Apocalipsis 20:12 - Qullan Arunaka DC

¹² Ukatsti taqpach jiwirinakaruw uñjta, jisk'arusa, jach'arusa qhapaq qunuñan nayraqatapan sayt'atäskiri. Ukatsti qillqatanakaw jist'arasïna, ukhamarak yaqha qillqatasa, uka qillqatasti wiñay jakañ qillqata, satawa. Jiwirinakasti qillqatanakan qillqatäki uka lurataparjam taripataw uñjasipxäna.

Aymar Bibliia 1986

¹² Jiwatanacarusti jisc'arus jach'arus jupan nayrakatapan sayt'ata uñjta. Libronacasti jist'aratänwa, uqhamarac yakha librosa. Uca librosti jacañ libro satawa. Jiwatanacasti luräwinacaparjam uñjatäpjjänwa, cunjämtï uca libronacan kellkatäcänsa uqhamaru.

Qullan Arunaca

¹² Jiwatanacarusti jisc'arus jach'arus jupan nayrakatapan sayt'ata uñjta. Libronacasti jist'aratänwa, uqhamarac yakha librosa. Uca librosti jacañ libro satawa. Jiwatanacasti luräwinacaparjam uñjatäpjjänwa, cunjämtï uca libronacan kellkatäcänsa uqhamaru.

Apocalipsis 20:12 Jak'a apnaqawi uñst'ayäwi

Salmos 28:4

Luratanakaparjam jupanakarux uñjam; jan wali sarnaqäwiparjam uñjam; jan wali luratanakaparjam mutuyam.

Salmos 69:28

28 (29) ¡Jakañ qillqat taypit sutip apsum! ¡Janipun aski jaqinakampi chik qillqantamti!

Proverbios 24:12

“Janiw kuns yatkäyätti” siskäta ukasa, Tatitux chuymam uñt'iwa, jupasti sapa mayniruw lurataparjam churani.

Proverbios 24:29

Janipun kunapachas phuqsusiñ lup'imti, ukhamat ukham maynir lurasa.

Eclesiastés 12:14

Diosax taqi luratanakasat wayt'istani, walitsa, jan walitsa, jamas chiqan luratanakasatsa.

Jeremías 17:10

Naya, Tatituwa, jaqin chuymap uñjta, chuyma manqhapan amtatanakapsa yattwa; sapa maynirus luratanakaparjamaw mutuyarakï.”

Jeremías 32:19

Jumax amtäwinakaman jach'ätawa, luräwinakamansa ch'amanirakïtawa. Jumaw taqi jaqin luratanakap uñjtaxa, ukatsti luratanakaparjamaw kunsa churtaxa.

Daniel (hebreo) 7:10

Jupa nayraqatasti mä nina jawirjamaw misturakïna. Waranqanakaw juparux yupaychapxäna, waranqa waranqanakaw jupa nayräxan sayt'atäpxäna. Taripäwi qalltasinsti, qillqatanakax jist'arataw uñjasïna.

Mateo 11:22

Ukampis nayax sapxsmawa, taripäwi urun jumanakax Tironkirit sipana, Sidonankirit sipan jach'a mutuñ katuqapxäta.

Mateo 16:27

Jaqin Yuqapax Awkipan jach'a munañapampiw, angelanakapampi jutani, ukatsti sapa mayniruw lurataparjam churani.

Lucas 10:20

Ukampis jan kusisipxamti ñanqha ajayunakan jumanakar jaysapxatam laykuxa, jan ukasti sutinakamax alaxpachan qillqantatäxatapat kusisipxam —sasa.

Hechos 24:15

Jupanakjamarakiw Diosar iyawsas suyt'askta, suma jaqisa, jan wali jaqisa, jiwatat jaktañapa.

Romanos 2:6

ukat sapa maynir luräwipatjam churkan ukapacha.

1 Corintios 4:5

Ukhamasti, jumanakax jan kunatsa mäkix taripapxamti; Tatitun jutañap suyt'apxam, jupaw ch'amakankki uk qhanar apsuni, chuyman amtäwinakapsa qhanstayarakini. Ukatsti Diosaw sapaqat maynirux luräwipatjam jach'achaskani.

