Apocalipsis 22:9 - Qullan Arunaka DC

⁹ Ukampis jupax situwa: “Jan uk luramti. Diosaruy yupaycham, taqpach jiwasanakax jupan luqtiripätanwa, nayasa, jumasa, profetanakasa, Diosan arunakapar jaysirinakasa” sasa.

Aymar Bibliia 1986

⁹ Ucampis jupajj situwa: “Jan ucjj luramti. Nayajj jumjam Diosar sirviriquiraquïtwa, cunjämatï jumas mayni jilatanacamas, Diosan arunacap parlirinacas, uqhamarac aca libron kellkatäquis uc phokherinacjam sirviriquiraquïtwa. Ucampis Diosar yupaycham” sasa.

Qullan Arunaca

⁹ Ucampis jupajj situwa: “Jan ucjj luramti. Nayajj jumjam Diosar sirviriquiraquïtwa, cunjämatï jumas mayni jilatanacamas, Diosan arunacap parlirinacas, uqhamarac aca libron kellkatäquis uc phokherinacjam sirviriquiraquïtwa. Ucampis Diosar yupaycham” sasa.

Apocalipsis 22:9 Jak'a apnaqawi uñst'ayäwi

2 Reyes 17:36

Naya, Tatit Diosamarukiw yupaychapxitäta, nayaw jumanakarux Egipto markat jach'a ch'amax uñacht'ayas irpsunipxsma. Naya saparukiw yupaychapxañama, wilañchanaksa luqtapxañama.

Salmos 45:11

11 (12) reyix suma uñnaqt'anïñam muni; jupaw uywirimaxa, juparux jaysañamawa.

Éxodo 34:14

“Janipuniw yaqha diosanakarux yupaychapxätati, Tatitux janiw yaqhampïpxañam munkiti. Sutipasti jan yaqhampïñap muniri satawa.

Mateo 4:9

akham sasa: —Jumatix killt'asisin nayar yupaychitäta ukax taqi aka markanak churäma —sasa.

Lucas 4:7

Jumatix nayar killt'asisin yupaychitätaxa, taqpachaw jumankxani —sasa.

Deuteronomio 4:19

Ukatsti alaxpach uñtasina, intiru, phaxsiru, warawaranakaru, taqpach warawaranakar uñtapkät ukapachaxa, jan ukanakar yupaychapxamti, ukanaksti Tatit Dios awkisaw taqi akapach uraqinkir markanakatak luri.

1 Juan 5:20

Diosan Yuqapan jutatapsa yatiraktanwa, ukatsti chiqpach Diosar uñt'añatakix amuyt'ap churistu. Uka chiqpach Jesucristo Yuqapampix mayakiw jakapxtan, jupaw chiqpach Diosaxa, wiñay jakañasa.

Apocalipsis 1:1

Diosaw Jesucristor uñacht'ayäna, kunatix jank'ak luraskani ukanakxata, ukhamat jupax luqtirinakaparu yatiyañapataki. Ukat Jesucristox aka uñacht'äwxa Juan luqtiripar mä angelap tuqi yatiyäna.

Apocalipsis 1:11

uka arusti situwa: “Uñjktas ukanak qillqam, ukatsti Asia suyunkir paqallqu iglesianakar apayam: Éfeso, Esmirna, Pérgamo, Tiatira, Sardes, Filadelfia, Laodicea, uka iglesianakaru” sasa.

Apocalipsis 14:7

Jupax wali jach'a arumpiw art'äna: “Diosar axsartapxam, jupar yupaychapxarakim, taripañap urux purinxiwa. Alaxpacha, akapacha luririr yupaychapxam, qutanak luririru, uma jalsunak luririr yupaychapxam” sasa.

Apocalipsis 15:4

Tatay, ¿khitirak jumar jan axsarätamsti? ¿Khitirak sutimar jan yupaychanisti? Juma sapakïtaw qullanaxa; taqi markanakaw jumar yupaychir jutani, chiqa aski luratanakaman qhanstatap layku” sasa.

Apocalipsis 19:10

Nayasti yupaychañatak angelan nayraqataparuw killt'asta, ukampis jupax situwa: “Jan uk luramti, nayax jumjam luqtirikïtwa, ukhamarak khitinakatix Jesucriston qhanañchatapar taqi chuymampi arkapki ukanakjam luqtirikirakïtwa. Diosaruy yupaycham” sasa. Jesucriston uka qhanañchatapasti Diosat parlirinakaruw amuyt'ayi.

Apocalipsis 22:10

Sarakituwa: “Akan qillqatäki uka profecía arunakxa, jan imxäsimti, phuqhasiñap urusti jak'achasinxiwa.

Apocalipsis 22:18

Akan qillqatäki uka profecía arunak ist'irinakarux, taqpachaniruw nayax sista: Khititix akan qillqatäki uka arunakar kunsa yapxatanixa, Diosax jupar kuna mutuyäwinakattix aka qillqatan parlki ukxa yapt'arakiniwa.

Apocalipsis 22:7

“¡Jank'akiw jutä! ¡Khititix aka qillqatankir profecía arunak chuymapar katuqkani ukax, kusisiñaniwa!”

Apocalipsis 9:20

Uka t'aqhisïwinakampi jan jiwarir jaqinakasti, jichhax janirakiw jan wali luratanakap apanukupkänti, kunayman ajayunakar yupaychañsa janirakiw apanukupkänti; qurita, qullqita, bronceta, qalata, lawat lurat diosanakarus yupaychasipkakïnwa, jan uñjiri, jan ist'iri, jan sarnaqiri diosanakaru.