Apocalipsis 22:10 - Qullan Arunaka DC

¹⁰ Sarakituwa: “Akan qillqatäki uka profecía arunakxa, jan imxäsimti, phuqhasiñap urusti jak'achasinxiwa.

Aymar Bibliia 1986

¹⁰ Saraquituwa: “Cuna arunacatejj Diosa toket aca libron kellkatäquis ucjja jan imjjäsimti, horasasti purinjjewa phokhasiñapataqui.

Qullan Arunaca

¹⁰ Saraquituwa: “Cuna arunacatejj Diosa toket aca libron kellkatäquis ucjja jan imjjäsimti, horasasti purinjjewa phokhasiñapataqui.

Apocalipsis 22:10 Jak'a apnaqawi uñst'ayäwi

Isaías 13:6

Babiloniankirinaka, wararipxam, Tatitun taripañ urupax jak'ankiwa, taqi ch'aman Tatitux mä t'aqhisiyañampiw purini.

Isaías 8:16

Aka arunaksti sum imapxam; aka yatichäwinakaxa, iwxanakaxsa, jan khitinsa uñjkañar imasipxam.

Ezequiel 12:23

Jichhasti jupanakarux nayan sutixampi sarakim: ‘Nayaw uka säwi chhaqtayä, janiw mayampisa Israel markan ukax arsutäkxaniti’ sasa. Ukxarusti sarakim: ‘Kuntix profetanakax unañchäwi tuqi uñjapkän ukanakan phuqhasiñap urunakasti niya jak'ankxarakiwa.

Daniel (hebreo) 12:4

“ ‘Jumasti Daniel, taqi akanakatxa, jan khitirus arsumti; uka qillqat jan jist'aramti, tukuy uru puriniñapkama. Walja jaqinakaw juk'amp yatxatañ munasax uksa aksa sarnaqapxani’ sasa.

Daniel (hebreo) 12:9

Jupasti sarakituwa: ‘Daniel, jumax sarnaqañ sarnaqaskam, janiw khitis taqi akanakat yatiñapäkiti, tukuya pachan puriniñapkama.

Daniel (hebreo) 8:26

“ ‘Jayp'unakampita, qhantatinakampit unañchäwi tuqitxa qhanañchxsmawa, ukasti chiqawa; jumax chuymaman ukanak imam, ukanakax walja urunak mäkipkani ukapachaw phuqhasiskani’ sasa.

Mateo 10:27

Kuntix ch'amakan sapksma ukxa, uru qhanan arsupxam; jamasan sapksma uksti, uta patat arnaqapxam.

Romanos 13:11

Taqi akanakansti kuna urunakantix jakapktan uk amuyasipxam, yatipxam, niy ikit sartañ pachäxiwa. Qhispiyasiñasax, yatiyäwir qalltan iyawsapktan ukat sipan juk'ampi jak'ankiwa.

Romanos 13:12

Ch'amak arumax niyaw tukusiski, uru qhanaw niy jak'achasisinki; ch'amakan luräwinakap apanukupxañäni, ukatsti qhanamp isthapisipxañäni, kamisatix mä soldadox nuwasiñ yänakapampi isthapiski ukhama.

2 Tesalonicenses 2:3

Kunäkipansa jan sallqjayasipxamti. Ukampis janïr uka uru purinkipanxa, Diosar kutkatasirïñaw jutañapa, kunapachatix ñanqha jaqix uñstankan ukapacha, khititix t'unjañatak juchañchatäki uka.

1 Pedro 4:7

Taqi kunan tukusiñapax jak'ankxiwa, ukatpï jumanakax wali amuyt'amp sarnaqapxañamaxa, Tatiturus mayisipxañamaxa.

Apocalipsis 1:11

uka arusti situwa: “Uñjktas ukanak qillqam, ukatsti Asia suyunkir paqallqu iglesianakar apayam: Éfeso, Esmirna, Pérgamo, Tiatira, Sardes, Filadelfia, Laodicea, uka iglesianakaru” sasa.

Apocalipsis 1:3

Aka yatiyäwi arunak ullaririx kusisiñaniwa. Diosat katuqat arunak ist'irinakasa, akan qillqatäki uka arunakarjam sarnaqirinakas kusisiñanïpxarakiwa, uka arunakan phuqhasiñap urux niy jak'ankxiwa.

Apocalipsis 10:4

Uka paqallqu q'ixu q'ixunakan ist'ayasitapatsti, nayax qillqañampïskäyätwa, ukampis alaxpachat mä aru ist'ta, uka arusti situwa: “Amuki imxäsim kuntix uka paqallqu qhixu qhixunakax parlki ukxa, janirak qillqamti” sasa.

Apocalipsis 22:16

“Naya, Jesusaw angelaxar khitta iglesianakar taqi akanak yatiyañapataki. Nayätwa David reyit saraqirixa; qhantati ururi warawarätwa.”

Apocalipsis 22:18

Akan qillqatäki uka profecía arunak ist'irinakarux, taqpachaniruw nayax sista: Khititix akan qillqatäki uka arunakar kunsa yapxatanixa, Diosax jupar kuna mutuyäwinakattix aka qillqatan parlki ukxa yapt'arakiniwa.

Apocalipsis 22:20

Akanak qhanañchiristi siwa: “Nayax jank'akiw jutä” sasa. Ukhamäpan. ¡Tatit Jesús, jutakimaya!

Apocalipsis 22:7

“¡Jank'akiw jutä! ¡Khititix aka qillqatankir profecía arunak chuymapar katuqkani ukax, kusisiñaniwa!”

Apocalipsis 22:9

Ukampis jupax situwa: “Jan uk luramti. Diosaruy yupaycham, taqpach jiwasanakax jupan luqtiripätanwa, nayasa, jumasa, profetanakasa, Diosan arunakapar jaysirinakasa” sasa.

Apocalipsis 5:1

Ukatsti qhapaq qunuñan qunt'atäkän ukan kupi amparapan mä qillqat uñjta, patatsa manqhatsa qillqsuta, paqallqu sellonakampi uchantata.