukatsti thayan apasxañapatakiw khuyt'äta, tutuka thayaw apasxani. Ukapachaw jumax Tatitunkasax kusisïta, Israelan Qullan Diosapatsti kusisirakïtawa.

Isaías 41:20

Ukhamat taqinis uñjapxani, yatipxarakini, taqi ch'amaxampi taqi ukanak lurataxata. Ukapachaw yatipxarakini nayax Israelan Qullan Diosapätaxa.”

Isaías 47:4

Jiwasan qhispiyirisa, Israelan Qullan Diosapa, taqi ch'amani Tatitux siwa:

Isaías 48:17

Qhispiyir Tatituma, Israelan Qullan Diosapaxa, akham siwa: “Nayätwa Tatitu Diosamaxa; nayasti kunatix jumatak askïki uk yatichsma, kawki thakhinjamtix sarañamäki ukanjam irparaksma.

Isaías 49:7

Israel marka, jumax taqi markanakan jisk'achjata, uñisitaw jikxatastaxa, jichhas uka qhuru jaqinakan t'aqhisiyatakïsktawa. Ukhamax nayan arunakax ist'am: “Juman Diosamax naya sapakïtwa; kunapachatix reyinakasa, jilïrinakas uñjapkätam ukapachaxa, juma nayraqatan alt'asipxani. Naya, Israelan Qullan Diosapaw jumarux ajllissma, arsutanakaxsti phuqharaktwa” sasa.

Isaías 54:5

Jumar jakañ churir Tatituw jichhax warmipat uñt'asxätam; sutipasti taqi ch'amani Tatitu satawa. Qhispiyirimax Israelan Qullan Diosapawa, jupasti taqi aka uraqpachan Diosaparakiwa.

Isaías 55:5

Jan uñt'at markanakaruw jumax jawsäta; kawkïri markanakatix jan uñt'apkäyätam ukanakaw juman ukarux jalanipxani, naya, juman Tatituma, Israelan Qullana Diosapaw jumarux jach'añchsma.

Isaías 6:3

Maynit maynikamaw jach'at arsupxäna: “Qullana, Qullana, Qullanawa taqi ch'amani Tatituxa; taqi aka uraqisti jupan jach'a kankañapampi phuqhantatawa” sasa.

Mateo 16:19

Jumarusti Diosan qhapaq markapan munañanïñ churäma; kuna lurañanaktix jumax akapachan jark'käta ukasti, alaxpachan jark'atarakïniwa, ukampis kuna lurañanaktix jumax akapachan luraykäta ukasti, alaxpachan luratarakïniwa —sasa.

Mateo 24:35

Alaxpachampi akapachampix tukusiniwa, arunakaxasti janiw tukuskaniti.

Marcos 1:24

—¡Nazaretankir Jesús! ¿Kuna lurañamas nanakamp utji? ¿Nanakar t'unjirit jutta? Nayax uñt'smawa, jumax Diosan Yuqapätawa —sasa.

Lucas 1:32

Jupax wali aytat jaqïniwa, “Alaxpach Diosan Wawapa” satarakïniwa, ukatsti Dios Tatituw juparux nayra Davidarjam reyit utt'ayani,

Lucas 4:34

—Nazaretankir Jesús, ¿kuna lurañamas nanakamp utji? ¿Nanakar tukjirit jutta? Nayax uñt'smawa, jumax Diosan Yuqapätawa —sasa.

Juan 14:6

Jesusasti sarakïnwa: —Nayätwa thakhixa, chiqasa, jakañasa. Naya tuqikiw Awkin ukar puriñax utji.

Hechos 3:14

Jumanakax aski q'uma jaqin antutatäñap maykamayaxa, jaqi jiwayirïki uka jaqin antutatäñap mayipxtaxa.

1 Juan 5:20

Diosan Yuqapan jutatapsa yatiraktanwa, ukatsti chiqpach Diosar uñt'añatakix amuyt'ap churistu. Uka chiqpach Jesucristo Yuqapampix mayakiw jakapxtan, jupaw chiqpach Diosaxa, wiñay jakañasa.

