Apocalipsis 3:19 - Qullan Arunaka DC

¹⁹ Khitinakarutix nayax munaskta ukanakarux tuqinuqtwa, chiqacharaktwa, amuyt'asimaya Tatitur kutikipstam.

Aymar Bibliia 1986

¹⁹ Qhitinacarutejj nayajj muncta, ucanacarojj tokenoktwa, chekacharactwa. Ucatpï jumajj take chuymäñamajja, arrepientisiñamaraquejja.

Qullan Arunaca

¹⁹ Qhitinacarutejj nayajj muncta, ucanacarojj tokenoktwa, chekacharactwa. Ucatpï jumajj take chuymäñamajja, arrepientisiñamaraquejja.

Apocalipsis 3:19 Jak'a apnaqawi uñst'ayäwi

2 Samuel 7:14

Nayaw jupan awkipäyä, jupasti nayan wawaxäniwa. Jupatix kuna jan walsa lurkani ukapachasti, juparux jawq'antäwa, kamisatix awkix wawapar jawq'antki ukhama,

Job 5:17

Khitirutix Diosax chiqachki uka jaqix kusisiñaniwa. Taqi ch'aman Tatitun chiqachäwiparux jan jisk'achamti.

Salmos 39:11

11 (12) Jumaw jaqirux juchapat mutuyas chiqachtaxa, thuthar uñtataw yänakap tukjtaxa. ¡Jaqix mä samsuñampi sasikiwa!

Salmos 6:1

1 (2) Tatay, janikiy q'apisiñamampix tuqintistati; janirak phiñasiñamampis mutuyistati.

Salmos 69:9

9 (10) Utamar munañax ninjamaw nakhitu; jumar tuqirinakan arunakapax, nayxarkamaw wakt'itu.

Salmos 94:10

Markanakar chiqachiristi, ¿janit mutuykanisti? Jaqir yatichiristi, ¿janit yatkanisti?

Proverbios 15:10

Suma thakhinjam sarnaqañ apanukuri jaqirux qhuru kankañampi chiqachatawa; chiqachäwir jisk'achir jaqisti, jiwaniwa.

Proverbios 15:32

Chiqachäwir jan ist'iri jaqix, jupa pachpaw jisk'achasiski; chiqachäwir ist'ir jaqisti, amuyt'asiñ kankañ jikxati.

Proverbios 22:15

Pisi amuyt'amp lurañax waynanakan amuyupawa; ukampis ukax jawq'ampi chiqachatawa.

Isaías 26:16

Tatay, kunapachatix mutuyapkista ukkhaxa, usuchapkchista ukkhasa, jumarukiw makhatanipxsma.

Jeremías 10:24

Chiqa kankañamarjam askicht'apxita, jan phiñasisak iwxt'apxita, ukhamäspa ukkhasti, t'unjapxitasmawa.

Jeremías 2:30

Inamayaw wawanakamarux mutuytxa, jan wali luratanakapatxa janiw kuttaniñ munapkiti, jumanakasti qhuru leonanakar uñtataw profetanakamarux jiwarayapxtaxa.

Jeremías 30:11

Naya, Tatituw uk arsta, nayaw jumampïskta jumar qhispiyañataki. Kawkïr markanakarutix ananukkäyäsma uka markanaksti t'unjarakïwa. Ukampis jumarux janiw t'unjkämati; jan ukasti juchamatjamak mutuyäma, juchamatsti mutuyapunirakïmawa.”

Jeremías 31:18

Markaxan jachatap ist'twa, jupanakasti akham sasaw jachapxi: ‘Nayax mä uri vaca qallur uñtatäyätwa, ukampis jumax axa tukuyista; juman ukaruy kuttayanxita, jumätaw Tatitu Diosaxaxa.

Jeremías 7:28

Sarakim: ‘Aka markax janiw Tatitu Diosaparux jaysañ munkiti, janirakiw chiqachayasiñsa munkiti. Chiqa chuymampi sarnaqañasti janiw utjkxiti’ ” sasa.

Sofonías 3:2

Tatitun aruparux janiw ist'känti, chiqachäwi arunaksa janiw ist'añ munkänti, Diosaparus janiw katuyaskänti, juparus jak'achasiñ janiw munkarakïnti.

Mateo 25:7

Tawaqunakasti sarthapisin taqpachaniw lamparanakap wakicht'asipxäna.

Juan 2:17

Yatiqirinakapasti Qillqatan siski uk amtapxäna: “Utamar munañaw ninjam nakhantitu” sasa.

Romanos 12:11

Luräwinakansti jan jayrasipxamti, Diosatakix taqi chuyma lurapxam.

1 Corintios 11:32

kunapachatix Tatitux juchañchkistu ukkhaxa, yatiqañasatakiw mutuyistu, jan jiwasax akapachankir jaqinakampi chika juchañchatäñasataki.

2 Corintios 6:9

Jan uñt'at jaqinakarjamaw uñjapxitu, wali uñt'atäpkta ukasa. Nanakax niy jiwirpachjamäpxtwa, ukampis jakasipkaktwa; jawq'japxituwa, ukampis janiw jiwayapkituti.

2 Corintios 7:11

Jumanakan llakisitamax Diosan munañaparjamänwa, ¡kunanaktix utjayki uk uñjapxam! Jumanakarux wal amuytatayapxtam, ukatsti nayar arxatañ chuym churapxtam; q'apisiyapxtamwa, axsarañ chuyma utjayapxaraktam. Ukatsti nayar uñjañ munapxarakïyätaxa, nayat arxatasisasti juchanirux mutuyapxtawa. Taqi ukanakampisti jumanakan jan kuna juchanïpxatam uñacht'ayi.

Gálatas 4:18

Mayninakat llakiñax walikiwa, ukampis uk suma amtäwimpi lurapxam; janiy jumanak taypin nayax jikxataskta ukapachakïkpati, jan ukasti, ukhampun lurapxam.

Deuteronomio 8:5

Amuyasipxamaya, kamisatix mä awkix wawapar iwxki, uka kipkarak Tatit Diosamax jumanakar iwxapxäyätam.

Tito 2:14

Jupaw jiwas layku jiwawayi jan walinakat jiwasar qhispiyañataki, q'umachañataki, ukhamat jiwasanakan jupan markapäñasataki, askinak lurañasatakiraki.

Santiago 1:12

Yant'ar ch'amampi atipjir jaqix kusisiñaniwa, yant'ar atipjirix jakañ pillu waxt'äwjam katuqani, Diosax jupar munirinakar churañatakiw arsuwayi.

Apocalipsis 2:5

Amuythapisim, nayra pachan kunjämäyätas ukat amtasim, ukatsti Tatitur kutikipstam. Jan wali luräwinak apanukum, kunjämtix qalltan sarnaqkäyätas ukham sarnaqam. Janitix ukham lurkätaxa, nayax jumar mutuyiriw jutä, ukatsti candeleromxa uchañapat apaqarakï.