Apocalipsis 2:3 - Qullan Arunaka DC

³ Jumax llamp'u chuyma kankañanïtawa, sutix laykusti jan qarjasisaw wal t'aqhisiraktaxa.

Aymar Bibliia 1986

³ Wali llamp'usiña take cunataquis usctajja. Naya laycusti waliraqui ch'am tuctajja, jan karjasisaw t'akhisiractajja.

Qullan Arunaca

³ Wali llamp'usiña take cunataquis usctajja. Naya laycusti waliraqui ch'am tuctajja, jan karjasisaw t'akhisiractajja.

Apocalipsis 2:3 Jak'a apnaqawi uñst'ayäwi

Salmos 37:7

Tatitun nayraqatapan amukt'am; jupan yanapap llamp'u chuymamp suyam. Ñanqha lurir jaqin nayrar sartatapat jan q'apisimti, ñanqhanak amtir jaqitsa janirak mayjt'asimti.

Salmos 69:7

7 (8) Juma laykuw jisk'achat uñjasta; p'inqatsa ajanuxax ninapuniw nakhi;

Miqueas 7:9

Tatit nayraqatan juch lurta, ukat q'apisiñapsa amuk muturakïxa; ukchañkamasti, jupaw nayarux uñjitani, chiqaparuw uñjarakitani. Tatitux qhanaparuw irpitani, atipjañapsti uñjayarakitaniwa.

Marcos 15:21

Ukapachaw Cirenenkir Simonax yaput jutaskäna, jupax Alejandrompin Rufompin awkipänwa. Uka chiq saraskipan juparux Jesusan cruzap q'ipiyapxäna.

Lucas 14:27

Khititix nayar arkasin cruzap jan apañ munkchi ukax janiw nayan yatiqirixäkaspati.

Lucas 18:1

Jesusasti mä uñtasïwi tuqiw yatichäna, jan mayjt'asis Diosat mayisiñataki.

Lucas 21:19

¡Ch'aman sayt'asipxam, jakañam qhispiyasiñataki!

Lucas 5:5

Simonasti Jesusarux sänwa: —Yatichiri, arum paqariw irnaqapxta “chawlla katsuñäni” sasa, ukatsti janiw kunsa katupkti; ukampis juman arsutamaruw qänanak jaquntä —sasa.

Lucas 8:15

Suma laq'ar purir jathasti, khitinakatix taqi chuymamp Diosan arup ist'apki, ukarjam sarnaqapki jupanakawa, taqi ch'amamp sayt'apxatapat suma achunak churapxi.

Juan 15:21

Taqi akanaksti, nayan sutix laykuw lurapxätam, nayar khithankitu ukar jan uñt'apxatap layku.

Romanos 12:12

Suyt'añamansti kusisitak jakasipxam; t'aqhisiñanaksti llamp'u chuymampi mutupxam; janipun Diosat mayisiñ armasipxamti.

Romanos 16:12

Trifena, Trifosa jupanakar aruntapxam, jupanakasti Tatitutakiw irnaqapxi; ukhamarak Pérside munat kullakasarusa, jupasti Tatitutakix walipuniw irnaqawayi.

Romanos 2:7

Diosax wiñay jakañ churani taqi khitinakatix Diosan markapa, chiqa kankañampi jan inakt'as thaqhirinakaruxa;

Romanos 8:25

Ukampis kuntix suyapktan uktix janïr uñjapkstanxa, llamp'u chuymampiw suyt'apxañasa.

1 Corintios 13:7

Munasiñanïñax taqi kun t'aqhisiñawa, taqi kun iyawsañawa, taqi kun suyt'añawa, taqi kun mutuñawa.

1 Corintios 16:16

Nayasti muntwa jumanakax jupanakjam yanapt'asiri, irnaqiri jilatanakar ist'apxañama.

2 Corintios 10:15

Janirakiw yaqhanakan luratanakapat jach'achasipkti nanakan luratanakaxäkaspas ukhama. Jan ukasti, nanakax jumanak taypin juk'ampi irnaqañ munapxta, iyawsañanakaman jiltañapkama, kawkhakamatix wakiski ukkhakama.

2 Corintios 11:23

¿Jupanakax Criston irnaqiripäpxiti? Nayax jupanakatsa juk'ampïtwa, ukham parlasax inas mä luqhi jaqjam parlsta. Nayax jupanakat sipan juk'ampi irnaqawayta, nayarux jupanakat sipan walja kutiw carcelar jist'antapxitu, nayax jupanakat sipan juk'ampi jawq'jataw uñjasta, walja kutiw jiwayat niy uñjasta.

2 Corintios 4:1

Ukat nanakax jan qarjasipkti, Diosaw khuyapayasiñapan aka luräwi katuyapxitu.

2 Corintios 4:16

Ukat nanakax janipuniw mayjt'asipkti. Janchinakaxax sapürus aynacht'aski ukasa, ajayunsti urut urutjamaw machaqar tukusipkta.

2 Corintios 5:9

Ukatpï Tatitur kusisiyañatakix sapür ch'amachastanxa, janchin jakkasinsa, jan ukax jiwxasinsa.

2 Corintios 6:5

Jawq'jasin carcelar uskuntapxitu, jaqinakan uxutanakap taypin usuchjapxitu, wali ch'ama tukusaw irnaqapxta, jan ikini, jan manq'atarakiw sarnaqapxta.

