Apocalipsis 3:12 - Qullan Arunaka DC

¹² Jan walt'äwinakar atipjirinakaru, nayar iyawsañ chuyma katxäsirinakarux, Diosaxan utapan katxäsir pirqanakapäkaspas ukham tukuyä, janipuniw mayampsa ukat mistkxapxaniti; ukanakaruw Diosaxan sutipsa qillqä, Diosaxan markapan sutipsa qillqarakï, ukasti alaxpachat saraqanir machaq Jerusalenawa; ukanakarusti machaq sutixsa qillqarakïwa.

Aymar Bibliia 1986

¹² Qhitinacatejj atipjapcani ucanacarojj nayajj Dios Awquejjan templopan catjjäsir perkanacapäcaspas uqhamwa tucuyä. Ucatsti janiraquiw mayampsa ucatjja mistcjjapjjaniti. Ucanacaruraquiw Diosajjan sutipsa kellkäjja, uqhamarac Diosajjan marcapan sutipsa, ucasti alajjpachat sarakaniri machak Jerusalenawa. Ucanacarusti machak sutejjsa kellkaraquïwa.

Qullan Arunaca

¹² Qhitinacatejj atipjapcani ucanacarojj nayajj Dios Awquejjan templopan catjjäsir perkanacapäcaspas uqhamwa tucuyä. Ucatsti janiraquiw mayampsa ucatjja mistcjjapjjaniti. Ucanacaruraquiw Diosajjan sutipsa kellkäjja, uqhamarac Diosajjan marcapan sutipsa, ucasti alajjpachat sarakaniri machak Jerusalenawa. Ucanacarusti machak sutejjsa kellkaraquïwa.

Apocalipsis 3:12 Jak'a apnaqawi uñst'ayäwi

1 Reyes 7:21

Hiram chachax uka pä sayirinakxa, Tatitun utapar mantañäkis ukaruw uchäna. Uchxasinsti, kupi tuqinkir sayirirux Jaquín sasaw sutichäna, ch'iqa tuqinkir sayirirusti Bóaz sasaw suticharakïna.

Salmos 46:4

4 (5) Mä jawiraw Diosan markaparux kusisiyi, Alaxpachankirin qullan markaparu.

Salmos 48:8

8 (9) Kuntix ist'apkäyät uk uñjapxta, taqi ch'aman Tatitun markapana, Diosasan markapana: ¡Jupaw wiñayatak Jerusalén markar utt'ayi!

Salmos 87:3

Diosan markapa, aski aytkañanakaw jumxat yatiyasi:

Isaías 62:2

Markanakax qhispiyasiñam uñjapxani, reyinakasti k'ajkir kankañam uñjapxani. Ukapachaw jumatakix mä machaq sutix utjani, pachpa Tatituw uka suti churätam.

Isaías 65:15

Nayan ajllitanakaxarusti suma suti churä; ukampis jumanakan sutinakamasti mayninakar ñanqhachañatak aytatäniwa.

Jeremías 1:18

Nayaw jichhax jumarux sayt'aysma, mä suma uyuchrantat markäkasmas ukhama, hierrot lurat sayir pirqäkasmas ukhama, broncet lurat pirqäkasmas ukhama, ukhamat Judá uraqin reyinakaru, jilïrinakaru, sacerdotenakaru, taqi jaqinakar saykatañamataki.

Ezequiel 40:49

Ukankir utasti iramarux tunka metronïnwa, manqharusti suxta metronirakïnwa, ukar makhatañatakisti tunka patillpatillanakaw utjäna. Sapa pilarampi chikasti mä jach'a thuru pilaraw utjarakïna.

Ezequiel 48:35

Marka muyta pirqasti taqpachax sayt'urux llätunka waranqa metronïniwa, akat uksarusti uka markan sutipax: ‘Tatitun Utapa’ satäniwa.”

Marcos 12:16

Jupanakasti qullqi churapxäna, Jesusasti uñxatasin jupanakaruw jiskt'äna: —Aka qullqin utjki uka ajanusa, sutipas ¿khitinkisa? —sasa. Jupanakasti: —Cesarankiwa —sapxänwa.

