Apocalipsis 2:7 - Qullan Arunaka DC

⁷ ¡Khititix jinchunïki ukax, ist'pan kuntix Tatitun Ajayupax iglesianakar siski uka! Jan walt'añanakar atipjirirusti, Diosan suma markapan utjki uka jakañ churir quqan achupat manq'ayä’ sasa.

Aymar Bibliia 1986

⁷ Qhititejj ist'añ munqui ucajj ist'pan cuntejj Kollan Ajayojj iglesianacar sisqui ucjja: Qhitinacatejj atipjcani ucanacajj Diosan marcapan utjquis uca jacañ churir kokatwa mank'apjjani.”

Qullan Arunaca

⁷ Qhititejj ist'añ munqui ucajj ist'pan cuntejj Kollan Ajayojj iglesianacar sisqui ucjja: Qhitinacatejj atipjcani ucanacajj Diosan marcapan utjquis uca jacañ churir kokatwa mank'apjjani.’

Apocalipsis 2:7 Jak'a apnaqawi uñst'ayäwi

Génesis 2:9

Diosasti kunayman achunak churir suma quqanak jilayäna, ukanakasti manq'añatakïnwa. Achu churir quqanakan chika taypirusti jakañ quqa usküna, ukatsti askimpi ñanqhampi yatiñ churir quqa uskurakïna.

Proverbios 11:30

Chiqa kankañax jakañ churi, ñanqha lurañasti jakañ apaqi.

Proverbios 13:12

Suyatäki ukan jan phuqhasitapaxa, chuymaruw llakisiyi, munatasarjam phuqhasitapasti jakañ quqjamawa.

Proverbios 15:4

Chuymachasir arunakax suma qullar uñtatawa, jan wali amuyump arsut arunakasti, jaqin chuymap usuchjiriwa.

Proverbios 3:18

Yatiñ kankañ jikxatiritakix ukax jakañawa; ¡yatiñ kankañ katxäsirinakasti kusisiñaniwa!

Ezequiel 28:13

Tatitun Edén panqar yapupan utjasïyätaxa, kunayman suma qalanakampi k'achachata: Rubí, crisólito, jade, topacio, cornalina, jaspe, zafiro, granate, esmeralda qalanakampi, aretenakamasa, yaqha yänakamasa qurit luratkamakïnwa, yurïwim urutpach wakichatarakïnwa.

Ezequiel 31:8

Tatitun yapupan janipuniw kawkïr cedro quqas jumjamax utjkänti; janipuniw kawkïr pinos layminakamjam layminakanïkänti, janipuniw kawkïr castaño quqas jumjam laphinakanïkänti, janipuniw kawkïr quqas Tatitun yapupanxa jumjam sumax utjkänti.

Mateo 11:15

Ist'añ munirix ist'pan.

Mateo 13:43

Diosan munañap phuqhirinakasti, intjamaw Awkipan qhapaq markapan qhanapxani. ¡Jumanakatix ist'añ munapxstaxa, ist'apxam!

Mateo 13:9

¡Jumanakatix ist'añ munapxstaxa, ist'apxam!”

Marcos 4:9

Ukatsti Jesusax jupanakarux sänwa: “Jumanakatix ist'añ munapxsta ukaxa, ist'apxam” sasa.

Marcos 7:15

Kuna manq'atix lakat jaqin purakapar mantki ukax janiw jaqirux q'añuchkaspati, jan ukasti kuna q'añu arunakatix jaqin chuymapat mistki, ukaw jaqirux q'añuchi. [

Marcos 7:16

Jumanakatix ist'añ munapxstaxa, ist'apxam] —sasa.

Lucas 23:43

Jesusax juparux sarakïnwa: —Chiqpachaw sisma, jichhürpachaw nayampi chika kusisiñ chiqankäta —sasa.

Lucas 8:8

Ukampis mä yaqhip jathax suma laq'awjaruw puri; jilsusinsti, suma achu churi, sapa mayatsti patakar kunaw achu.” Uk sasinsti, Jesusax jach'at jupanakarux säna: “¡Jumanakatix ist'añ munapxstaxa, ist'apxam!” sasa.

