Apocalipsis 17:18 - Qullan Arunaka DC

¹⁸ Uñjktas uka warmix, uka jach'a markawa, reyipasti aka uraqin utjir taqi reyinakaruw apnaqi” sasa.

Aymar Bibliia 1986

¹⁸ Cuna warmtï uñjcta ucasti cawquïri marcatï aca orakena take reyinacaru apnakquis uca marcawa” sasa.

Qullan Arunaca

¹⁸ Cuna warmtï uñjcta ucasti cawquïri marcatï aca orakena take reyinacaru apnakquis uca marcawa” sasa.

Apocalipsis 17:18 Jak'a apnaqawi uñst'ayäwi

Daniel (hebreo) 7:23

Ukatsti sarakïnwa: “ ‘Uka pusïri axsarkañ jach'a laq'ux, kunatix aka uraqin pusïri apnaqäwi utjkani ukäniwa, mayni apnaqäwinakatsa mayjarakïniwa. Taqi aka uraqpach manq'antani, takisiniwa, t'unjarakiniwa.

Lucas 2:1

Khä urunakansti Augusto Cesaraw mä kamachi mistuyäna, jupax apnaqkäna taqi uka markanakan jaqinakan jakthapitäñapataki.

Apocalipsis 11:8

Amayanakapasti, kawkintix Tatitux ch'akkatatäkän uka jach'a markan thakhinakapan jaqtatäskaniwa. Uka markasti mä arunxa Sodoma, ukhamarak Egipto satarakiwa.

Apocalipsis 12:4

Wich'inkhapampisti niya chikatan chikatap alaxpach warawaranak qatatïna, ukatsti uraqiruw willirtayanïna. Uka dragonasti wawachasir warmin nayräxaparuw sayt'asi, yurkani uka wawar ukspach manq'antañataki.

Apocalipsis 16:19

Jach'a markasti kimsaruw jaljtäna, akapachankir markanakas q'alarakiw t'unthaptäna; Diosasti Babilonia jach'a markat amtasïna, jach'a q'apisiñapampi mutuyañataki.

Apocalipsis 18:2

Wali jach'at art'asirakïna: “¡Aynacht'xiwa, jach'a Babiloniax t'unjatawa! ¡Supayanakan utjäwiparuw tukuwayi, kunayman ñanqha ajayunakan putuparuw tukuwayi, kunayman q'añu jamach'inakan tapaparuw tukuwayi, q'añu qhuru uñisit animalanakan tapaparuw tukuwayxaraki!