Gálatas 2:9

Santiagompi, Pedrompi, Juanampix iglesian aytat jilïrinakat uñt'atanakasti, Diosan nayar uka luräwi churatap uñt'apxi. Ukatsti mayachasiñ amtäwimpiw nayampiru, Bernabeampirux amparanakax q'aphirapxitu, jupanakasti jan judiöpkis uka taypir nanakan irnaqir sarapxañaxatakix “walikiw” sapxänwa, ukchañkamasti jupanakax judionak taypin irnaqapxañaparakïnwa.

Efesios 3:15

kunatix alaxpachansa, akapachansa utjki ukanak lurir Dios nayraqatana.

Hebreos 12:22

Ukatsipan jumanakax Sión qulluru, jakkir Diosan alaxpach Jerusalén markaparu, Diosar yupachañatak tantachat waranqa waranq angelanakaruw jak'achasipxtaxa,

Hebreos 13:14

Janiw akapachan wiñayatak utjir markax utjkistuti, jan ukasti jutir marka thaqhasktan.

1 Juan 4:4

Wawanaka, jumanakax Diosankirïpxtawa, uka k'ari profetanakarus atipjapxtawa; khititix jumanakampïki ukax akapachankki ukat sipan juk'ampi ch'amaniwa.

Apocalipsis 14:1

Ukatsti Corderoruw uñjta, Sión qullu patan sayaskiri. Jupamp chikasti patak pusi tunka pusin waranqa jaqinakaw ukankaskäna, jupanakasti paranakaparux Corderon sutipampi, Awkipan sutipampi qillqt'atäpxänwa.

Apocalipsis 17:14

Ukatsti, uka jach'a axsarkañ animalampi, uka tunka reyinakampix Corderompiw nuwasipxani, ukampis Corderompi jupar arkirinakampix ukanakar atipjaniwa, Corderox munañaninakansa Munañanipa, reyinakansa Reyipätap layku. Jupar arkirinakax jupampïniwa. Diosan jawsata ajllitanakapawa, suma arkirinakäpxatap layku” sasa.

Apocalipsis 2:11

¡Khititix jinchunïki ukax, ist'pan kuntix Tatitun Ajayupax iglesianakar siski uka! Jan walt'añanakar atipjiristi, janiw payïri jiwäkis ukan, kuna t'aqhisiñsa katuqkaniti’ sasa.

Apocalipsis 2:17

¡Khititix jinchunïki ukax, ist'pan kuntix Tatitun Ajayupax iglesianakar siski uka! Jan walt'añanakar atipjirinakarusti, maná sat imantat t'ant'at manq'ayä; ukatsti mä janq'u qala churarakï, uka qalansti mä machaq sutiw qillqt'ata, uka sutsti janiw khitis yatkiti, uka qala katuqirikiw yati.’ sasa.

Apocalipsis 2:7

¡Khititix jinchunïki ukax, ist'pan kuntix Tatitun Ajayupax iglesianakar siski uka! Jan walt'añanakar atipjirirusti, Diosan suma markapan utjki uka jakañ churir quqan achupat manq'ayä’ sasa.

Apocalipsis 21:2

Ukatsti qullan marka uñjta, machaq Jerusalén. Uka markasti Diosan nayraqatapat saraqasinkäna, jaqichasiñatak suma isthapt'at mä tawaqur uñtata, jaqichasir waynar katuqañatakjama.

Apocalipsis 22:4

Taqiniw ajanuy ajanu Diosar uñkatapxani, paranakaparusti Diosan sutip qillqantat apapxani.

Apocalipsis 3:5

Jan walt'äwinak atipjirinakaru, nayar iyawsañ katxäsirinakarux, janq'u isimpiw isthapiyä, janirakiw wiñay jakañ qillqatat sutinakap apanukkäti, jan ukasti, Awkixan nayraqatapana, angelanakap nayraqatan jupanakarux uñt'asxä.