Juan 16:33

Taqi akanaksti sapxsmawa, jumanakan nayar iyawsatanakamat samarañ jikxatapxañamataki. Akapachansti jumanakax t'aqhisipxätawa; ukampis ch'am katxatapxam, nayax akapacharux atipjawaytwa —sasa.

1 Corintios 2:10

Taqi akanaksti Diosax Qullan Ajay tuqikiw uñacht'ayistu. Uka Ajayusti taqi kun uñakipi, Diosan jan amuyt'kay amtatanakapamppach uñakipi.

2 Corintios 12:4

kusisiñ chiqar apatänwa, ukansti jan amuykay arunak ist'äna, uka arunaksti janiw khiti jaqirus “arsum” satäkänti.

1 Juan 2:13

Awkinaka, taykanaka, qalltatpach utjkän ukar uñt'apxatam laykuw jumanakar qillqanipxsma. Waynanaka, Supayar atipt'apxatam laykuw jumanakar qillqanipxsma.

Apocalipsis 13:9

Khititix jinchunïki ukax, ist'pan:

Apocalipsis 14:13

Ukapachaw mä aru ist'ta, alaxpachat art'asisinkiri: “Aka arunak qillqantam: ‘Khitinakatix akat uksar Tatitur iyawsas jiwapki ukanakax kusisiñanïpxiwa’ ” sasa. Diosan Ajayupax siwa: “Ukhamawa,” jupanakax taqi t'aqhisiñanakapata, jan walt'añanakapat samarxapxani, Diosasti jupanakar taqi aski luratanakapat waxt'äwip churani” sasa.

Apocalipsis 15:2

Ukatsti uñjaraktwa qhispir uñtat mä jach'a quta, ninampi kituntatjama; uka quta thiyansti khitinakatix jach'a axsarkañ animalar atipjapkatayna ukhamaraki uka animalan sutipan jakhupampi chimpuntayasiñ jan munapkatayna, janirak uka animalar uñtasit lursutapar yupaychapkatayna ukanakaw sayt'atäsipkäna. Diosax jupanakar churkatayna uka arpanak apt'atkamaki.

Apocalipsis 2:11

¡Khititix jinchunïki ukax, ist'pan kuntix Tatitun Ajayupax iglesianakar siski uka! Jan walt'añanakar atipjiristi, janiw payïri jiwäkis ukan, kuna t'aqhisiñsa katuqkaniti’ sasa.

Apocalipsis 2:17

¡Khititix jinchunïki ukax, ist'pan kuntix Tatitun Ajayupax iglesianakar siski uka! Jan walt'añanakar atipjirinakarusti, maná sat imantat t'ant'at manq'ayä; ukatsti mä janq'u qala churarakï, uka qalansti mä machaq sutiw qillqt'ata, uka sutsti janiw khitis yatkiti, uka qala katuqirikiw yati.’ sasa.

Apocalipsis 21:7

Jan walinakar atipjiristi taqi akanak katuqani; nayasti jupan Diosapäyäwa, jupasti nayan wawaxäniwa.

Apocalipsis 22:14

Jakañ churir quqan achupat manq'asiñatak isinakap t'axsusirinakax kusisiñanïpxiwa, ukhamarak markar punku chiqa mantañ munirinakasa.

Apocalipsis 22:17

Qullan Ajayumpi Corderon esposapampisti sapxiwa: “Jutam” sasa. Ist'irïki ukasti sarakpan “Jutam” sasa. Umat pharjayasiristi, jutpan; um muniristi, jakañ umat inak umt'arakpan.

Apocalipsis 22:2

umanakapasti markan jach'a thakhip taypi sarakipäna. Purap jawir thiyan quqanakaw utjarakïna; sapa phaxsi achur quqanakänwa, maran tunka payan kuti achur quqanaka. Achunakapax wiñay jakañ chuririwa, laphinakapasti akapach markanakan usunakap qulliriwa.