Apocalipsis 18:1 - Qullan Arunaka DC

¹ Taqi ukanak qhipatsti, yaqha angelaruw uñjarakta alaxpachat wali munañan kankañampi saraqasinkiri; uraqisti uka angelan k'ajatapampiw qhanäna.

Aymar Bibliia 1986

¹ Take ucanaca pasatatsti yakha angelaruraquiw uñjaracta alajjpachat wali munañani sarakasinquiri, khanapasti take aca orakpacharuraquiw khant'äna.

Qullan Arunaca

¹ Take ucanaca pasatatsti yakha angelaruraquiw uñjaracta alajjpachat wali munañani sarakasinquiri, khanapasti take aca orakpacharuraquiw khant'äna.

Apocalipsis 18:1 Jak'a apnaqawi uñst'ayäwi

Ezequiel 43:2

ukansti Israelan Diosapan qhanaparuw inti jalsu tuqit jutaskir uñjta. Mä jach'a uxuñaw ist'asïna, mä jach'a walja umani jawiran qhuxuqitapjama, uraqisti uka qhanampi phuqhantataw uñjasirakïna.

Lucas 17:24

Kunjämtix mä lliju llijux maysat maysar qhantixa, ukhamäniw Jaqin Yuqapax jutkan uka uruxa.

2 Tesalonicenses 2:8

Ukatsti uka ñanqha jaqiw uñstanini, juparusti Tatit Jesusax lakapampi phust'asakiw tukjani, ukatsti kunapachatix k'ajkir jutäwipampi jutkan ukkhax jisk'aruw tukuyani.

Apocalipsis 10:1

Ukatsti ch'aman kankañan yaqha angelaruw uñjta, alaxpachat qinayan llawuntat saraqasinkiri; p'iqipxansti mä kürmiw utjäna, ajanupax intir uñtataw qhanäna, kayunakapasti nina lawranakar uñtatänwa.

Apocalipsis 17:1

Ukatsti paqallqu qirunïpki uka paqallqu angelanakat mayniw nayan ukar jutasin situ: “Jutam, q'añu lurañanakan sarnaqirin mutuyäwip uñjayäma, jupasti walja jawiranak taypin qunt'atawa.

Apocalipsis 17:7

Ukat angelax sarakitu: “¿Kunatarak muspharastasti? Nayaw kuntix aka unañchäwix sañ munki uk amuyt'ayäma. Khitïkitix uka warmisa, khitïkitix uka paqallqu p'iqini, tunka waxrani jach'a axsarkañ animalas uk sarakïma.

Apocalipsis 21:23

Uka markatakix janiw intisa, phaxsisa qhanañapatak munaskiti, Diosan k'ajatapa qhantayatap layku, qhaniripasti Corderowa.