Apocalipsis 22:2 - Qullan Arunaka DC

² umanakapasti markan jach'a thakhip taypi sarakipäna. Purap jawir thiyan quqanakaw utjarakïna; sapa phaxsi achur quqanakänwa, maran tunka payan kuti achur quqanaka. Achunakapax wiñay jakañ chuririwa, laphinakapasti akapach markanakan usunakap qulliriwa.

Aymar Bibliia 1986

² Uca marcan jach'a callepansti purap jawira uñcatasinjja mä kokaw jilaraquïna. Uca kokasti jacañ churiri kokänwa, tunca payani cutiraquiw maranjja achüna. Sapa phajjsiwa achüna, laphinacapasti marcanacan kollasiñapataquiw willirtaraquïna.

Qullan Arunaca

² Uca marcan jach'a callepansti purap jawira uñcatasinjja mä kokaw jilaraquïna. Uca kokasti jacañ churiri kokänwa, tunca payani cutiraquiw maranjja achüna. Sapa phajjsiwa achüna, laphinacapasti marcanacan kollasiñapataquiw willirtaraquïna.

Apocalipsis 22:2 Jak'a apnaqawi uñst'ayäwi

Génesis 2:9

Diosasti kunayman achunak churir suma quqanak jilayäna, ukanakasti manq'añatakïnwa. Achu churir quqanakan chika taypirusti jakañ quqa usküna, ukatsti askimpi ñanqhampi yatiñ churir quqa uskurakïna.

Salmos 147:3

Jupaw chuyma usuchjatanakarux waliptayi, chhuxrinakapsa k'umaracharaki.

Proverbios 3:18

Yatiñ kankañ jikxatiritakix ukax jakañawa; ¡yatiñ kankañ katxäsirinakasti kusisiñaniwa!

Isaías 6:10

Aka markan amuyupsa q'al pixtuntam, ukhamat jan amuyt'asipxañapataki, jinchunakapsti llupantam, ukhamat jan ist'apxañapataki, nayranakapsa juykhu tukuyam, ukhamat jan uñjapxañapataki, ukhamat nayan ukar jan kuttanisipkañapataki, nayan jupanakar jan qullaskañaxataki” sasa.

Jeremías 17:14

Tatay, jumakiy qullxatt'ita, ukatsti qullatäxäwa; jumakiy qhispiyita, ukatsti qhispitaw uñjasï, juma saparukiw yupaycharaksma.

Ezequiel 47:1

Uka jaqisti uka qhipat Tatitun utapar mantañawjaruw wasitat irpitu. Ukapachaw nayax uñjarakta punku manqhat uma jalsusinkiri, uka umasti inti jalsu tuqiruw jalaskäna, kawksarutix Tatitun utapax uñtatäkän uksaru. Uka umasti Tatitun utap kupïxap jalaqaskäna, altarat aynach tuqiru.

Oseas 14:4

4 (5) Tatitux israelitanakarux siwa: “Phiñasiñaxax t'akurxiwa. Jichhasti kunja jach'äkitix munasiñaxax uk uñacht'ayarakï, janiw saykatasir markäkxapxaniti.

Zacarías 14:8

Ukkhasti Jerusalén uraqitxa suma q'uma umaw jalsuni, uka umax juyphi pachasa junt'u pachasa jalaskakiniwa, mä chikat umax Mar Muerto sat qutakamaw jalani, mä chikatasti Mediterráneo sat jach'a qutakamaw jalarakini.

Malaquías 4:2

2 (20) Ukampisa, khitinakatix nayar axsartas sarnaqapkta ukanakatakixa, chiqapar uñjañaxax intir uñtataw k'ajani, qhanapasti jaqinakatakix qhispiyasiñ apanini. Jumanakasti kusisiñata jalnaqapxäta kunjämtix vaca qallunakax uyut mistusax jalnaqapki ukhama.

Lucas 4:18

“Tatitun Ajayupaw nayxanki, jan kunaninakar suma yatiyäwinak churañatakiw ajllisitu; llakt'atanakar chuymachiriw khithanitu, katuntatanakar qhispiyasiñ yatiyäwinak yatiyiriw khithanitu, juykhunakar uñatatayiri, t'aqhisiyatanakar qhispiyiri,

1 Pedro 2:24

Jesucristo pachpaw cruzan jiwasin juchanakas janchipxar apawayxi, ukhamat jiwasanakax jucha jan luras jakxañasataki, jan ukasti askinak luras jakañasataki. Jupax jumanak k'umaräpxañamatakiw chhuxriñchjatänxa.

Apocalipsis 2:7

¡Khititix jinchunïki ukax, ist'pan kuntix Tatitun Ajayupax iglesianakar siski uka! Jan walt'añanakar atipjirirusti, Diosan suma markapan utjki uka jakañ churir quqan achupat manq'ayä’ sasa.

Apocalipsis 21:21

Tunka payan punkusti tunka payan perlänwa; sapa punkusti mä perlat luratänwa. Markan jach'a thakhipasti qurikamakïnwa, suma qhispir uñtata.

Apocalipsis 21:24

Uka qhanapan markanakax sarnaqapxani, akapach reyinakasti uka qhanaruw qamir yänakap katuyapxani.

Apocalipsis 22:1

Ukatsti angelax jakañ churir mä suma q'uma jawir uñacht'ayitu. Uka jawirasti Diosampina, Corderompin qhapaq qunuñapat mistunïna, qhispir uñtat suma ch'uwarakïnwa;

Apocalipsis 22:14

Jakañ churir quqan achupat manq'asiñatak isinakap t'axsusirinakax kusisiñanïpxiwa, ukhamarak markar punku chiqa mantañ munirinakasa.

Apocalipsis 22:19

Khititix akan qillqatäki uka profecía arunakata kunsa apaqanixa, janiw Diosax jakañ churir quqan achupat jupar jalt'asiykaniti, janirakiw akan qillqatäki uka qullan markar mantaykaniti.