2 Corintios 5:10

Taqiniw Criston taripäwip nayraqatar uñstañäni, sapaqat maynis luräwipatjam katuqañapataki, janchinkkasin walsa jan walsa lurataparjama.

Filipenses 4:3

Juma, nayampi chik irnaqiri, jumaruw uka kullakanakar yanapt'añamatak achikt'assma, jupanakasti nayamp chikaw qhispiyasiñ arunak yatiyañan irnaqapxäna, Clemente jilatampi, mayni yanapirinakaxampi kunaw irnaqapxäna. Jupanakan sutinakapasti wiñay jakañ qillqatan qillqantatäxiwa.

Apocalipsis 11:18

Jumar jan iyawsir markanakax q'apisitäpxiwa; ukampis q'apisiñam urux puriniwa, jiwatanakar taripkäta uka uruxa. Jumar luqtir profetanakarusti mä waxt'äwi churäta, qullan markamarusa, sutim waqaychirinakarus waxt'äwi churarakïta, jisk'arusa, jach'arusa; aka uraqi t'unjirinakarusti, jumax t'unjarakïtawa” sasa.

Apocalipsis 13:8

Taqi khitinakatix aka uraqin jakapki, ukatsti uraqi qalltatpacha luqtat Corderon jakañ qillqatapan sutinakapas jan qillqatäpki ukanakaxa, uka jach'a axsarkañ animalaruw yupaychapxani.

Apocalipsis 17:8

Jumax uñjkta uka axsarkañ animalax nayrapachan jakkäna ukawa, jichhasti ukax janiw jakkxiti, ukampis aka uraqi manqhat mistsunini, jiwañar janïr sarkasa. Uraqin jakirinakasti, khitinakantix sutinakapax akapach qalltatpach jakañ qillqatan jan qillqantatäki ukanakasti, uka axsarkañ animalar uñjasax walpun muspharapxani, uka axsarkañ animalasti nayraw utjäna, jichhasti janiw utjkxiti, ukampis wasitat uñstanini.

Apocalipsis 19:5

Ukatsti qhapaq qunuñat mä aruw ist'asirakïna: “¡Diosasar yupaychapxam, taqi jupar luqtirinaka, taqi jupar axsartirinaka, jisk'anaka, jach'anaka!” sasa.

Apocalipsis 20:11

Ukatsti mä jach'a janq'u qhapaq qunuñ uñjarakta, ukan qunt'atäkän ukampiru. Jupan nayraqatapat uraqimpi alaxpachampix jan mayampitakiw chhaqtawayxäna, janirakiw kawkinsa wasitat uñjañäkxänti.

Apocalipsis 20:13

Lamar qutax ukan jiwirinak katuyxäna, manqhapachas jiwatanak katuyxarakïna; taqpach jiwatanakasti luräwinakaparjam taripataw uñjasipxäna.

Apocalipsis 20:15

khitinakan sutinakapatix wiñay jakañ qillqatan jan qillqatäkän ukanakax, ukar jaquntataw uñjasipxäna.

Apocalipsis 21:27

Janipuniw uka markarux kuna q'añus mantkaniti, janirakiw k'ari diosanakar yupaychirinakasa, sallqjirinakas mantkaniti. Jan ukasti, khitinakan sutipatix Corderon wiñay jakañ qillqatapan qillqatäki ukanakakiw uka markarux mantapxani.

Apocalipsis 22:12

“Nayax jank'akiw jutaskta. Sapa maynitakirakiw churäwi apasinkta luratanakaparjam churiri.

Apocalipsis 3:5

Jan walt'äwinak atipjirinakaru, nayar iyawsañ katxäsirinakarux, janq'u isimpiw isthapiyä, janirakiw wiñay jakañ qillqatat sutinakap apanukkäti, jan ukasti, Awkixan nayraqatapana, angelanakap nayraqatan jupanakarux uñt'asxä.