Apocalipsis 2:16 - Qullan Arunaka DC

¹⁶ Ukhamasti, Diosar kutikipstam, jan ukasti, nayax mäkiw juman ukar jutä, ukatsti jupanakampix lakaxat mistki uka espadampiw nuwasï.

Aymar Bibliia 1986

¹⁶ Ucatpï jichhajj arrepientisiñamajja, jan ucasti nayajj mäquiw jutä, ucatsti jupanacampejj nuwasïwa lacajjat espadajj mistqui ucampi.

Qullan Arunaca

¹⁶ Ucatpï jichhajj arrepientisiñamajja, jan ucasti nayajj mäquiw jutä, ucatsti jupanacampejj nuwasïwa lacajjat espadajj mistqui ucampi.

Apocalipsis 2:16 Jak'a apnaqawi uñst'ayäwi

Isaías 11:4

Aynacht'atanakarux chiqa luräwimpiw uñjani, t'aqhin jakirinakarux arxatarakiniwa. Qhuru jaqinakarux mutuyaniwa, jan wali jaqinakarux jiwarayaniwa. Arunakapax mä kamachïkaspas ukhamäniwa.

Isaías 49:2

Arunakaxsti mä ari espadäkaspas ukham tukuyi, amparapampiw imxatt'itu, mä ari mich'jam tukuyitu, mich'i imasiñaparuw imasxarakitu.

Efesios 6:17

Qhispiyasiñasti mä cascor uñtat p'iqir asxatasiñatakïpan, Diosan arupasti Qullan Ajayun churat mä espadar uñtatäpan.

2 Tesalonicenses 2:8

Ukatsti uka ñanqha jaqiw uñstanini, juparusti Tatit Jesusax lakapampi phust'asakiw tukjani, ukatsti kunapachatix k'ajkir jutäwipampi jutkan ukkhax jisk'aruw tukuyani.

Apocalipsis 1:16

Kupi amparapansti paqallqu warawaranakaw utjäna, lakapatsti purapar arini espadarakiw mistusinkäna. Ajanupasti intin wali qhant'atapjamänwa.

Apocalipsis 16:9

Jaqinakax llakkañaw intimpi nakhantat uñjasipxäna, ukatsti Diosan sutip ñanqhachapxäna, uka mutuyäwinak apaqañatak ch'amanïkipansa; uka jaqinakax janiw Diosar yupaychañatak kutikipstapkänti.

Apocalipsis 19:15

Lakapatsti mä ari espadaw mistüna markanakar ukampi chhuxriñchjañataki. Uka markanakarusti wali qhuru kankañampiw apnaqani. Jupa pachparakiw vino ch'irwsuñatak uvanak takirani, ukasti taqi ch'aman Diosan q'apisiñapawa.

Apocalipsis 19:21

Mayninakasti janq'u caballonin lakapat mistkän uka espadampi jiwarayataw uñjasipxäna, taqi jamach'inakasti uka aychanakampiw sisarapxarakïna.

Apocalipsis 2:12

“Pérgamo iglesiankir angelarux qillqarakim: ‘Khititix purapar arini espada ayt'atäki ukax akham siwa:

Apocalipsis 2:5

Amuythapisim, nayra pachan kunjämäyätas ukat amtasim, ukatsti Tatitur kutikipstam. Jan wali luräwinak apanukum, kunjämtix qalltan sarnaqkäyätas ukham sarnaqam. Janitix ukham lurkätaxa, nayax jumar mutuyiriw jutä, ukatsti candeleromxa uchañapat apaqarakï.

Apocalipsis 22:20

Akanak qhanañchiristi siwa: “Nayax jank'akiw jutä” sasa. Ukhamäpan. ¡Tatit Jesús, jutakimaya!

Apocalipsis 22:7

“¡Jank'akiw jutä! ¡Khititix aka qillqatankir profecía arunak chuymapar katuqkani ukax, kusisiñaniwa!”

Apocalipsis 3:19

Khitinakarutix nayax munaskta ukanakarux tuqinuqtwa, chiqacharaktwa, amuyt'asimaya Tatitur kutikipstam.