Apocalipsis 1:11

uka arusti situwa: “Uñjktas ukanak qillqam, ukatsti Asia suyunkir paqallqu iglesianakar apayam: Éfeso, Esmirna, Pérgamo, Tiatira, Sardes, Filadelfia, Laodicea, uka iglesianakaru” sasa.

Apocalipsis 1:18

jakaskaraktwa. Nayax jiwatäyätwa, jichhasti wiñayatakiw jakaskta. Nayaw jiwampina, manqha pachampin jist'arañanakap katuskta.

Apocalipsis 1:5

Diosan chiqa qhanañchiripa Jesucristotsa katuqasipxarakim. Uka Jesucristow jiwatanak taypit nayrïr jaktirixa, taqi akapach reyinakar apnaqañatakis jupax munañanirakiwa. Jesucristox jiwasar munasistuwa, juchanakasatsa wilap wartasaw jariqistu,

Apocalipsis 15:3

Ukatsti Diosan luqtiripa Moisesan q'uchupampi, ukhamarak Corderon q'uchupampi q'uchupxäna, akham sasa: “Taqi ch'aman Tatit Diosay, luratanakamax jach'awa, muspharkayarakiwa. Markanakan Reyipa, sarnaqäwinakamax chiqapawa, askirakiwa.

Apocalipsis 16:7

Ukatsti maynirakiw altarat art'asinïna akham sasa: “Jïsa, taqi ch'aman Dios Tatay, juman taripatamax chiqapapuniwa, askirakiwa” sasa.

Apocalipsis 19:11

Ukatsti alaxpach jist'arat uñjta, mä janq'u caballorakiw uñstanïna. Uka caballor lat'xatat jaqisti, Chiqa, Aski, sutinïnwa. Jupasti chiqa kankañampiw apnaqäna, chiqapat nuwasirakïna.

Apocalipsis 19:2

jupax chiqapar uñjasaw markanakar taripi; jach'a q'añusirirusti juchañchiwa, uka q'añusitapampiw taqi jaqinakar jan walir apaskäna; Diosan luqtirinakapar jiwarayatapat juchañcharaki” sasa.

Apocalipsis 2:1

“Éfeso iglesiankir angelar qillqasin apayam: ‘Kupi amparapar paqallqu warawar apt'atäki, paqallqu quri candeleronak taypin sarnaqki ukax akham siwa:

Apocalipsis 21:5

Ukatsti qhapaq qunuñan qunt'atäkän ukax sänwa: “Nayax taqi kun machaqat lurta” sasa. Sarakïnwa: “Qillqam, aka arunakax chiqapawa, iyawskañarakiwa” sasa.

Apocalipsis 3:14

“Laodicea iglesiankir angelar qillqasin apayam: ‘Khititix chiqapäki, kunsa chiqapapun arski, khititix Diosan luratanakapat nayrïrïki ukax akham siwa:

Apocalipsis 4:8

Uka pusi jakaskirinakat sapa maynix suxta chhiqhankamänwa, patatsa manqhatsa nayranakampi phuqsutänwa. Arumay ururakiw jan samaras sapxäna: “¡Qullana, qullana, taqi ch'aman Tatit Diosax qullanawa Jupax utjaskapunïnwa, utjaskakiwa, jichhas utjaskakiniwa!” sasa.

Apocalipsis 5:9

Jupanakasti taqpachaniw aka machaq q'uchu q'uchupxäna: “Jumakiw uka qillqat katuñatak askïtaxa, sellonakap ch'iyaqañatakis askirakïtaxa, jiwayat uñjasitam layku; wilam wartasaw Diosatak alawayta, taqi jaqinaka, kunayman parlan jaqinaka, jisk'a markanaka, jach'a markanaka.

Apocalipsis 6:10

Ukanakasti jach'at art'asisaw sapxäna: “Taqi ch'aman Dios Tata, jumax qullanätawa, arsutamax chiqawa. ¿Kunapachkamarak jan juchañchkäta, uraqin jakapki uka nanakar jiwarayirinakarusti?” sasa.