Gálatas 6:2

Jan walt'añanak utjapxätam ukapachasti, maynit maynikam yanapt'asipxam. Ukham lurasaw Criston kamachip phuqhapxäta.

Gálatas 6:9

Ukhamasti janiy aski lurañan qarjasiñäniti, luraskakiñäni ukaxa, Diosax wakisitaparuw waxt'äwip churistani.

Filipenses 2:16

jakañ arunak jach'ar aptasa. Ukhamat kunapachatix Cristox jutkani ukkhaxa, jumanakat kusisiñaxataki, jan inamay ch'am tukus irnaqatax yatisina.

Filipenses 4:3

Juma, nayampi chik irnaqiri, jumaruw uka kullakanakar yanapt'añamatak achikt'assma, jupanakasti nayamp chikaw qhispiyasiñ arunak yatiyañan irnaqapxäna, Clemente jilatampi, mayni yanapirinakaxampi kunaw irnaqapxäna. Jupanakan sutinakapasti wiñay jakañ qillqatan qillqantatäxiwa.

Colosenses 1:11

Diosax alaxpach ch'amapampi jumanakar ch'amañchañapatakiw mayipxta, ukampiw jumanakax wali ch'amañchata, llamp'u chuymampi sayt'asipxäta, ukatsti kusisiñampiw

1 Tesalonicenses 1:3

Dios Awkisan nayraqatapan iyawsañampi irnaqapxatamata, munasiñampi yanapapxatamata, t'aqhisiñanakan Jesucristo Tatitusar suyt'atanakamat sapa kutiw amtasipxta.

1 Tesalonicenses 2:9

Jilatanaka, janchin jakañatakix jan inakt'as irnaqapxatanakax yatisipktawa. Nanakax uruy arumaw irnaqapxta, ukhamat Diosan suma yatiyäwip parlañanakaxanxa jan khititakis llakïskañataki.

1 Tesalonicenses 5:12

Jilatanaka, jumanak taypin irnaqapki, sarayapki, Tatitun sutipar iwxapkaraki ukanakar yäqapxañamatakiw achikt'apxsma.

2 Tesalonicenses 3:13

Ukampis jumanakax jilatanaka, janiy aski lurañan qarjtapxamti.

2 Tesalonicenses 3:5

Tatituy jumanakarux munasir tukuypan, kunjämtix Diosax munasiñapampi t'aqhisiñanakasan Cristo tuqi ch'amañchkistu ukhama.

2 Tesalonicenses 3:8

Janirakiw khitin manq'apsa inak manq'apkti, jan ukasti uruy arumaw ch'am tukupxta, jumanakatak jan llakïskañataki.

1 Timoteo 4:10

Ukatakiw jisk'achatäkasas irnaqañatak ch'amachastan, jakkir Diosarus katuyasiraktan, jupasti taqinin Qhispiyiripawa, ukat juk'ampi jupar iyawsapki ukanakan Qhispiyiripawa.

1 Timoteo 5:17

Iglesia sum apnaqki uka jilïrinakax suman uñjatäñapawa, khitinakatix Diosan arunakap parlapki, yatichapki ukanakax, juk'amp suman uñjatäñapawa.

Hebreos 10:36

Jumanakasti t'aqhisiñan ch'amanïñanakamaw wakisi, Diosan munañap lurañataki, ukhamarak kuntix arsuwaykän uk katuqañataki.

Hebreos 12:1

Ukhamasti, jiwasanakax walja iyawsañan jaqinakampi muyuntatäsaxa, kunatix jark'kistu, ukhamarak jan walt'aykistu uka juchsa maysar apanukuñäni, ukatsti ch'amañchat jalapxañäni kunatix nayraqatar jalañasäki ukana.

Hebreos 13:13

Ukhamasti Jesusampi chikay campamento anqäxar mistuñäni, ukatsti kunjämtix jupax t'aqhisiwayki uka kipkarak t'aqhisiñäni.

Hebreos 6:10

Diosax chiqapar uñjiriwa, kuntix jumanakax lurapkta ukat janiw armaskaniti, qullan markankir jilatanakar munasiñ uñacht'ayatamatsa, yanapt'atamatsa, jichhakamas ukham lurasipkaktawa.

Hebreos 6:12

Janiw jayra tukupxañam munapkti, jan ukasti, khitinakatix iyawsañ tuqi Diosan arsut churäwipa katuqapki taqi jupanakat yatiqasipxam.

Hebreos 6:15

Abrahamax llamp'u chuymampiw suyt'äna, ukatsti Diosan arsutaparjamaw katuqäna.

2 Pedro 1:6

amuyt'asiñarusti, jumanakpach suma sarnaqañampi; jumanakpach suma sarnaqañarusti, llamp'u chuymampi; llamp'u chuymarusti, Diosar munañampi;

Apocalipsis 1:9

Naya, Juanax, jumanakan jilamätwa, Jesusampi mayacht'asitax layku, t'aqhisïwinakan ch'amampi mututax laykusti, jumanakamp chikax Diosan ajllit markapankirïtwa. Diosan arunakap yatiyatax layku, Jesucristot parlatax laykurakiw Patmos quta wat'an nayax katuntat jikxatasïyäta.

Apocalipsis 3:10

Llamp'u chuymanïma sataxa ist'istawa, nayasti yant'a urun jumar imarakïma, uka yant'asti taqpach akapachan utjir jaqinakar yant'añatakiw jutaski.