Apocalipsis 19:6 - Qullan Arunaka DC

⁶ Ukatsti walja jaqis arnaqaskaspa ukham ist'arakta. Ukasti uma phaxchanakan qhututitapjamänwa, jach'a qhixu qhixunakar uñtata, sapxarakïnwa: “¡Aleluya! Taqi munañan Dios Tatitusaw aka uraqir apnaqañ qallti.

Aymar Bibliia 1986

⁶ Ucatsti walja jakes arnakascaspa, jan ucajj walja jawiranacana, uqhamarac jach'a khejjokhejjonacan suenapäcaspas uqhäm ist'aracta, aqham siri: “¡Aleluya! Take munañani Dios Tatitusawa jichhajj aca mundor apnakaña kallti.

Qullan Arunaca

⁶ Ucatsti walja jakes arnakascaspa, jan ucajj walja jawiranacana, uqhamarac jach'a khejjokhejjonacan suenapäcaspas uqhäm ist'aracta, aqham siri: “¡Aleluya! Take munañani Dios Tatitusawa jichhajj aca mundor apnakaña kallti.

Apocalipsis 19:6 Jak'a apnaqawi uñst'ayäwi

Job 40:9

¿Jumax nayjam ch'amanïtati? ¿Jach'at arsutamas nayan arsutaxjamati?

Salmos 47:2

2 (3) Tatitux muspharkañ axsarkayawa, taqi akapachan jach'a Reyipawa.

Salmos 47:7

7 (8) ¡Kusisiñampi Diosar q'uchupxam, jupaw taqpach uraqin Reyipaxa!

Salmos 77:18

18 (19) Q'ixu q'ixunakamax jach'a thayampi chikaw ist'asïna, lliju llijunakamax taqi akapach qhant'ayäna, uraqisti khathatirakïnwa.

Salmos 93:1

¡Tatitux reyiwa, reyi isimp isintatawa, Tatitux ch'aman kankañampi isthapitawa! Jupaw akapach sum thurt'ayi, jan unxtkir utt'ayi.

Salmos 97:1

¡Taqpach uraqix kusispan! ¡Jan jakht'kay wat'anakax kusisipxpan! ¡Tatituw Reyixa!

Salmos 97:12

¡Aski jaqinaka, Tatitump kusisipxam, qullan sutip jach'añchapxam!

Salmos 99:1

¡Tatitux Reyiwa! ¡Reyi qunuñapax querubines sat chhiqhaninakxar utt'atawa! Markanakax khathatipxpan, taqpach uraqis unxtarakpan.

Isaías 52:7

¡Kunja kusiskañas qullu patanakanjam jutaskir uñjañaxa, khititix mä suma yatiyäwi apanki ukaru, khititix sumankañ yatiyäwinak apanki ukaru, khititix qhispiyasiñ yatiyäwinaksa apanki ukaru, Jerusalén markarux sarakiwa: “Diosamax reyiwa”! sasa.

Jeremías 51:48

Alaxpachasa, akapachasa, taqi kunanakatix utjki ukanakasa, Babilonian aynacht'atapat walpun kusisipxani, amsta tuqit t'unjiripax jutkani ukapachaxa. Naya, Tatituw uk arsta.

Ezequiel 1:24

Ukatsti chhiqhanakan jawq'alitap ist'arakta, sarantapkän ukapacha, ukasti jach'a jawiran umanakapjamaw qhuthutïna, taqi ch'amani Tatitun arupjama, mä walja soldadonakan sarantatapjamaraki. Sayt'apkäna ukkhasti, chhiqhanakap aythapisxapxänwa.

Ezequiel 43:2

ukansti Israelan Diosapan qhanaparuw inti jalsu tuqit jutaskir uñjta. Mä jach'a uxuñaw ist'asïna, mä jach'a walja umani jawiran qhuxuqitapjama, uraqisti uka qhanampi phuqhantataw uñjasirakïna.

Mateo 6:13

Janirak yant'äwir puriyapxistati, jan ukasti ñanqhat qhispiyapxita’; [jumankiw jaqinakar apnaqañaxa, ch'amanïñasa, jach'achatäñasa wiñayan wiñayapataki. Ukhamäpan.]

Apocalipsis 1:15

Kayunakapasti wali lliphipkirïnwa, hornon parintayata, mä suma llijsuyat broncer uñtata; arupasti wali ch'amanirakïnwa, uma phaxchanakan qhututitapjama.

Apocalipsis 1:8

Tatitux siwa: “Nayätwa qalltasa tukuyasa, khitïkitix uka, khitïkäntix uka, khititix jutkani uka; jupasti Taqi Munañaniwa.

Apocalipsis 12:10

Ukatsti mä jach'a aru alaxpachan ist'ta, uka arusti sänwa: “Tatitusan qhispiyasiñapampi, munañanïñ kankañapampi, marka apnaqañapampix purinxiwa; Jesucriston munañanïñ kankañapax purinxiwa. Jilanakasar k'arintas juchañchirix jaqunukutäxiwa, uruy aruma, jilanakasar Dios nayraqatan juchañchirix jaqunukutäxiwa.

Apocalipsis 14:2

Ukatsti alaxpachat mä aru ist'ta, ukasti uma phaxchanakas qhututkaspa, jan ukax, mä qhixu qhixus ist'askaspa ukhamänwa; walja jaqinakas arpanakap jat'intapkaspa ukhamarakïnwa.

Apocalipsis 19:1

Uka qhipatsti, walja jaqinakan arunakap ist'ta, alaxpachan akham art'asiri: “¡Aleluya! Qhispiyasiñasa, jach'a kankañasa, munañanïñas Diosasankiwa,

Apocalipsis 19:4

Uka pä tunka pusin jilïrinakaxa, ukhamaraki uka pusi jakaskirinakasa, uraqir alt'asin, qhapaq qunuñan qunt'at Diosar yupaychapxäna, akham sasa: “¡Ukhamäpan! ¡Aleluya!” sasa.

Apocalipsis 21:22

Janiw kuna qullan utsa uka markan uñjkti, uka markan qullan utapasti Tatituwa, taqi ch'aman Diosawa, Corderorakiwa.

Apocalipsis 4:5

Uka qhapaq qunuñatsti uxutanakampi, lliju llijunakampi, q'ixu q'ixunakampiw mistunïna, uka qunuñ nayraqatansti paqallqu nina wiyanakaw aqarakïna, ukanakasti Diosan paqallqu ajayupawa.

Apocalipsis 6:1

Ukatsti uka paqallqu sellonakat mayïr sello Corderor ch'iyaqir uñjarakta, ukapachaw uka pusi jakaskirinakat maynïrir ist'arakta, qhixu qhixur uñtata, wali jach'at art'iri: “¡Jutam!” sasa.

Apocalipsis 8:5

Ukatsti angelax incienso q'apichañ katusinxa, altarankir nina sank'anakampiw ukar phuqhantäna, ukatsti aka uraqiruw uk wartanxäna; ukapachasti taqi chiqanakan qhixu qhixunakampi, uxuñanakampi, lliju llijunakampi, uraq khathatimpiw utjarakïna.